சென்னை - ஹவுரா ரயிலில் தீ : பயணிகள் உயிர் தப்பினர்

by **இளமாறன்** Sat Jan 14, 2012 7:07 pm

புவனேஸ்வர் : சென்னை-ஹவுரா கோரமண்டல் எக்ஸ்பிரஸ் ரயிலின் பொதுப் பெட்டியில், திடீரென தீப்பிடித்ததால் பயணிகள் கூச்சலிட்டனர். உடனடியாக தீ அணைக்கப்பட்டதால், பயணிகள் அனைவரும் காயமின்றி தப்பினர். சம்பவம் குறித்து விசாரணைக்கு உத்தரவிடப்பட்டு உள்ளது. சென்னை சென்ட்ரலில் இருந்து, கோல்கட்டாவில் உள்ள ஹவுராவுக்கு, கோரமண்டல் எக்ஸ்பிரஸ் ரயில் சென்று கொண்டிருந்தது. இந்த ரயில், ஒடிசா தலைநகர் புவனேஸ்வர் அருகே, லிங்கராஜ் ரயில் நிலையத்திற்குள், நேற்று காலை நுழைந்தது. அப்போது, இன்ஜினுக்கு அடுத்த, இரண்டாவது பொதுப் பெட்டியில், திடீரென தீப்பிடித்ததை பயணிகள் பார்த்து அலறினர்.
உடனடியாக ரயில் நிறுத்தப்பட்டு, தீயணைப்புப் படையினருக்கு தகவல் கொடுக்கப்பட்டது. தீயணைப்புப் படையினர் விரைந்து வந்து, 20 நிமிடம் போராடி தீயை அணைத்தனர். இதில், பயணிகள் யாருக்கும் காயமோ, உயிர்சேதமோ ஏற்படவில்லை. விபத்தை அடுத்து, தீப்பிடித்த பெட்டி ரயிலில் இருந்து அகற்றப்பட்டது. தொடர்ந்து, ரயில் கோல்கட்டா நோக்கிச் சென்றது. சம்பவம் குறித்து விசாரணை நடத்தப்படும் என, கிழக்கு கடற்கரை ரயில்வே அதிகாரி தெரிவித்தார்.

தினமலர்

by அசுரன் Sat Jan 14, 2012 8:00 pm

நல்லவேளையாக யாருக்கும் காயம் ஏற்படவில்லை

சென்னை - ஹவுரா ரயிலில் தீ : பயணிகள் உயிர் தப்பினர்

சென்னை - ஹவுரா ரயிலில் தீ : பயணிகள் உயிர் தப்பினர்

Re: சென்னை - ஹவுரா ரயிலில் தீ : பயணிகள் உயிர் தப்பினர்