த‌மிழ‌க மீனவர்கள் ‌மீதான தா‌க்குத‌லை க‌ண்டுகொ‌ள்ளாத அரசு‌க‌ள்

தமிழக மீனவர்கள் மீது தொடர்ந்து இலங்கை கடற்படை தாக்குதல் நடத்தி வருகிறது என்றும், இதனை மத்திய, மாநில அரசுகள் கண்டு கொள்ளாமல் இருக்கின்றன என்றும் தே.மு.‌தி.க. தலைவ‌ர் ‌விஜயகா‌ந்‌த் குற்றம்சா‌ற்‌றியு‌ள்ளா‌ர்.
தமிழக மீனவர்கள் மீது தொடர்ந்து தாக்குதல் நடத்தி வரும் இலங்கை கடற்படையை கண்டித்தும், இதற்கு நிரந்தர தீர்வு காண மத்திய அரசை வலியுறுத்தியும் தே.மு.தி.க சார்பில் டெல்லியில் இன்று நடந்த உண்ணாவிரதப் போராட்ட‌ம் நடைபெ‌ற்றது.
இ‌ந்த உ‌ண்ணா‌விரத‌த்‌‌தி‌ற்கு தலைமை தா‌ங்‌கி ‌விஜயகா‌ந்‌த் பேசுகை‌யி‌ல், தலைநகர் டெல்லியில் தே.மு.தி.க சார்பில் உண்ணாவிரதப் போராட்டம் நடைபெறுகிறது. உண்ணாவிரதம் ஏன் இருக்கிறோம் என்றால், தமிழக மீனவர்களை சிங்கள கடற்படையினர் தொடர்ந்து தாக்குதல் நடத்தி வருகின்றனர்.
இதனை மத்திய அரசும், மாநில அரசும் கண்டு கொள்ளாமல் இருக்கின்றது. அப்பாவி தமிழக மீனவர்களின் வாழ்வாதாரத்தை யார் பாதுகாக்க வேண்டும். மக்களிடம் ஓட்டு வாங்கி ஆட்சியில் இருப்பவர்கள் தானே பாதுகாக்க வேண்டும். அது தானே அவர்களின் கடமை.
எதற்கெடுத்தாலும் கச்சத்தீவு ஒப்பந்தம் போடப்பட்டுள்ளது என்று ஆட்சியாளர்கள் கூறுகிறார்கள். ஒரு ஒப்பந்தம் போடுகிறார்கள் என்றால் அது மக்களுக்கு நல்லது செய்வதாக இருக்க வேண்டும். அப்படி நல்லது செய்யவில்லை என்றால், அந்த ஒப்பந்தத்தை மீற வேண்டியது தானே.
எம்.பி.க்கள் டெல்லியில் கூட்டம் போட்டு பிரதமரிடம் மனுக் கொடுக்கிறோம் என்கிறார்கள். அங்கே தமிழகத்தில் முதலமைச்சர் மீனவர் பிரச்சனைக்காக பிரதமருக்கு கடிதம் எழுதுகிறேன் என்கிறார். பிரதமரும் நான் முதலமை‌ச்சருக்கு கடிதம் எழுதுகிறேன் என்கிறார். இது தான் தொடர்ந்து நடந்து வருகிறது. இதற்கு நிரந்தர தீர்வு காண மத்திய அரசை வலியுறுத்தி தான் இந்த உண்ணாவிரதப்போராட்டம் நடைபெற்று கொண்டிருக்கிறது எ‌ன்று ‌விஜயகா‌ந்‌த் கூ‌றினா‌ர்.


(வெப்துனியா)