மூழ்கிய சொகுசு கப்பல் : 202 இந்தியர்கள் மீட்பு

by **இளமாறன்** Tue Jan 17, 2012 12:05 am

மூழ்கிய சொகுசு கப்பல் : 202 இந்தியர்கள் மீட்பு

இத்தாலி கடல் பகுதியில் உள்ள துஸ்கான் தீவு பகுதியில் மிக பெரிய ஆடம்பர சொகுசு கப்பலான ’கோஸ்டா கான்கார்டியா’ சென்று கொண்டிருந்தது. அதில் 4,500-க்கும் மேற்பட்ட சுற்றுலா பயணிகள் இருந்தனர்.

கடந்த 13-ந்தேதி இரவு அந்த கப்பல், கடலில் உள்ள பாறை மீது மோதி விட்டது. இதில் கப்பலின் கீழ் தளம் சேதம் அடைந்து கப்பலுக்குள் தண்ணீர் புகுந்து கடலில் மூழ்க தொடங்கியது.

இந்த விபத்தில் 6 பேர் இறந்தனர். சம்பவ இடத்துக்கு மீட்பு கப்பல்கள் அனுப்பப்பட்டு கப்பலில் பயணம் செய்த பயணிகள் மீட்கப்பட்டனர்.

மீட்கப்பட்டவர்களில் இந்தியர்கள் 202 பேர் என்று அறிவிக்கப்பட்டு இருக்கிறது.

நக்கீரன்