ஆக்ரா அனாதையாகிறது

by **பார்த்திபன்** Wed Jan 11, 2012 11:08 am

First topic message reminder :

குறிப்பு: சரியான பராமரிப்பு இல்லாவிட்டால் தாஜ்மஹால் விரைவில் தரைமட்டமாகும் என்ற இடிசெய்தி கேட்டு என் பேனாவழி கசிந்த கவிதை இது.

ஆக்ரா அனாதையாகிறது

ஒரு சமாதியே இங்கு சமாதியாகக் காத்திருக்கிறது!
விருட்சம் ஒன்று விறகாகக் காத்திருக்கிறது!
சரித்திரம் ஒன்று சரியக் காத்திருக்கிறது!
அதிசயம் ஒன்று அஸ்தமிக்கக் காத்திருக்கிறது!

கல்லறையாய் நின்று காதல் சொன்ன மாளிகை
சில்லறையாய் விழுந்து சிதறப் போகிறது!

கல்லறையில் எழுதப்படும் தோற்றம்-மறைவு - முதன்முறையாக
ஒரு கல்லறைக்காக எழுதப்படப் போகிறது!

காதலின் தூய்மையை இக்கல்லறை விளக்கும்!
காதலற்கெல்லாம் இது கலங்கரை விளக்கம்!
ஈடில்லாப் பெருமையை இனி ஆக்ரா இழக்கும்!
இந்தியர்க்கெல்லாம் இனி இதயம் வலிக்கும்!

யமுனை கேடிழைத்ததால்
காதல் தேவதை தன் வீடிழக்கிறாள்!

நதிக்கரை நகரம் - இனி
நாதியற்ற நரகம்!
தாஜ்மஹால் இல்லாத ஆக்ரா - இனி
இந்தியாவின் சஹாரா!

பொறியியல் சிற்பிகளுக்கோர் பொதுவான வேண்டுகோள்!
அந்த அற்புத மாளிகையை
அண்ணாந்து பார்க்க மட்டுமே எங்களுக்கு சம்மதம்!
அதைக் குனிந்து பார்க்கும் கொடூரத்தை
குருதி சிந்தியேனும் தவிர்த்திடுங்கள்!

வில்விடுத்த அம்பாகச் செயல்படுங்கள் விறைந்து!
எங்கள் விசும்பலுக்கெல்லாம் உங்கள் விஞ்ஞானமே மருந்து!

- நிலவை.பார்த்திபன்

by மகா பிரபு Tue Jan 17, 2012 8:10 am

கவிதை அருமை அருமையிருக்கு

by **பார்த்திபன்** Tue Jan 17, 2012 11:02 am

சுந்தரபாண்டி wrote:ஒரு சமாதியே இங்கு சமாதியாகக் காத்திருக்கிறது!
என்ன அருமையான தொடக்கம்!
உங்கள் கவிதை நெஞ்சை வலிக்கவைக்கிறது.

வாழ்த்துக்கள் பார்த்திபன்

வாஞ்சையுடன் சுந்தரபாண்டி

வசிஷ்டர் வாயால் பிரமரிஷி பட்டம்! யாருக்குத்தான் இனிக்காது. நன்றிகள் கோடி.

by **பார்த்திபன்** Tue Jan 17, 2012 11:04 am

கோவிந்தராஜ் wrote:
எங்கள் விசும்பலுக்கெல்லாம் உங்கள் விஞ்ஞானமே மருந்து!
அருமை கவிதையும், தவிப்பும், முடிவும் !!!

உங்களுக்கும் அன்பு நண்பர் மகாப்பிரபு அவர்களுக்கும் என் நெஞ்சார்ந்த நன்றிகள்.

by அசுரன் Tue Jan 17, 2012 11:15 am

தாஜ்மகால் தரைமட்டமாகப்போகும் அந்த சோகத்தை சரியான வார்த்தைகள் கொண்டு வடிவமைத்த உங்களுக்கு எனது பாராட்டுகள். அதை வடிவமைத்தவனே வந்தாலும் இப்படி வார்த்தைகளை போட்டு எழுத முடியாது.

by **ந.கார்த்தி** Tue Jan 17, 2012 11:18 am

:சூப்பருங்க

by **பார்த்திபன்** Tue Jan 17, 2012 5:34 pm

அசுரன் wrote:தாஜ்மகால் தரைமட்டமாகப்போகும் அந்த சோகத்தை சரியான வார்த்தைகள் கொண்டு வடிவமைத்த உங்களுக்கு எனது பாராட்டுகள். அதை வடிவமைத்தவனே வந்தாலும் இப்படி வார்த்தைகளை போட்டு எழுத முடியாது.

உங்கள் பாராட்டு பாயாசமாய் இனிக்கிறது! சற்று கூச்சப்படவும் வைக்கிறது. நன்றிகள் கோடி!

by மோகன் Tue Jan 17, 2012 5:49 pm

கல்லறையாய் நின்று காதல் சொன்ன மாளிகை
சில்லறையாய் விழுந்து சிதறப் போகிறது!

கல்லறையில் எழுதப்படும் தோற்றம்-மறைவு - முதன்முறையாக
ஒரு கல்லறைக்காக எழுதப்படப் போகிறது!
ஆக்ரா அனாதையாகிறது - Page 2 677196

by அசுரன் Tue Jan 17, 2012 6:39 pm

பார்த்திபன் wrote:
அசுரன் wrote:தாஜ்மகால் தரைமட்டமாகப்போகும் அந்த சோகத்தை சரியான வார்த்தைகள் கொண்டு வடிவமைத்த உங்களுக்கு எனது பாராட்டுகள். அதை வடிவமைத்தவனே வந்தாலும் இப்படி வார்த்தைகளை போட்டு எழுத முடியாது.

உங்கள் பாராட்டு பாயாசமாய் இனிக்கிறது! சற்று கூச்சப்படவும் வைக்கிறது. நன்றிகள் கோடி!

உண்மையை சொன்னால் இனிக்கத்தான் செய்யும் அன்பு மலர்