ஆக்ரா அனாதையாகிறது

**பார்த்திபன்** · 24/07/2011

குறிப்பு: சரியான பராமரிப்பு இல்லாவிட்டால் தாஜ்மஹால் விரைவில் தரைமட்டமாகும் என்ற இடிசெய்தி கேட்டு என் பேனாவழி கசிந்த கவிதை இது.

ஆக்ரா அனாதையாகிறது

ஒரு சமாதியே இங்கு சமாதியாகக் காத்திருக்கிறது!
விருட்சம் ஒன்று விறகாகக் காத்திருக்கிறது!
சரித்திரம் ஒன்று சரியக் காத்திருக்கிறது!
அதிசயம் ஒன்று அஸ்தமிக்கக் காத்திருக்கிறது!

கல்லறையாய் நின்று காதல் சொன்ன மாளிகை
சில்லறையாய் விழுந்து சிதறப் போகிறது!

கல்லறையில் எழுதப்படும் தோற்றம்-மறைவு - முதன்முறையாக
ஒரு கல்லறைக்காக எழுதப்படப் போகிறது!

காதலின் தூய்மையை இக்கல்லறை விளக்கும்!
காதலற்கெல்லாம் இது கலங்கரை விளக்கம்!
ஈடில்லாப் பெருமையை இனி ஆக்ரா இழக்கும்!
இந்தியர்க்கெல்லாம் இனி இதயம் வலிக்கும்!

யமுனை கேடிழைத்ததால்
காதல் தேவதை தன் வீடிழக்கிறாள்!

நதிக்கரை நகரம் - இனி
நாதியற்ற நரகம்!
தாஜ்மஹால் இல்லாத ஆக்ரா - இனி
இந்தியாவின் சஹாரா!

பொறியியல் சிற்பிகளுக்கோர் பொதுவான வேண்டுகோள்!
அந்த அற்புத மாளிகையை
அண்ணாந்து பார்க்க மட்டுமே எங்களுக்கு சம்மதம்!
அதைக் குனிந்து பார்க்கும் கொடூரத்தை
குருதி சிந்தியேனும் தவிர்த்திடுங்கள்!

வில்விடுத்த அம்பாகச் செயல்படுங்கள் விறைந்து!
எங்கள் விசும்பலுக்கெல்லாம் உங்கள் விஞ்ஞானமே மருந்து!

- நிலவை.பார்த்திபன்

சார்லஸ் mc · சார்லஸ் mc Wed 11 Jan 2012 - 12:53

“கல்லறையில் எழுதப்படும் தோற்றம்-மறைவு - முதன்முறையாக
ஒரு கல்லறைக்காக எழுதப்படப் போகிறது!”

அருமையான வாிகள் ஆக்ரா அனாதையாகிறது 2825183110

கவிதை

**ரா.ரா3275** · **ரா.ரா3275** Wed 11 Jan 2012 - 14:15

சூப்பர் பார்த்திபன்...
வார்த்தைகளைப் படைதிரட்டிக்கொண்டு
வந்திருக்கிறது உங்கள் கவிதை...
"சில்லறையாய் விழுந்து சிதறப் போகிறது"
நல்ல உவமை...
பின்னிப் பெடலெடுக்கிறது உங்கள் கவிதை...
வாழ்த்துகள்!

**கேசவன்** · **கேசவன்** Wed 11 Jan 2012 - 14:45

கவிதை அருமை

**ஜாஹீதாபானு** · **ஜாஹீதாபானு** Wed 11 Jan 2012 - 14:52

வரிகள் அனைத்தும் சோகத்தை ஏற்படுத்துகிறது சோகம்

கவி அருமை

முஹைதீன் · முஹைதீன் Wed 11 Jan 2012 - 14:52

கவிதை அருமை ஆக்ரா அனாதையாகிறது 224747944

உலக அதிசயத்தின் இன்றய நிலைமை.?

Anandaravi · Anandaravi Wed 11 Jan 2012 - 20:12

கவிதை மிகவும் அருமை

**பார்த்திபன்** · 24/07/2011

வாசித்துப் பாராட்டிய வஞ்சமில்லா நெஞ்சங்களுக்கு என் பணிவான நன்றிகள்!

கவினா · கவினா Tue 17 Jan 2012 - 6:27

ஒரு சமாதியே இங்கு சமாதியாகக் காத்திருக்கிறது!
என்ன அருமையான தொடக்கம்!
உங்கள் கவிதை நெஞ்சை வலிக்கவைக்கிறது.

வாழ்த்துக்கள் பார்த்திபன்

வாஞ்சையுடன் சுந்தரபாண்டி