அரசு பஸ் டிக்கெட்டில் தடுமாறும் தமிழ்

by **இளமாறன்** Wed Jan 11, 2012 12:30 am

செஞ்சி:அரசு போக்குவரத்துக் கழக கும்பகோணம் மண்டலத்தில் இயக்கப்படும் பஸ்களில், விழுப்புரம் என்பதற்கு பதிலாக, வில்லுபுரம் என்று டிக்கெட் வழங்கப்பட்டு வருகிறது.தமிழ்நாடு அரசு போக்குவரத்துக் கழக பஸ்களில், மின்னணு இயந்திரம் மூலம், டிக்கெட் வழங்கி வருகின்றனர். இந்த டிக்கெட்டில், அரசு போக்குவரத்துக் கழக மண்டலம், நாள், நேரம், பயணி எங்கிருந்து பயணம் செய்கிறார் என்ற தகவல் மற்றும் கட்டண விவரங்கள் உள்ளன. கும்பகோணம் மண்டலத்தில் இருந்து இயக்கப்படும் அரசு பஸ்களில், விழுப்புரம் என்ற பெயர், ஆங்கிலத்தில் எழுதும்போது உச்சரிக்கப்படுவது போல், தமிழில் எழுதப்பட்டுள்ளது.

தமிழில், "ழ' என்ற எழுத்துக்கு இணையாக, ஆங்கிலத்தில், சரியான உச்சரிப்பு கொண்ட எழுத்து இல்லாததால், விழுப்புரத்தை, "வி.ஐ.எல்.எல்.யு.பி.யு.ஆர்.ஏ.எம்.' என்று எழுதுவது வழக்கம்.தமிழ் தெரியாதவர் அதைப் படிக்க நேர்ந்தால், "வில்லுபுரம்' என்று தான் படிப்பர். அப்பெயர் தான், இப்போது பஸ் டிக்கெட்டிலும் அச்சடிக்கப்பட்டு வினியோகிக்கப்படுகிறது.விழுப்புரம் மண்டலத்தில் இயக்கப்படும் பஸ்களில் வழங்கப்படும் டிக்கெட்டில், விழுப்புரம் என சரியாக பதிவாகி வரும் நிலையில், கும்பகோணம் மண்டலத்தில் பயன்படுத்தப்படும் மின்னணு இயந்திரத்திலும் ழு, ழ என்ற எழுத்து இருப்பதற்கான வாய்ப்புகள் உள்ளன.
எனவே, சம்பந்தப்பட்ட அதிகாரிகள், இதைக் கண்காணித்து, சரியான பெயரில் டிக்கெட் வழங்க, ஆவன செய்ய வேண்டும் என, பயணிகள் எதிர்பார்க்கின்றனர்.
தினமலர்

by **பிஜிராமன்** Wed Jan 11, 2012 9:10 am

ழ என்பதற்கு ஆங்கிலத்தில, zha என்று டைப் செய்தால் வருமே.......

by மகா பிரபு Wed Jan 11, 2012 9:15 am

பிஜிராமன் wrote:ழ என்பதற்கு ஆங்கிலத்தில, zha என்று டைப் செய்தால் வருமே.......

by **பிஜிராமன்** Wed Jan 11, 2012 9:23 am

மகா பிரபு wrote:
பிஜிராமன் wrote:ழ என்பதற்கு ஆங்கிலத்தில, zha என்று டைப் செய்தால் வருமே.......

தட்டிக் கொடுத்திட தாமிருக் கும்வரை
பட்டமாய் சென்றிடுவேன் நான்

by மகா பிரபு Wed Jan 11, 2012 9:45 am

பிஜிராமன் wrote:
மகா பிரபு wrote:
பிஜிராமன் wrote:ழ என்பதற்கு ஆங்கிலத்தில, zha என்று டைப் செய்தால் வருமே.......

தட்டிக் கொடுத்திட தாமிருக் கும்வரை
பட்டமாய் சென்றிடுவேன் நான்

பட்டமாய் சென்றிட நீங்கள் இருக்கும்வரை
கட்டாயம் தட்டுவேன் நான்.

by **இளமாறன்** Wed Jan 11, 2012 12:25 pm

பிஜிராமன் wrote:ழ என்பதற்கு ஆங்கிலத்தில, zha என்று டைப் செய்தால் வருமே.......

உங்களுக்கு தெரியுது டமிலு அரசுக்கு தெரியிலயே சிரி

by **சிவா** Wed Jan 11, 2012 12:31 pm

டெக்னாலஜி இன்னும் கொஞ்சம் வளர வேண்டும். சின்ன சீட்டுக்குள் மிகத் தெளிவாக எழுதுவதும் இயலாததுதானே!

by **இளமாறன்** Wed Jan 11, 2012 12:49 pm

சிவா wrote:டெக்னாலஜி இன்னும் கொஞ்சம் வளர வேண்டும். சின்ன சீட்டுக்குள் மிகத் தெளிவாக எழுதுவதும் இயலாததுதானே!

அடையாள அட்டை கூட சிறிய அளவில் இருக்கிறதே தவறாக ப்ரிண்ட் பண்ணினால் ஏற்றுக்கொள்வார்களா அதிர்ச்சி

பாங்குகளில் ஒரு சிறிய எழுத்து பிழை ஒரு எண் மாறி இருக்கிறது என்ன ஆகும் அதிர்ச்சி

உங்கள் பணம் உங்கள் கையில் இல்லை சிரி

by **சிவா** Wed Jan 11, 2012 12:51 pm

இளமாறன் wrote:
சிவா wrote:டெக்னாலஜி இன்னும் கொஞ்சம் வளர வேண்டும். சின்ன சீட்டுக்குள் மிகத் தெளிவாக எழுதுவதும் இயலாததுதானே!

அடையாள அட்டை கூட சிறிய அளவில் இருக்கிறதே தவறாக ப்ரிண்ட் பண்ணினால் ஏற்றுக்கொள்வார்களா
பாங்குகளில் ஒரு சிறிய எழுத்து பிழை ஒரு எண் மாறி இருக்கிறது என்ன ஆகும் உங்கள் பணம் உங்கள் கையில் இல்லை

அவைகளெல்லாம் நிரந்தரமானவை! ஆனால் இது சில நிமிடங்களே உங்கள் கைகளில் இருக்கும். அதன்பிறகு தூக்கி எறிந்துவிடுவீர்கள்!