இனிமேல் பொது இடங்களில் புகை பிடிப்பவர்களை பார்த்து முகம் சுளிப்போம்

by அசுரன் Fri Jan 13, 2012 10:11 pm

First topic message reminder :

எனக்கு இந்த பழக்கம் இல்லையென்றாலும் நம் அருகில் உள்ளவர்கள் புகைபிடிக்கும் போது அது நம்மையும் நம்மை சுற்றியும் சார்ந்தும் உள்ள புகைபிடிக்காதவர்களையும் சேர்ந்து பாதிக்குமே என்ற கவலை எனக்கு எப்பவும் உண்டு. இந்த கவலை புகைபிடிப்பவருக்கு உண்டா? என்று தெரியவில்லை! அதனால் பொதுஇடங்களில் மற்றவர்கள் நடுவில் புகை பிடிப்பவர்களை பார்த்து முகம் சுளிப்போம்

ஒரு முறை நான் பணியாற்றும் பள்ளிக்கு எதிரில் உள்ள ஒரு சிறிய உணவு விடுதியில் சிகரெட்டும் பீடியும் சேர்த்தே விற்பனை செய்துவந்தார்கள். ஏனென்றால் அருகாமையில் உள்ள வீடுகளில் பணிபுரிவோர் மற்றும் நடுத்தரவர்கத்தினர் மதிய உணவு சாப்பிடும் இடமாக இந்த உணவகம் இருந்தது. நானும் சிலவேளைகளில் சாப்பிட நேர்கையில் ஒருசிலர் சிகரெட்டை பற்றவைத்துக்கொன்டு உள்ளே வந்து அமர்ந்து புகைப்பார்கள். நான் பலமுறை கடைநடத்துபவரிடம் இதுபற்றி புகார் சொல்லியிருக்கிறேன். என்போன்ற புகை பழக்கம் இல்லாதவர்களையும் இந்த புகை பாதிக்கவே! நான் புகைபிடிப்பவரிடம் பலமுறை சொல்லிப்பார்த்துவிட்டேன். அவர்கள் நகர்ந்து வெளியே சென்று புகைப்பார்கள். ஆனால் உணவக உரிமையாளர் சிகரெட் பீடி விற்பதை நிறுத்தவில்லை.

நான் ஒருபடி மேல் சென்று உரியவர்களிடம் புகார் தெரிவித்தேன். அவர்கள் நடவடிக்கையின் பேரில் அந்த உணவகம் நிரந்தரமாக மூடப்பட்டுவிட்டது. பள்ளி மாணவர்கள் இருக்கும் இடத்தில் இருந்து குறிப்பிட்ட தூரம் வரை இதுபோன்ற புகையிலை பொருட்கள் விற்கக்கூடாது என்ற தடை உள்ளது பற்றி நிறைய பேருக்கு விழிப்புணர்வே இல்லாமல் இருப்பது மிகுந்த வருத்தத்தை ஏற்படுத்துகிறது. புகைபிடிக்கும் கணவான்களால் அந்த பகுதியில் வேலைசெய்யும் ஏழை பெண்கள் அந்த உணவகத்தின் உள்ளே வரமாட்டார்கள். பார்சல் சாப்பாடு வாங்குவார்கள். இதையும் நான் பலமுறை கவனித்துள்ளேன்.

அந்த உணவகம் இல்லாமல் நானும் உணவுக்கு சில வேளைகளில் தூரம் சென்று உணவருந்திவிட்டு வந்திருக்கிறேன். அந்த சுமையை நான் பொருட்படுத்தியது இல்லை. ஏனெனில் என்னால் ஒரு நற்காரியம் செய்ய முடிந்ததே என்று மகிழ்ந்ததுண்டு. ஆனால் இதுவே முடிவல்ல. ஒரு இடத்தில் மூடினால் இன்னொரு இடத்தில் திறப்பார்கள்.

அதனால் நண்பர்களே இனி ஒரு விதி செய்வோம்! புகைப்பவர்களை கண்டு முகம் சுளிப்போம்.

நன்றி

by அசுரன் Wed Sep 19, 2012 9:54 pm

ராஜா wrote:
அருண் wrote:நல்லதொரு விழிப்புணர்வு செயல் அண்ணா.!
நல்ல செயல் ,

எனக்கு தெரிந்து ஒருத்தர் இருக்கிறார் அவர் இனிமே கண்ணாடி முன் நின்னு முகம் சுளித்துக்க வேண்டியது தான்

நீங்க யாரை சொல்றீங்க.. ஏன் கீழ ஒருத்தரு தலைதெரிக்க ஓடுறாரு.. சிப்பு வருது

by balakarthik Sun Sep 23, 2012 4:27 pm

அசுரன் wrote:ஏன் கீழ ஒருத்தரு தலைதெரிக்க ஓடுறாரு..

எல்லாம் முகம் சுளிக்கத்தான் ஆள்த்தான் கிடைக்கலே

by **சாமி** Tue Sep 25, 2012 9:35 am

வரவேற்கப்பட வேண்டிய கருத்து அசுரன்!
இதைப்போலவே 'குடிப்பவர்களையும்' (அவர்கள் நமக்கு நண்பர்களாக இருந்தாலும்) செய்தால் நன்றாக இருக்கும்!

அதனால் நண்பர்களே இனி ஒரு விதி செய்வோம்! புகைப்பவர்களை மற்றும் குடிப்பவர்களை கண்டு முகம் சுளிப்போம்.

by balakarthik Tue Sep 25, 2012 1:35 pm

சாமி wrote:வரவேற்கப்பட வேண்டிய கருத்து அசுரன்!
இதைப்போலவே 'குடிப்பவர்களையும்' (அவர்கள் நமக்கு நண்பர்களாக இருந்தாலும்) செய்தால் நன்றாக இருக்கும்!

அதனால் நண்பர்களே இனி ஒரு விதி செய்வோம்! புகைப்பவர்களை மற்றும் குடிப்பவர்களை கண்டு முகம் சுளிப்போம்.

ஒருவேள இவுங்கலேல்லாம் அன்புமணி க்ருப்போ ஆறுதல்

by **krishnaamma** Fri Sep 28, 2012 7:54 pm

ரொம்ப நல்ல செயல் அசுரன் மகிழ்ச்சி

நான் 80 களில் train இல் பயணிக்கும்போது (மெட்ராஸ் லிருந்து ராஜஸ்தான் ) கிருஷ்ணா குழந்தை, எதிரில் இருப்பவர்கள் அதிகாலை புகை பிடிக்க ஆரம்பிப்பார்கள், நான் அவர்களை "தயவுசெய்து தள்ளி கதவருகில் போய் புகையுங்கள் " என்று சொல்லிவிடுவேன் புன்னகை