மின்னல்!

**பார்த்திபன்** · 24/07/2011

அங்கே விண்மீன்களைப் பிடிக்க
வெள்ளைத் தூண்டில் போடுவது யார்?

அந்தப் பால்வெளியைக்
கீழ்வழியாகக் கிழிப்பது யார்?

அங்கே நிலவை உருக்கி
நிலம்நோக்கித் தெளிப்பது யார்?

மின்னல் - கடவுளின் கைரேகை!

கருப்பு மேகம் சுழற்றும்
வெள்ளைச் சாட்டை!

கதிரவன் மறைந்த கருப்பு பூமியை
வெளிச்சமடித்து வேவுபார்க்கும்
வானத்தின் செயல்!

வானம் வடிக்கும்
வைரக் கண்ணீர்!

வரம்பின்றிப் பரவும்
வான்மகளின் நரம்பு!

வான்மகள் மழை என்ற
பெயரில் வாசல் தெளித்து,
கோலம் என்ற பெயரில்
கோனலாய்க் கிழிக்கும் கோடு!

வெள்ளை மையால்
வரையப்படும் வேரின் ஓவியம்!

மேகத்தாய் பிரசவிக்கும்
மின்சாரக் குழந்தை!

மழைவானம் கொழுத்தும்
மத்தாப்பு!

மேகப் புற்றிலிருந்து வெளியேறும்
வெள்ளிப் பாம்புகள்!

ஆகாய அரசாங்கம் வெளியிடும்
வெள்ளை அறிக்கை!

மேகக் கிழவியின்
நரையுற்ற கூந்தலின்
முறையற்ற பின்னல்!

இயற்கை இறைக்கும்
இலவச மின்சாரம்!

கொடியாய் விண்ணில் படர்ந்து,
இடியாய் மண்ணில் இறங்கும்,
அழகிய ஆபத்து!

- நிலவை.பார்த்திபன்

**ரா.ரா3275** · **ரா.ரா3275** Fri Feb 17, 2012 9:03 am

அடடா...சூப்பர்...அருமை...அற்புதம்...
பார்த்திபன் படை திரட்டி வந்துப் படைத்துள்ள வார்த்தைப் படையல் இது.
வெள்ளைத் தூண்டில்,கறுப்புப் பூமி,வைரக்கண்ணீர்,வேரின் ஓவியம்,
வெள்ளிப்பாம்புகள்,மேகக் கிழவி...என அரிய-அருமையான சொல்புனைவுகள் சொக்கவைக்கின்றன...
வாழ்த்துகள் பார்த்திபன்...
மகிழ்ச்சி

**ஜாஹீதாபானு** · 16/04/2011

கவிதை ரொம்ப சூப்பர் அருமையிருக்கு

முஹைதீன் · முஹைதீன் Fri Feb 17, 2012 12:37 pm

கவிதை ரொம்ப சூப்பர் சூப்பருங்க

வேலவன் · வேலவன் Fri Feb 17, 2012 12:41 pm

**பார்த்திபன்** · 24/07/2011

ரா.ரா3275 wrote:அடடா...சூப்பர்...அருமை...அற்புதம்...
பார்த்திபன் படை திரட்டி வந்துப் படைத்துள்ள வார்த்தைப் படையல் இது.
வெள்ளைத் தூண்டில்,கறுப்புப் பூமி,வைரக்கண்ணீர்,வேரின் ஓவியம்,
வெள்ளிப்பாம்புகள்,மேகக் கிழவி...என அரிய-அருமையான சொல்புனைவுகள் சொக்கவைக்கின்றன...
வாழ்த்துகள் பார்த்திபன்...

நான் ரசிக்கும் கவிஞரே என் கவிதையைப் பாராட்டுவது ஆனந்தம்! மிக நன்றி நண்பரே.