கரூர் வைஸ்யா பாங்க் அறிவித்துள்ள பி.ஓ., பணியிடங்கள்

[tr][td]தனியார் வங்கிகளில் முன்னணி வங்கியாகக் கருதப்படும் கரூர் வைஸ்யா பாங்க் பி.ஒ., பணியிடங்களை அறிவித்துள்ளது.
தகுதிகள்
பட்ட மேற்படிப்பு ஒன்றை முடித்திருக்க வேண்டும்; அல்லது பி.இ., பி.டெக்., தகுதியைப் பெற்றிருக்க வேண்டும். குறைந்தது 60 சதவீதத்துடன் இதை முடித்திருக்க வேண்டும். அஞ்சல் வழியில் அல்லது திறந்தவெளி முறையில் இத்தகுதிகளைப் பெற்றிருப்பவர் விண்ணப்பிக்க முடியாது. 2009ம் ஆண்டில் இத்தகுதியைப் பெறவிருப்பவரும் விண்ணப்பிக்கலாம்.
மேலும் கம்ப்யூட்டர் சிறப்புப் பயிற்சி ஒன்றை குறைந்தது 3 மாதங்களுக்காவது பெற்றிருப்பதும் அவசியம். 31.8.2009 அன்று 30 வயதுக்குள் இருப்பது முக்கியம். எஸ்.சி., எஸ்.டி., பிரிவினருக்கு 5 ஆண்டுகள் தளர்வு தரப்படும்.
விண்ணப்பக் கட்டணம்
இப்பணிக்கான விண்ணப்பக் கட்டணம் ரூ.250. எஸ்.சி., எஸ்.டி., பிரிவினருக்கு ரூ.100. இது கரூர் வைஸ்யா பாங்க் லிமிடட் என்ற பெயரில் சென்னையில் மாற்றத்தக்க டி.டி.,யாக செலுத்தப்பட வேண்டும். தேர்வின் போது இதை சம்பந்தப்பட்ட வங்கிப் பிரதிநிதிகளிடம் தரப்பட வேண்டும்.
விண்ணப்பிக்கும் முறை
இப்பணிக்கு ஆன்லைனில் தான் விண்ணப்பிக்க வேண்டும். அதற்கு முன் தற்போது பயன்பாட்டில் உள்ள இமெயில் முகவரியைப் பெற்றிருப்பது அவசியம். ஆன்லைனில் விண்ணப்பிக்கும் முன்பு வங்கியின் இணைய தளத்தில் பதிவு செய்து கொள்ள வேண்டும். www.kvb.co.in தளத்தில் ஆன்லைனில் விண்ணப்பிக்கலாம்.
சில குறிப்புகள்
இப்பணிக்கான போட்டித் தேர்வானது தமிழ்நாட்டில் குறிப்பிட்ட சில இடங்களில் மட்டுமே நடத்தப்படும். முழு விபரங்களையும் வங்கியின் இணைய தளத்தில் அறிந்து கொள்ளவும்.
விண்ணப்பிக்கக் கடைசி நாள் செப்டம்பர் 30, 2009.[/td][/tr][tr][td]
[/td][/tr]