"போச்சே, போச்சே!"

அல்கெனா ரிஷி · அல்கெனா ரிஷி Sun Jan 08, 2012 6:18 pm

இன்று மனிதன் பணம் ,பொருள் ,என்ற மாயைகளின் பின்னே ஓடி,
பொருளாசை பிடித்து அலைவதின் ஊச்சகட்டமே இந்தக் கதை .

ஒரு பிரபல கோடீஸ்வரர் ,புதிதாக எண்பது லட்ச ரூபாய்க்கு கார் வாங்கியிருந்தார்.அதை தன் நாண்பர்களிடம் காட்டி பெருமையடிக்க வேண்டி, சாலை ஓரத்தில் நிறுத்தி இறங்கினர். அப்போது வேகமாக வந்த லாரி ஒன்று , காரில் இடித்து, டிரைவர் சீட்டை அப்படியே பிய்த்துக்கொண்டு, மின்னல் வேகத்தில்
மறைந்தது.

உடனே போலீஸ் கண்ட்ரோல் ரூமுக்கு தன் செல்போனில் தொடர்பு கொண்டார் .அடுத்த நொடியில் ஒரு போலீஸ் வண்டி அவர் அருகே வந்து நின்றது .போலீஸ் என்ன,ஏதென்று விசாரிக்கும் முன் ,லாரிக்காரனைத் தாறுமாறாக திட்டிய கோடீஸ்வரர் ,"என்னதான் இன்சூரன்ஸ் , பணம் கிடைக்கும் என்றாலும் காரின் கதவை ரிப்பேர் செய்தால்,ஒரிஜினல் கதவு போல வருமா? எண்பது லட்ச ரூபாய் அழகு போச்சே!"யென்று உச்சஸ்தாயியில் கத்தினார்.

உடனே ,அங்கிருந்த போலீஸ்காரர் ,;என்ன ஸார் நீங்க, கார் கதவு போனதைப் பற்றி கவலைப்படுறீங்க?காசா முக்கியம் ? அங்க பாருங்க ,உங்க
மணிக்கட்டுக்குக் கீழே வலதுகையைக் காணோம் . லாரி அதையும் பிச்சுக்கிட்டுப் போயிருக்கு.அதைப் பாருங்க முதல்ல!' என்றார் இரக்கத்துடன்.

கோடீஸ்வரர் அப்போதுதான் தன் கையின் கீழ்பக்கம் இல்லாததைப் பார்த்து விட்டு , மீண்டும் கத்தினார். "ஐயோ! அதில் கட்டியிருந்த ரோலக்ஸ் வாட்ச் போச்சே!இந்நேரம் அது உடைஞ்சிருக்குமே.அது எழுபத்தைந்தாயிரம் ரூபாயாச்சே!"என்று புலம்பினாராம்.

நன்றி
தஸ்மிலா