இனிமேல் பொது இடங்களில் புகை பிடிப்பவர்களை பார்த்து முகம் சுளிப்போம்

by அசுரன் Fri Jan 13, 2012 10:11 pm

எனக்கு இந்த பழக்கம் இல்லையென்றாலும் நம் அருகில் உள்ளவர்கள் புகைபிடிக்கும் போது அது நம்மையும் நம்மை சுற்றியும் சார்ந்தும் உள்ள புகைபிடிக்காதவர்களையும் சேர்ந்து பாதிக்குமே என்ற கவலை எனக்கு எப்பவும் உண்டு. இந்த கவலை புகைபிடிப்பவருக்கு உண்டா? என்று தெரியவில்லை! அதனால் பொதுஇடங்களில் மற்றவர்கள் நடுவில் புகை பிடிப்பவர்களை பார்த்து முகம் சுளிப்போம்

ஒரு முறை நான் பணியாற்றும் பள்ளிக்கு எதிரில் உள்ள ஒரு சிறிய உணவு விடுதியில் சிகரெட்டும் பீடியும் சேர்த்தே விற்பனை செய்துவந்தார்கள். ஏனென்றால் அருகாமையில் உள்ள வீடுகளில் பணிபுரிவோர் மற்றும் நடுத்தரவர்கத்தினர் மதிய உணவு சாப்பிடும் இடமாக இந்த உணவகம் இருந்தது. நானும் சிலவேளைகளில் சாப்பிட நேர்கையில் ஒருசிலர் சிகரெட்டை பற்றவைத்துக்கொன்டு உள்ளே வந்து அமர்ந்து புகைப்பார்கள். நான் பலமுறை கடைநடத்துபவரிடம் இதுபற்றி புகார் சொல்லியிருக்கிறேன். என்போன்ற புகை பழக்கம் இல்லாதவர்களையும் இந்த புகை பாதிக்கவே! நான் புகைபிடிப்பவரிடம் பலமுறை சொல்லிப்பார்த்துவிட்டேன். அவர்கள் நகர்ந்து வெளியே சென்று புகைப்பார்கள். ஆனால் உணவக உரிமையாளர் சிகரெட் பீடி விற்பதை நிறுத்தவில்லை.

நான் ஒருபடி மேல் சென்று உரியவர்களிடம் புகார் தெரிவித்தேன். அவர்கள் நடவடிக்கையின் பேரில் அந்த உணவகம் நிரந்தரமாக மூடப்பட்டுவிட்டது. பள்ளி மாணவர்கள் இருக்கும் இடத்தில் இருந்து குறிப்பிட்ட தூரம் வரை இதுபோன்ற புகையிலை பொருட்கள் விற்கக்கூடாது என்ற தடை உள்ளது பற்றி நிறைய பேருக்கு விழிப்புணர்வே இல்லாமல் இருப்பது மிகுந்த வருத்தத்தை ஏற்படுத்துகிறது. புகைபிடிக்கும் கணவான்களால் அந்த பகுதியில் வேலைசெய்யும் ஏழை பெண்கள் அந்த உணவகத்தின் உள்ளே வரமாட்டார்கள். பார்சல் சாப்பாடு வாங்குவார்கள். இதையும் நான் பலமுறை கவனித்துள்ளேன்.

அந்த உணவகம் இல்லாமல் நானும் உணவுக்கு சில வேளைகளில் தூரம் சென்று உணவருந்திவிட்டு வந்திருக்கிறேன். அந்த சுமையை நான் பொருட்படுத்தியது இல்லை. ஏனெனில் என்னால் ஒரு நற்காரியம் செய்ய முடிந்ததே என்று மகிழ்ந்ததுண்டு. ஆனால் இதுவே முடிவல்ல. ஒரு இடத்தில் மூடினால் இன்னொரு இடத்தில் திறப்பார்கள்.

அதனால் நண்பர்களே இனி ஒரு விதி செய்வோம்! புகைப்பவர்களை கண்டு முகம் சுளிப்போம்.

நன்றி

by **பிஜிராமன்** Fri Jan 13, 2012 10:52 pm

மிகவும் அருமையான செயல் செய்துள்ளீர்கள் ஐயா.

நான் இதைப் பற்றி "பியூர் டெட்' Pure Dead என்று ஒரு கதை எழுதி இருக்கேன்.

by அசுரன் Fri Jan 13, 2012 10:58 pm

பிஜிராமன் wrote:மிகவும் அருமையான செயல் செய்துள்ளீர்கள் ஐயா.

நான் இதைப் பற்றி "பியூர் டெட்' Pure Dead என்று ஒரு கதை எழுதி இருக்கேன்.

என் பார்வைக்கு அதை காட்டுங்கள் கவியே! பருகிவிடுகிறேன் இல்லை படித்துவிடுகிறேன்

by **பிஜிராமன்** Fri Jan 13, 2012 11:01 pm

என் பார்வைக்கு அதை காட்டுங்கள் கவியே! பருகிவிடுகிறேன் இல்லை படித்துவிடுகிறேன்

நான் அதை ஆங்கிலத்தில் எழுதியுள்ளேன் சார் அதனால் ஈகரையில் பதிய முடியாது , உங்களுக்கு நான் மெயில் செய்கிறேன் மெயில் ஐ டி கூறுங்கள்

by **சிவா** Sat Jan 14, 2012 9:12 am

///புகைப்பவர்களை கண்டு முகம் சுளிப்போம்///

நல்ல சிந்தனை. உங்களின் சேவை தொடரட்டும்.

by **கே. பாலா** Sat Jan 14, 2012 9:50 am

சிவா wrote:///புகைப்பவர்களை கண்டு முகம் சுளிப்போம்///

நல்ல சிந்தனை. உங்களின் சேவை தொடரட்டும்.

நான் முப்பத்து வருடத்துக்கு மேல் சிகரெட் புகைத்தேன். அதை விட்டு இப்போது எட்டு வருடங்கள் ஆகிவிட்டது. சனியன் தொலைந்தது என்று சொல்வார்களே...அதை நான் முழுமையாக உணர்கிறேன்.