சோனியா பெயரில்‌ போலி ரேஷன்கார்டு

by மகா பிரபு Thu Jan 12, 2012 7:04 am

மகாராஷ்‌டிரா மாநிலத்தில் ‌சோனியா பெயரில் போலிரேஷன் கார்டு வழங்கப் பட்டுள்ளது. மேலும் அந்த கார்டில் பிரியங்கா, ராகுல் ஆகியோரின் பெயரும் இடம் பெற்றுள்ளது. மகாராஷ்டிரா மாநிலம் தானேவை சேர்ந்தவர் பிரவீன் பா‌ண்ட‌ே. இவரும் இவரது நண்பரும் மும்பை அருகில் உள்ள உல்காஷ்நகர் நகராட்சி அலுவலகத்திற்கு வேலை நிமித்தமாக ‌‌சென்றனர். அப்போது வாகனம் நிறுத்துமிடத்தில் ரேஷன் கார்டு ஒன்று கிடப்பதை கண்டறிந்தனர். அதில் புது டில்லியை முகவரியுடன், மாத வருமானம் ரூ.30 ஆயிரம் என்ற தகவலுடன் காங்கிரஸ் கட்சி தலைவர் சோனியா பெயரில் வழங்கப்பட்டுள்ளது. கார்டு குறித்து சமூக ஆர்வலர் ஒருவரான பிரவீன் பாண்‌டே கூறுகையில் தவறான முறையில் வாக்களிக்க இந்த கார்டை பயன்படுத்த வாய்ப்புள்ளது என தெரிவித்தார். மேலும் உல்காஷ்நகரின் தன்னார்வ அமைப்பின் மூலம் கார்டை செல்லாததாக்க வேண்டுமென தேர்தல்கமிஷனுக்கு கடிதம் மூலம் வேண்டுகோள் விடப்பட்டுள்ளது என தெரிவித்துள்ளார்.

dinamalar