விஜயா பாங்கில் 500 கிளார்க் பணியிடங்கள்

மத்திய அரசு நிறுவனமான விஜயா பாங்க் கர்நாடகா மாநிலம் மங்களூருவைத் தலைமையகமாகக் கொண்டது. 1931ம் ஆண்டு துவங்கப்பட்ட இந்த வங்கிக்கு நாடெங்கும் கிளைகள் உள்ளன. 1980ல் தேசிய மயமாக்கப்பட்டு பின் படிப்படியாக வளர்ச்சி பெற்று தற்போது 1110 கிளைகளைக் கொண்டுள்ளது இந்த வங்கி. 28 மாநிலங்களிலும் 8 யூனியன் பிரதேசங்களிலும் இது இயங்கி வருகிறது.
புரொபேஷனரி கிளார்க் என்னும் பெயரில் கிளார்க் பணியிடங்களை தற்போது இந்த வங்கி அறிவித்துள்ளது. பல்வேறு மாநிலங்களிலுள்ள இதன் கிளைகளுக்குத் தேவைப்படும் 500 காலியிடங்களுக்கான அறிவிப்பு இது.
காலியிட விபரம்
ஆந்திராவில் 40, கர்நாடகாவில் 110, தமிழ்நாட்டில் 40, கேரளாவில் 45 என காலியிடங்கள் உள்ளன. ஒரு மாநிலத்திலுள்ள காலியிடங்களுக்கு மட்டுமே ஒருவர் விண்ணப்பிக்க முடியும். அந்த மாநிலத்தில் அமைக்கப்படும் மையத்தில் தான் தேர்வை எழுத முடியும்.
தகுதிகள்
ஜூலை 1, 2009 அன்று 18 முதல் 28 வயதுக்குள் இருக்க வேண்டும். எஸ்.சி., எஸ்.டி., பிரிவினருக்கு 5 ஆண்டுகளும், ஓ.பி.சி., பிரிவினருக்கு 3 ஆண்டுகளும் வயது வரம்பில் தளர்வுதரப்படும். பிளஸ் 2ல் குறைந்தது 50 சதவீதத்துடன் பாஸ் செய்திருக்க வேண்டும். பட்டப்படிப்பு முடித்தவர் என்றால் பாஸ் செய்திருந்தால் போதும்.
தேர்வு முறை
இப்பணிக்கும் வழக்கம்போல வங்கிப் பணிகளுக்கான தேர்வைப் போன்ற போட்டித் தேர்வு வரும் டிசம்பர் 20 அன்று நடத்தப்படும். ரீசனிங், கணிதம், ஆங்கிலம், கிளரிகல் ஆப்டிடியூட் என்னும் 4 பகுதிகள் இடம் பெறும். தலா 50 கேள்விகள். ஒரு மணி நேரம் 35 நிமிடங்களுக்கு இத் தேர்வு நடத்தப்படும். மொத்தம் 260 மதிப்பெண்கள். ரீசனிங்கிற்கும் கணிதத்திற்கும் தலா 80 மதிப்பெண்கள். பிற பகுதிகளுக்கு தலா 50 மதிப்பெண்கள்.
இது தவிர விரிவாக விடையளிக்கும் பகுதியும் இடம் பெறும். தகவல் தொடர்புத் திறன் மற்றும் பகுத்தாராயும் திறன் ஆகியவற்றைப் பரிசோதிப்பதாக இது அமையும். இதில் தகுதி பெறுபவருக்கு நேர்முகத் தேர்வு நடத்தப்பட்டு இறுதியாகப் பணிக்கு எடுத்துக் கொள்ளப்படும். தமிழ்நாட்டில் சென்னையில் மட்டுமே இத் தேர்வு நடத்தப்படும்.
விண்ணப்பிக்கும் முறை
இத்தேர்வுக்கு விண்ணப்பக் கட்டணம் ரூ.300. எஸ்.சி., எஸ்.டி., பிரிவினருக்கு ரூ.50. இதை டி.டி.,யாக எடுத்து அனுப்ப வேண்டும். டி.டி.,யானது VIJAYA BANK RECRUITMENT PROJECT2009 (PROBATIONARY CLERKS) என்ற பெயரில் மும்பையில் மாற்றத்தக்கதாக எடுத்து அனுப்பப்பட வேண்டும். இப்பணிக்கு ஆன்லைனில் மட்டுமே விண்ணப்பிக்க முடியும்.
www.vijayabank.com என்னும் தளத்திற்குச் சென்று விண்ணப் பிக்கலாம். ஆன்லைனில் விண்ணப்பிக்கும் முன்னரே டி.டி.,யை தயாராக வைத்துக் கொள்ள வேண்டும். மேலும் தற்போது பயன்பாட்டில் உள்ள இமெயில் முகவரி ஒன்றையும் தயாராக வைத்துக் கொள்ளவும். ஆன்லைனில் பதிவு செய்தபின் கிடைக்கும் பிரின்ட் அவுட்டை தபால் மூலமாக டி.டி.,யுடன் அனுப்ப வேண்டும். இது சாதாரண தபால் மூலமாக மட்டுமே அனுப்பப்பட வேண்டும்.
விண்ணப்பிக்கும் முகவரி
VIJAYA BANK RECRUITMENT PROJECT 2009 (PROBATIONARY CLERKS)
POST BOX NO. 8218
DAHISAR (EAST),
MUMBAI – 400 068.