கிட்னி மோசடி செய்து கோடீஸ்வரராக மாறிய மருத்துவமனை 'பியூன்

லக்னோ, ஜன.11-

உத்தரப்பிரதேச மாநிலம் லக்னோவில் உள்ள சஞ்சய் காந்தி மருத்துவ கல்லூரி மருத்துவமனையில் பியூனாக (உதவியாளர்) வேலை பார்த்து வருபவர் மெகபூப் அலி. அதே மருத்துவமனையில் கிளார்க்காக இருப்பவர் அசோக்குமார். இருவரும் கூட்டாக சேர்ந்து கிட்னி மோசடியில் ஈடுபட்டனர்.

சில நாட்களுக்கு முன்பு சஞ்சய்காந்தி மருத்துவமனை ஊழியர்கள் கிட்னி மோசடி யில் ஈடுபடுவதாக போலீசுக்கு புகார்கள் வந்தன. இதுபற்றி போலீசார் விசாரித்தபோது மெகபூப் அலி, அசோக்குமார் ஆகியோர் கிட்னி மோசடியில் ஈடுபட்டிருப்பது தெரியவந்தது. இதையடுத்து அவர்களை கைது செய்து போலீசார் விசாரித்தனர்.

விசாரணையில் பல்வேறு திடுக்கிடும் தகவல்கள் வெளியாகின. “பியூன்” மெகபூப் அலி கிராம பகுதிகளுக்கு சென்று அங்குள்ள தொழிலாளர்களுக்கு மது வாங்கி கொடுப்பார். பின்னர் அவர்களுக்கு பண ஆசை காட்டி கிட்னியை எடுக்க சம்மதிக்க வைத்து விடுவார். பின்னர் அவர்களை லக்னோ அழைத்து வந்து ஹரிசங்கரர் மவுர்யா என்பவருடன் இணைந்து அப்பாவி தொழிலாளர்களின் கிட்னியை எடுத்து அதிக விலைக்கு விற்று விடுவார்.

பஞ்சாப் மாநிலம் சண்டிகார், மொகாலி உள்ளிட்ட பகுதிகளுக்கும் உத்தரபிரதேச தொழிலாளர்களை அழைத்துச் சென்று கிட்னியை எடுத்து பல லட்சத்திற்கு விற்றுள்ளார். இந்த கிட்னி மோசடி மூலம் மெகபூப் அலி கடந்த 3 ஆண்டுகளில் பெரும் கோடீஸ்வரராக மாறி விட்டார்.

தற்போது இவர் லக்னோ, பல்ராம்பூர், சித்தார்த் நகர் போன்ற பகுதிகளில் பல லட்சம் மதிப்புள்ள வீட்டு மனைகள் வாங்கி குவித்துள்ளார். லக்னோவில் ஏராளமான வீடுகள், கட்டிடங்களை விலைக்கு வாங்கியுள்ளார்.

5-க்கும் மேற்பட்ட சொகுசு கார்கள் உள்ளன. 10-க்கும் மேற்பட்ட வங்கி களில் கணக்கு வைத்துள்ளார். அதில் பல கோடி பணத்தை டெபாசிட் செய்துள்ளார். கிட்னி மோசடி முலம் மெகபூப் அலி சம்பாதித்த சொத்துக்களை பறிமுதல் செய்ய போலீசார் முடிவு செய்துள்ளனர். அவரது வங்கிக் கணக்குகளை முடக்கவும் நடவடிக்கை எடுக்கப் பட்டு வருகிறது.

மாலைமலர்

இதெல்லாம் ஒரு பொழப்பு?

இதையும் ஏற்றுக் கொண்ட ஆதரவு தொிவித்து கூடவே வாழ்ந்து வந்த மனைவி... வெட்கக்கேடு.