மைக்ரோ சாப்ட் விருது பெற்ற பாக். சிறுமி மரணம்

by மகா பிரபு Mon Jan 16, 2012 7:43 am

லாகூர்: இளம் வயதில் தகவல் தொழில்நுட்பத்துறையில் சாதனைபடைத்து, மைக்ரோசாப்ட் நிறுவனத்தின் தொழில்ரீதியான விருது பெற்ற உலகின் இளம் வயது ‌பெண் ‌கம்ப்யூட்டர் இன்ஜினியர், பாகிஸ்தானில் காலமானார். பாகிஸ்தானைச் சேர்ந்த சிறுமி அர்ஃபா கரீம் ராந்தவா,16. இவர் கடந்த 2004-ம் ஆண்டு எம்.சி.பி. எனப்படும் மைக்ரோ சாப்ட் சான்று விருதினை தனது 9 வயதில் பெற்று சாதனை படைத்தார்.
இவரது திறமையினை பாராட்டி உலகப்புகழ்பெற்ற மைக்ரோ சாப்ட் நிறுவனத்தின் தலைவர் பில்கேட்ஸ் , இந்த விருதை இவருக்கு விருது வழங்கி கெளரவித்தார். இதன் மூலம் உலகில் தொழில்ரீதியான முறையில் மைக்ரோ சாப்ட் விருதினை தனது 9- வயதில் பெற்ற முதல் இளவயது சிறுமி என்ற பெயர் பெற்றார்.ராணுவ வீரரின் மகளான அர்ஃபா கரீம் ராந்தவாவுக்கு, கடந்த ஆண்டு டிசம்பர் மாதம் 22 -ம் தேதி திடீரென வலிப்பு நோய் ஏற்பட்டது. லாகூர் ராணுவ மருத்துவமனையி்ல் அனுமதிக்கப்பட்டார். பின்னர் உயிருக்கு ஆபத்தான நிலையில் 29ம் தேதியன்று தீவிர சிகிச்சைப்பிரிவில் அவரை சேர்ந்தனர். அங்கு அவரது மூளை மற்றும் இதயத்தின் செயல்பாடுகள் குறை ஆரம்பிக்கவே, சிகிச்சை பலனின்றி கடந்த சனிகிழமையன்று இறந்தார்.இவரது மறைவிற்கு அதிபர் சர்தாரி, பிரதமர் யுசுப்ராஸா கிலானி ஆகியோர் இரங்கல் தெரிவித்துள்ளனர்.
இன்று நடக்கவுள்ள அவரது இறுதி சடங்கி்ல் பஞ்சாப் மாகாண முதல்வர் ஷபாஸ் ஷெரீப் உள்பட பலர் கலந்து கொள்கி்ன்றனர்.

dinamalar