3வது நாளாகவும் திருமாவளவன் உண்ணாவிரதம்

**Admin** · **Admin** Sat 17 Jan 2009 - 17:04

3வது நாளாகவும் திருமாவளவன் உண்ணாவிரதம்: மருத்துவ குழுவினர் உடல் பரிசோதனை - உண்ணாவிரத்தை முடித்துக் கொள்ளுமாறு ராமதாஸ் வலியுறுத்தல்

இலங்கையில் உடனே போரை நிறுத்தி, அப்பாவி தமிழர்களை காப்பாற்ற மத்திய அரசு நடவடிக்கை எடுக்க வேண்டும் என்று கோரி 3-வது நாளாகவும் உண்ணாவிரதம் இருக்கும் விடுதலை சிறுத்தைகள் கட்சி தலைவர் தொல்.திருமாவளவனின் உடலை ஒவ்வொரு 4 மணி நேரத்துக்கு ஒருமுறை மருத்துவ குழுவினர் பரிசோதித்து வருகிறார்கள்.

இதற்காக டாக்டர்கள் குழு ஒன்று உண்ணாவிரத மேடை அருகில் அம்புலன்சுடன் தயாராக இருக்கிறது. பொலிஸாரும் பாதுகாப்பு பணியில் ஈடுபட்டு வருகிறார்கள்.

இன்று டாக்டர்கள் மருத்துவ பரிசோதனை செய்தனர். அவருக்கு 11 பரிசோதனை மேற்கொள்ளப்பட்டது. அதில் இரத்த அழுத்தம் மட்டும் குறைவாக இருந்தது. அவர் சோர்வாகக் காணப்பட்டார்.

இந்த உண்ணாவிரதத்திற்கு ஆதரவு தெரிவித்து சினிமா இயக்குனர்கள், தமிழ் அமைப்பைச் சேர்ந்தவர்கள் வாழ்த்தி பேசி வருகிறார்கள்.

உண்ணாவிரத்தை முடித்துக் கொள்ளுமாறு ராமதாஸ் வலியுறுத்தல்

இதேவேளை இன்று 3வது நாளாக உண்ணாவிரதம் மேற்கொண்டிருக்கும் திருமாவளவனை நேரில் சந்தித்து உண்ணாவிரத்தை முடித்துக் கொள்ளுமாறு ராமதாஸ் வலியுறுத்த உள்ளார்.

அதே போல் தமிழக மூத்த அமைச்சர் ஒருவரும் (ஆற்காடு வீராசாமி அல்லது துரைமுருகன்) உண்ணாவிரத்தை முடித்துக்கொள்ளுமாறு வலியுறுத்த உள்ளார். எனவே தலைவர்களின் வேண்டுகோளை ஏற்று திருமா உண்ணாவிரத்தை கைவிடுவார் என தெரிகிறது.

3வது நாளாகவும் திருமாவளவன் உண்ணாவிரதம்

3வது நாளாகவும் திருமாவளவன் உண்ணாவிரதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக