ஆலயங்களில் நாதசுரம் வாசிக்கவேண்டிய முறைகள்

**சிவா** · **சிவா** Wed 30 Sep 2009 - 10:51

நாளும் திருக்கோயில்தனில் பூசை நேரங்களில் நாதசுரம் இசைக்கும் பண்கள்.

காலைசந்தி, உச்சிக்காலம் முதலிய பூசைகள் காலத்தில்நடக்கும் பொழுது அவ்வத்தலங்களின் கடிகார நேரத்தில் கீழே குறிப்பிட்ட பண்களில் அமைந்த பாடல்களையும் காலபூசை முடிவில் கற்பூர தீபத்தின்போது தேவாரம் திருப்புகழ் முதலியவற்றையும் இசைக்கவும். இரவு அர்த்தசாம பூசையில் ஆனந்தபைரவி, நீலாம்பரி, கேதாரகெளளை, புன்னாகவராளி. பூசை முடிந்து பள்ளியறை கதவம் சாத்தியதும்பள்ளியறை கதவுப்பாட்டு இசைக்கவேண்டும். (உடன் வாய்ப்பாட்டு பாடுகிறவர்களும் பாடலாம்)

* காலை 4.00 - 6.00 பூபாளம், பெளளி, மலயமாருதம், வலசி, நாதநாமக்கிரியை, மாயாமாயகெளளை.
* காலை 6.00 - 8.00 பிலகரி, கேதாரம், கெளளிபந்து, ஜகன்மோகினி, சுத்த தனயாசி.
* காலை 8.00 - 10.00 தன்யாசி, அசாவேரி, சாவேரி, ஆரபி, தேவகாந்தாரி, தேவமனோகரி.
* காலை 10.00 - 12.00 சுருட்டி, ஸ்ரீராகம், மத்தியமாவதி, மணிரங்கு, பிருந்தாவன சாரங்கா, தர்பார்.
* பகல் 12.00 - 2.00 சுத்த பங்காளா, பூர்ண சந்திரிகா, கோகில திலகம், முகாரி, கெளடமல்லார்.
* பகல் 2.00 - 4.00 நாட்டைக்குறிஞ்சி, உசேனி, ரவிச்சந்திரிகா, வர்த்தனி, அம்சாநந்தி, மந்தாரி.
* மாலை 4.00 - 6.00 பூர்வி கல்யாணி, பந்துவராளி, வசந்தா, லலிதா, சரசுவதி, சீலாங்கி, கல்யாணி.
* மாலை 6.00 - 8.00 சங்கராபரணம், பைரவி, கரகரப்பிரியா, பைரவம், நாராயணி, அம்சதுவனி. கெளளை.
* இரவு 8.00 - 10.00 காம்போதி, சண்முகப்பிரியா, தோடி, நடபைரவி, அரிகாம்போதி, கமாசு, ரஞ்சனி.
* இரவு 10.00 - 12.00 சிம்மேந்திர மத்யமம், சாருகேசி, கீரவாணி, ரீதி கெளளை, ஆனந்தபைரவி, நீலாம்பரி,
. . . . . . . . . . . . . . . . யதுகலகாம்போதி.
* இரவு 12.00 - 2.00 அடாணா, கேதார கெளளை, பியாகடை, சாமா, வராளி, தர்மவதி.
* இரவு 2.00 - 4.00 ஏமாவதி, இந்தோளம், கர்நாடக தேவகாந்தாரி, தசாவளி, பாகேசுவரி, மோகனம்.

விழாக்கால வீதி உலாக்களில் கோயில் உள்ளும் வெளியிலும் இசைக்கவேண்டிய முறைகள்

* மண்டகப்படி தீபாராதனை.

1. தளிகை எடுத்துவர - மிஸ்ர மல்லாரி
2. தீபாரதனை நேரம் - தேவாரம், திருப்புகழ்.
* புறப்பாடு
1. புறப்பாடு முன் - நாட்டை
2. புறப்பாடு ஆனதும் - யாகசாலைவரை - திருபுடைதாள மன்னியில் மற்ற தாளங்களில் மல்லரிகள்.
* யாகசாலை தீபாராதனை நேரம் - ஒத்து, நாதசுரம், மிருதங்கம் மாத்திரம்.
* யாகசாலை முதல் கோபுரவாசல் வரை - திருபுடைதாள மல்லரி.
* கோபுரவாசல் முதல் தேரடிவரை - இதர மல்லரிகளும் வர்ணமும்.
* தேரடியிலிருந்து தெற்குரதவீதி பாதி வரை - ராகம்.
* தெற்குரதவீதி பாதி முதல் மேலரதவீதி பாதி வரை - ராகம், பல்லவி.
* மேலைரதவீதி பாதி முதல் ஈசான்ய மூலை வரை - கிர்த்தனைகள்.
* ஈசான்ய மூலை முதல் தேரடி வரை - தேவாரம், திருப்புகழ்.
* தேரடி முதல் கோயில் பிரகாரம் வரை - நட்டுமுட்டு, சின்னமேளம் ( அல்லது முகவீணை )
* கோயிலுக்குள் - துரிதகால திரிபுடைதாள மல்லரிகள்.
* தட்டு சுற்று நேரம் - தேவாரம், திருப்புகழ்.
* எதாஸ்தானத்திற்கு எழுந்தருளும்போது - எச்சரிக்கை.

விழாக்காலங்களில் கொடிஏற்றத்தினன்றும் கொடி இறக்கத்தினன்றும் நவசந்திகளில் இசைக்க வேண்டிய பண் முறைகள்

* பிரம சந்தி - மத்தி - பைரவி.
* இந்தர சந்தி - கிழக்கு - குர்ஜரீ.
* அக்கினி சந்தி - தென்கிழக்கு - நாட்டை.
* இயம சந்தி - தெற்கு - தசாட்சரீ.
* நிருதி சந்தி - தென்மேற்கு - குண்டக்கிரிய.
* வருண சந்தி - மேற்கு - வராளி.
* வாயு சந்தி - வடமேற்கு - வேளாவளி.
* குபேர சந்தி - வடக்கு - ராமகலீ.
* ஈசான சந்தி - வட கிழக்கு - பிலகரி.

வைணவக்கோயில்களில் தேவாரம் திருப்புகழ் இவைகளுக்கு பதிலாக அஷ்டபதி, திருப்பாவை முதலியன இசைக்கலாம்.

மேற்கண்ட விவரங்கள் யாவும் அருள்மிகு சுவாமிநாதசுவாமி தேவஸ்தானம் - சுவாமிமலை தமிழ்நாடு

தாமு · தாமு Wed 30 Sep 2009 - 11:05

ஆலயங்களில் நாதசுரம் வாசிக்கவேண்டிய முறைகள் 677196

nandhtiha · nandhtiha Wed 30 Sep 2009 - 11:25

வணக்கம்

நல்ல தகவல்.உளமார்ந்த நன்றிகள்

என்னுள்ளத்தில் நீண்ட நாட்களாக உள்ள ஒரு ஐயத்தைப் பதிவு செய்ய விரும்புகிறேன்.

நாதஸ்வரம் என்பது சரியா நாகஸ்வரம் என்பது சரியா என்பதே என் ஐயம்
எல்லா வாத்தியங்களிலும் எழும் ஓசைக்கு நாதம் என்று தான்பெயர், அப்படி இருக்க இதற்கு மட்டும் நாதஸ்வரம் என்ற பெயர் வருவானேன்?

நாகம் என்றால் ஸ்வர்கம் என்ற் ஒரு பொருள் வடமொழியில் உண்டு, (அம்பஸ்ய பாரே புவனஸ்ய மத்யே நாகஸ்ய ப்ருஷ்டே என்பது உபநிஷத் வாக்கியம்) இங்கு நாகம் என்பது ஸ்வர்க்கத்தைக் குறிக்கும் சொல். இதனுடன் வாசிக்கப் படும் வாத்தியத்திற்கு மேளம் என்று பெயர். மேளம் என்றால் கூட்டுதல் சேர்த்தல் என்ற பொருள் படும் சொல். சம்மேளனம் என்ற சொல்லாட்சி இருக்கிறது. இன்னும் கூட பார்ப்பனர்களின் திருமணத்தில் சில முக்கியமான மந்திரங்கள் ஓதப் படும் போது நாகஸ்வரத்தை நிறுத்தச் சொல்கிறார்கள்,. காரணம் அந்த மந்திர ஓசைகளை நாகஸ்வர ஓசை வலுவிழக்கச் செய்து விடும் என்பதால் ( இதற்கு லாகவ கெளரவ நியாயம் என்பது தர்க்கம் கண்ட விதி) இந்த வாத்தியத்திற்கு மங்கள வாத்தியம் என்றும் உள்ள மற்றொரு பெயர் என் ஐயத்தை வலுவாக்குகிறது. என் மனதில் உள்ள ஐயத்தை யாராவது நீக்குவார்களா?
அன்புடன்

நந்திதா

தாமு · தாமு Wed 30 Sep 2009 - 13:34

மீனு · மீனு Wed 30 Sep 2009 - 13:45

நந்திதா அக்காவின் ஐயத்தை விரைவில் ஷிவா அண்ணன் தெளிவாக்குவார் என்று நம்புகிறேன்

மீனுவுக்கு தெரிந்து நாதஸ்வரம் வாயால் ஊதுவாங்க , இதை விட்டா வேறு ஒன்றுமே தெரியாது ,, மேளம் கையால் அடிப்பாங்க ,

தாமுவுக்கு கையை கையால் அடிக்க மட்டுமே தெரியும்..