தினம் ஒரு திருக்குறள்

by vaira31 Mon Jan 09, 2012 6:28 am

அகர முதல எழுத்தெல்லாம்; ஆதி
பகவன் முதற்றே உலகு.
A is the starting point of the world of sound: even so is the Ancient One supreme the starting point of all that exists.

நன்று...திருக்குறள் பெயரில் நிறைய திரிகள் இருப்பதாகத் தெரிகிறது. சங்க இலக்கியங்கள் பகுதியில் நன்றாகத் தேடிப்பார்த்து பின்பு பதிவு செய்வது நலமாய் இருக்கும். புன்னகை

by சாந்தன் Mon Jan 09, 2012 8:31 am

அழகு தமிழ் குறளுக்கு ஆங்கில விளக்கம் தேவையா ...
அழகு தமிழிலேயே கொடுக்கலாமே நண்பா ...
மேலும் திருக்குறள் பற்றி நிறைய பதிவுகள் இருக்கிறதே நண்பா ...

by sriniyamasri Wed Feb 29, 2012 10:58 pm

அருமையான padhivu

நானும் எனக்கு பிடித்த குறல்களை இங்கு பகிர்கிறேன்

முதலாக,

இருள்சேர் இருவினையும் சேரா இறைவன்
பொருள்சேர் புகழ்புரிந்தார் மாட்டு.

விளக்கம்:

இறைவனின் மெய்ம்மையோடு சேர்ந்த புகழையே விரும்பினவரிடத்து அறியாமை என்னும் இருளைச் சார்ந்த இரு வகை வினைகளும் வந்து சேரா.

by நேரு Wed Feb 29, 2012 11:43 pm

உலக பொதுமறை திருக்குறளுக்கு ஆங்கிலத்தில் மொழிபெயற்பது முறையாக செய்யவேண்டும் நண்பா !!!!!!!!!!!!!!!!!!

by sriniyamasri Wed Feb 29, 2012 11:45 pm

சிலர் அந்த முயற்சியில் வெற்றி பெற்றிருக்கிறார்கள் என நினைக்கிறேன் நண்பா !!

by sriniyamasri Sun Mar 04, 2012 12:26 am

எப்பொருள் எத்தன்மைத்து ஆயினும் அப்பொருள்
மெய்ப்பொருள் காண்பது அறிவு.

விளக்கம்:

எந்த பொருளும் எந்த தன்மையோடு தோன்றினாலும், மயங்காமல், அந்த பொருளின் உண்மையான இயல்பைத் தெளிவாக காண்பதே அறிவாகும்.

by sriniyamasri Sun Mar 04, 2012 11:37 pm

அற்றாரைத் தேறுதல் ஓம்புக மற்றவர்
பற்றிலர் நாணார் பழி.

விளக்கம்:

உலகப்பற்று இல்லாதவரை நம்ப வேண்டாம்; அவர் பற்றில்லாதவர்; அதனால் பிறர் கூறும் பழிச்சொல்லுக்கு வெட்கப்பட மாட்டார்கள்.

by sriniyamasri Tue Mar 06, 2012 12:19 am

எந்நன்றி கொன்றார்க்கும் உய்வுண்டாம் உய்வில்லை
செய்நன்றி கொன்ற மகற்கு.

விளக்கம்:

எந்ந நன்மையை அழித்தவர்க்கும் தப்புதற்கு வழி உண்டாகும்: ஆயின், ஒருவர் செய்த உதவியை மறந்து அழித்தவனுக்கு உய்வே கிடையாது.

by sriniyamasri Wed Mar 07, 2012 11:02 pm

சிறுமையுள் நீங்கிய இன்சொல் மறுமையும்
இம்மையும் இன்பம் தரும்.

விளக்கம்:

சிறுமையான எண்ணங்களில்லாத இனிய சொற்கள், மறுபிறவியிலும் இப்பிறவியிலும் ஒருவனுக்கு இன்பத்தைத் தரும்,