2020ல் சர்வதேச தரத்தில் துறைமுகங்கள்: ஜி.கே.வாசன் பேச்சு

**பிரசன்னா** · **பிரசன்னா** Sat Jan 14, 2012 2:02 pm

சென்னை:2020ம் ஆண்டில் இந்திய துறைமுகங்கள் சர்வதேச தரத்தில் இயங்கும் என்று மத்திய கப்பல்துறை அமைச்சர் ஜி.கே.வாசன் கூறியுள்ளார்

பாரதீப் துறைமுக பொறுப்புக்கழகத்தின் பொன்விழா கொண்டாட்ட நிகழ்ச்சிகளின் நிறைவு விழா, வெட்பேசினில் நேற்று நடைபெற்றது. இந்த நிகழ்ச்சியில் கலந்துகொண்டு மத்திய அமைச்சர் ஜி.கே.வாசன் பேசியதாவது:-

கடல் கடந்து நடக்கும் வர்த்தகத்தில் 75 சதவீத மதிப்புள்ள சரக்குகள் கடல்வழியாகத்தான் பறிமாற்றம் செய்யப்படுகிறது. எனவேதான், நமது நாட்டின் பொருளாதார வளர்ச்சிக்கு துறைமுகங்கள் இன்றியமையாததாய் விளங்குகின்றன. பாரதீப் துறைமுகமும் அவைகளில் ஒன்று.

1962-ம் ஆண்டு ஜனவரி 3-ந் தேதி பாரதீப் துறைமுகத்தை ஜவஹர்லால் நேரு தொடங்கிவைத்தார். சுதந்திரத்துக்கு பிறகு கிழக்கு கடலோரப் பகுதியில் தொடங்கப்பட்ட முதலாவது பெரிய துறைமுகம் இது. கடந்த 2010-11-ம் ஆண்டில் மட்டும் 56 மில்லியன் மெட்ரிக் டன் எடையுள்ள சரக்குகள் இந்த துறைமுகத்தில் கையாளப்பட்டுள்ளன.

ஆந்திரா மற்றும் தமிழ்நாட்டில் உள்ள அனல் மின் உற்பத்தி நிறுவனங்கள் அனைத்தும் நிலக்கரி போன்ற சரக்குகளை பெறுவதற்கு பாரதீப் துறைமுகத்தைத்தான் பெரிதும் நம்பியுள்ளன. இந்த துறைமுகத்தை மேலும் வலுப்படுத்துவதற்கான திட்டங்கள் செயல்படுத்தப்பட்டுள்ளன. இந்த திட்டங்கள் எல்லாம் முடிவு பெற்ற பிறகு 2020 -ம் ஆண்டில், ஆண்டொன்றுக்கு 251 மில்லியன் மெட்ரிக் டன் சரக்குகளை கையாளும் துறைமுகமாக இது எழுந்து நிற்கும்.

துறைமுகங்களையும், கப்பல் போக்குவரத்தையும் மேம்படுத்துவதற்கான ஆலோசனைகளை பிரதமர் மன்மோகன்சிங், சோனியாகாந்தி ஆகியோர் வழங்கி வருகின்றனர். வரும் 10 ஆண்டுகளில் நிறைவேற்ற வேண்டிய திட்டங்களை, கடல்சார் திட்டங்கள்- 2020 என்ற பெயரில் கப்பல்துறை தொகுத்துள்ளது. அதன்படி இந்திய துறைமுக திறனை 3 ஆயிரத்து 200 மெட்ரிக் டன் அளவுக்கு உயர்த்தி, ரூ.2.87 லட்சம் கோடி அளவுக்கு முதலீட்டை பெற திட்டமிடப்பட்டுள்ளது. அந்த அளவுக்கு சரக்குகளை கையாளும்போது நமது துறைமுகங்கள், சர்வதேச அளவில் சிறப்பிடம் பெற்றுவிடும்.

சமூக மற்றும் சுற்றுப்புற சூழல் நலனுக்காக குறிப்பிட்ட பங்களிப்பை அளிப்பதற்கு அனைத்து பெரிய துறைமுகங்களையும் மத்திய அரசு அறிவுறுத்தியுள்ளது. அந்த வகையில் மருத்துவ முகாம்கள், கல்வித் திட்டங்கள், மரம் நடுதல் போன்றவற்றுக்காக ஆண்டுக்கு ரூ.5 கோடியை பாரதீப் துறைமுகம் செலவு செய்கிறது.

சர்வதேச தரத்துடன் சிறந்து விளங்குவதற்கு நமது துறைமுகங்களுக்கு அனைத்து இயற்கை செல்வங்களும் இருக்கின்றன. ஆனால் கடின உழைப்பும், உலக வர்த்தகத்தில் ஏற்படும் மாற்றங்களுக்கு ஏற்ப மாறிக்கொள்வதும்தான் நமக்கு தேவையான அம்சங்களாக உள்ளன.

இவ்வாறு அவர் பேசினார்.
~~~~~~~~~~~~~~~~~~~~~~~
தகவல் பகிர்வு - Vikitan.com
~~~~~~~~~~~~~~~~~~~~~~~

**கேசவன்** · **கேசவன்** Sat Jan 14, 2012 2:44 pm

அப்படினா 2020 வரை நாட்டை உங்களிடமே ஆட்சி செய்ய சொல்லி கொடுத்துவிட வேண்டுமா உடுட்டுக்கட்டை அடி வ

**இளமாறன்** · **இளமாறன்** Sat Jan 14, 2012 5:52 pm

கேசவன் wrote:அப்படினா 2020 வரை நாட்டை உங்களிடமே ஆட்சி செய்ய சொல்லி கொடுத்துவிட வேண்டுமா

கேசவ்

நல்ல கேட்குரங்கய்ய டீடைலு

ஐந்தாண்டு திட்டங்கள் பத்தாண்டு திட்டங்கள் எல்லாம் போடும் போதே அவங்களே வ இருப்பாங்க ...

முதல்ல இவரு 2020 ல எந்த கட்சி ல இருப்பாருனே அவருக்கே தெரியாது சிரி

உதயசுதா · உதயசுதா Sat Jan 14, 2012 5:58 pm

2020ளில் தானே. அதுக்கு இன்னும் 8 வருஷம் இருக்கு.நடப்பு கணக்கை நடக்கும்போது பார்த்துக்கலாம் வாசன் சார்.
என்னமோ சொல்றீங்க.நடக்கணும்ன்னு எங்களுக்கும் ஆசையா தான் இருக்கு