ஸ்ரீவைகுண்டம் அருகே கோர விபத்து வேன் மீது அரசு பஸ் மோதி 9 பேர் பலி

மகா பிரபு · மகா பிரபு Tue Jan 17, 2012 9:36 am

ஸ்ரீவைகுண்டம் அருகே வேன் மீது அரசு பஸ் மோதியதில் ஒரே குடும்பத்தை சேர்ந்த 6 பேர் உட்பட 9 பேர் பலியாயினர். இந்த விபத்தால் நெல்லை & திருச்செந்தூர் சாலையில் ஒரு மணி நேரம் போக்குவரத்து பாதிக்கப்பட்டது. நெல்லை அருகே உள்ள தச்சநல்லூர் புதுஅம்மன் கோயில் தெருவை சேர்ந்தவர் சுப்பையா மகன் சரவணகுமார் (40). பீடி மற்றும் சிகரெட் ஏஜென்டான இவர், பொங்கலை முன்னிட்டு தனது குடும்பத்தினர் மற்றும் பக்கத்து வீட்டை சேர்ந்தவர்களுடன் திருச்செந்தூர் அருகே உள்ள புன்னைநகர் வனதிருப்பதி கோயிலுக்கு நேற்று வேனில் சென்றார். மதியம் அனைவரும் ஊருக்கு திரும்பி வந்து கொண்டிருந்தனர். வேனை சரவணகுமார் ஓட்டினார்.

ஸ்ரீவைகுண்டம் அருகே கோர விபத்து வேன் மீது அரசு பஸ் மோதி 9 பேர் பலி Accidentsrivaikundam

ஸ்ரீவைகுண்டத்தை அடுத்த ஆதிச்சநல்லூர் அருகே வரும் போது எதிரே நெல்லையில் இருந்து திருச்செந்தூருக்கு அரசு பஸ் சென்று கொண்டிருந்தது. பஸ்சை மார்த்தாண்டத்தை சேர்ந்த கில்பர்ட் (36) என்பவர் ஓட்டிச் சென்றார். அப்போது ஒரு பெண் சாலையை கடக்க முயன்றார். இதனால் அவர் மீது மோதாமல் இருக்க டிரைவர் பஸ்சை திருப்பிய போது சரவணகுமார் குடும்பத்தினர் வந்த வேன் மீது எதிரே வந்த பஸ் பயங்கரமாக மோதியது. இதில் வேன் நொறுங்கியது.

வேனில் இருந்த சரவணகுமார், அவரது மனைவி மாரியம்மாள் (32), மகள் அபிராமி (13), மகன் சுரேஷ் (7), தாய் சங்கரம்மாள் (78), சரவணகுமாரின் அண்ணன் முருகேசன் என்ற சண்முகவேல் (52) மற்றும் குருசாமி மனைவி சந்திரா (44), அவரது மகள் இசக்கியம்மாள் என்ற மீனா (10) , தங்கமணி மனைவி ஜெய லட்சுமி (54) ஆகியோர் சம்பவ இடத்திலேயே பரிதாபமாக உயிரிழந்தனர்.

ஸ்ரீவைகுண்டம் தீயணைப்பு நிலைய வீரர்கள் விரைந்து வந்து காரின் இடிபாடுகளில் சிக்கிய உடல்களை மீட்டனர். பின்னர் உடல்கள் பிரேத பரிசோதனைக்காக ஸ்ரீவைகுண்டம் அரசு மருத்துவமனைக்கு அனுப்பி வைக் கப்பட்டன. இதனால் நெல்லை & திருச்செந்தூர் சாலையில் ஒரு மணி நேரம் போக்குவரத்து பாதிக்கப்பட்டது.

dinakaran

ஸ்ரீவைகுண்டம் அருகே கோர விபத்து வேன் மீது அரசு பஸ் மோதி 9 பேர் பலி

ஸ்ரீவைகுண்டம் அருகே கோர விபத்து வேன் மீது அரசு பஸ் மோதி 9 பேர் பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக