த்ரிஷா, தமன்னா ஜோடி விதார்த்தின் கனவு

த்ரிஷா, தமன்னா ஜோடி விதார்த்தின் கனவு

ஒரு படம் ஹிட்டாகிவிட்டால் போதும், தனது குடைச்சல் புத்தியை காட்ட துவங்கிவிடுவார்கள் ஹீரோக்கள். கேரவேனில் ஆரம்பித்து, ஹீரோயின் யார் என்பது வரைக்கும் ஓராயிரம் கேள்விகள் கேட்பார்கள். ஆனால் விதார்த் அப்படிப்பட்டவரல்ல என்கிறது நமக்கு வரும் தகவல்கள்.



மைனா போன்ற தாறுமாறான வெற்றிக்கு பிறகும் இயக்குனர்களின் பாக்கெட்டில் டிராவல் ஆகும் யதார்த்த நடிகராக இருக்கிறார் விதார்த். கதை சொல்ல வரும் புதுமுக இயக்குனர்கள் கூட, அவர் கால்ஷீட் கொடுக்கலைன்னா பரவாயில்லை. மனசு கோணாமல் நடந்துகிட்டார். மதிச்சு கதை கேட்டார் என்கிற அளவுக்கு புரிந்துணர்வு ஹீரோவாகவும் இருக்கிறார் விதார்த்.

சரி, இப்போதென்ன அதற்கு? இப்படி யார் யார் மனசையெல்லாமோ கொள்ளையடித்த விதார்த்தின் பொங்கல் படம்தான் கொள்ளைக்காரன். ‘பெரிய பெரிய படமெல்லாம் வருது. பார்த்து ரிலீஸ் பண்ணுங்க’ என்று கோடம்பாக்கத்தில் பலர் அட்வைஸ் செய்த போதும் கூட படத்தின் மீது இருக்கிற நம்பிக்கையின் காரணமாக பொங்கலுக்கே கொள்ளைக்காரனை ரிலீஸ் செய்கிறார்கள்.

இப்படத்தின் தயாரிப்பாளர், ‘நாங்க செலவு செய்ததைவிட நல்ல விலைக்கு படத்தை வித்துருக்கோம். படமும் நல்லா வந்துருக்கு. தேங்ஸ்’ என்றாராம் டைரக்டர் தமிழ்செல்வனிடம். அத்தனை கோடி போட்ட தயாரிப்பாளரே திருப்தியா இருக்கும்போது, டிக்கெட் வாங்கும் ரசிகர்களும் அவரை விட திருப்தியா இருப்பாங்கன்னு நம்புறேன் என்றார் தமிழ்செல்வன்.

ஒரு படம் சுமாரா ஓடினாலே த்ரிஷா, தமன்னா என்று ஆசைப்படும் ஹீரோக்களுக்கு மத்தியில் நீங்க மட்டும் ஏமாளியாகவே இருக்கீங்களே விதார்த்? என்று விதார்த்திடம் கேட்டால், வெட்கத்தோடு பதிலளிக்கிறார் அவர். ஆமாண்ணே... எனக்கும் ஆசை இருக்கு. ஆனால் அதெல்லாம் தானா நடக்கும்ங்கிற கனவும் இருக்கு என்றார்.

அந்த கனவை கொள்ளைக்காரன் வெற்றி நிறைவேற்றட்டும்...

தகவல் பகிர்வு - தமிழ் வாரஇதழ் செய்திகள் ARRKAY