ஆதலால் காதல் தோழர்களே...

by **ரா.ரா3275** Fri Jan 13, 2012 4:31 pm

கைதட்டும் கைதட்டும்
மண்ணோடு பேசும்போது
மழை கூட கைதட்டும்
காற்றோடு பேசும்போது
மரம்கூட கைதட்டும்
கண்ணோடு பேசும்போது
இமைகூட கைதட்டும்
கரையோடு பேசும்போது
அலைகூட கைதட்டும்
அடி-
உன்னோடு பேசும்போது
உதடுகள் கூட கைதட்டும்
'ஐ லவ் யூ' சொல்லிப்பார்
ஐ.நா. சபையே கைதட்டும்!

காதலில் மட்டும்தானடி
மகிழ்ச்சி மட்டுமே
கணக்கில் வைக்கப்படும்

இருக்கும்வரை-இறக்கும்வரை
கண்களுக்குள்
கனவுகளை விதைத்துக்
கலர்ப்படங்களை
அறுவடை செய்யும்

தோற்றாலும் ஜெயித்தாலும்
சுகமானாலும் சோகமானாலும்
எதுவாயினும்
மடி-தோள் இரண்டும் கொடுப்பது
இந்தக் காதல் மட்டுமே

ஆதலால் காதல் தோழர்களே...

கைதட்டுவோம் கைதட்டுவோம்
கை வலிக்க கை வலிக்க
கண்ணீர் வர கண்ணீர் வர
காதலுக்காக கைதட்டுவோம்!

by **பிஜிராமன்** Fri Jan 13, 2012 5:16 pm

மிகவும் அருமையான கவிதை ரா ரா

தட்டட்டும் தட்டட்டும்
தாறுமாறாய் தட்டட்டும்
கொட்டட்டும் கொட்டட்டும்
இருமனங்கள் தாளம்தனைக்
கொட்டட்டும்.........
தட்டுகிறேன் தட்டுகிறேன்
உங்கள் கவிக்காக கை தட்டுகிறேன்