அரசு விழாவில் அதிமுக அமைச்சருடன் திமுக எம்.பி.,

by மகா பிரபு Sun Jan 15, 2012 7:08 am

தமிழக முதல்வரின் விரிவான மருத்துவ காப்பீட்டு திட்ட விழாவில், அ.தி.மு.க., அமைச்சருடன், தி.மு.க., எம்.பி., கலந்து கொண்ட சம்பவம் ஆச்சர்யத்தை ஏற்படுத்தியது. தமிழகத்தில் பொதுவாகவே எதிர்க்கட்சிகளை, எதிர்க்கட்சியினரை எதிரிகட்சியாகவும், எதிரி கட்சியினராகவும் பார்க்கும் மனநிலை உள்ளது. இந்நிலையில், தர்மபுரியில் நடந்த தமிழக முதல்வரின் விரிவான மருத்துவ காப்பீட்டு திட்ட விழாவில், தமிழக உயர் கல்வித்துறை அமைச்சர் பழனியப்பன் கலந்து கொண்டார். இதே விழாவில் தி.மு.க.,வைச் சேர்ந்த தர்மபுரி எம்.பி., தாமரைச் செல்வன் கலந்து கொண்டு அனைவரையும் ஆச்சர்யபடுத்தினார். ஏற்கனவே இத்திட்டத்தை முன்னாள் முதல்வர் கருணாநிதி வரவேற்றார் என்பது குறிப்பிடத்தக்கது. இத்தகைய மனோபாவம் மற்றவர்களிடமும் தொடர வேண்டும் என்பதே அனைவரின் எதிர்பார்ப்பாக உள்ளது.

dinamalar