பயங்கரவாதத்தை எதிர்கொள்ள புதிய படிப்பு அறிமுகம்

பயங்கரவாதத்தை சமாளிப்பது மற்றும் அமைதி நிர்வாகம் குறித்த முதுநிலை படிப்பு தொடங்கப்பட உள்ளது
புனேயில் உள்ள சர்ஹத் ஆராய்ச்சி மையம், மகாத்மா காந்தியின் பிறந்த நாளான அக்டோபர் 2ம் தேதி இந்த புதிய படிப்பைத் தொடங்குகிறது. பயங்கரவாதத்தைச் சமாளிப்பது குறித்து நமது நாட்டில் முதன்முறையாக இப்படிப்புத் தொடங்கப்படுகிறது என்பது குறிப்பிடத்தக்கது.

காஷ்மீரில் பணிகளை மேற்கொண்டு வரும் சரஹத் என்ற தொண்டு நிறுவனம் இந்த புதிய படிப்பைத் தொடங்கியுள்ளது. பல்வேறு கல்வி நிறுவனங்களை நடத்தி வரும் இந்த அமைப்பு, இந்தப் படிப்புக்கு பல்கலைக்கழக மானியக் குழுவிடம் அங்கீகாரத்திற்காக விண்ணப்பித்துள்ளது.

கடந்த ஆண்டில் மும்பையில் நடைபெற்ற பயங்கரவாதிகளின் தாக்குதல்களை அடுத்து சர்ஹத் அமைப்பின் நிறுவனற் சஞ்சர் நஹர் இப்படிப்பைத் தொடங்க முடிவு செய்துள்ளார். பயங்கரவாதத்தைப் புரிந்து கொண்டு பயங்கரவாதத்திற்கு எதிரான யுக்திகள் குறித்து மக்களுக்கு கற்றுத்தர வேண்டியது அவசியம் என்கிறார் அவர்.

இந்த இரண்டு ஆண்டு முதுநிலைப் பட்டப் படிப்பில் நான்கு மாணவிகள் உள்பட 18 பேர் இப்படிப்பில் சேர்ந்துள்ளனர். இதில் சேர்ந்துள்ளவர்களில் பெரும்பாலானவர்கள் எம்.பி.,, ஹோட்டல் மேனேஜ்மெண்ட் படித்தவர்கள். இதுதவிர மீடியாவைச் சேர்ந்தவர்களும் இப்படிப்பில் சேர்ந்துள்ளனர். படிப்புக் கட்டணம் ரூ.30 ஆயிரம்.
வார விடுமுறை நாட்களில் இந்தப் படிப்பு நடத்தப்படும். இந்தப் படிப்பில் சேரும் மாணவர்களுக்கான செயல்முறை பயிற்சியின் ஒரு பகுதியாக, பயங்கரவாதத்தினால் பாதிக்கப்பட்ட பகுதிகளுக்கு மாணவர்கள் அழைத்துச் செல்லப்படுவார்கள்.

அலிகார் முஸ்லிம் பல்கலைக்கழகத்தின் முன்னாள் துணைவேந்தர் முகமத்-உர்-ரஹ்மான் வழிகாட்டுதலின் பேரில் சட்ட, நிர்வாக, போலீஸ், கல்வித்துறை நிபுணர்கள் இந்தப் படிப்புக்கான பாடத்திட்டத்தை உருவாக்கியுள்ளனர்.[/td][/tr][tr][td]
[/td][/tr]

ஆரோக்கியமான முன்னேற்றமே..