புதிய தலைமை செயலகத்தில் 300 படுக்கைகளுடன் நவீன மருத்துவமனை

**சிவா** · **சிவா** Fri Jan 06, 2012 8:15 pm

புதிய தலைமை செயலகத்தில் 300 படுக்கைகளுடன் நவீன மருத்துவமனை: 8 சிறப்பு பிரிவுகள் அமைக்கப்படுகிறது

புதிய சட்டசபை கட்டிடத்தில் அதி நவீன சிறப்பு மருத்துவமனை அமைக்கப்படும் என்று முதல்- அமைச்சர் ஜெயலலிதா அறிவித்து இருந்தார். டெல்லியில் உள்ள “எய்ம்ஸ்” மருத்துவமனைக்கு இணையாக இந்த ஆஸ்பத்திரி இருக்கும் என்றும் அறிவிப்பின்போது முதல்-அமைச்சர் குறிப்பிட்டார். அதன்படி நவீன வசதிகளுடன் மருத்துவமனை அமைப்பதற்கான ஏற்பாடுகள் நடந்து வருகின்றன. இது குறித்து ஏற்கனவே பலமுறை ஆலோசனை நடந்துள்ளது.

இந்த நிலையில் புதிய சட்டசபை கட்டிடத்தில் பல்நோக்கு உயர் சிறப்பு மருத்துவமனை அமைப்பது குறித்து முதல்- இந்த சிறப்பு ஆஸ்பத்திரியில் இதய மருத்துவம், இருதய அறுவை சிகிச்சை, நரம்பியல் துறை, நரம்பியல் அறுவை சிகிச்சை, புற்றுநோய் மருத்துவம் மற்றும் அறுவை சிகிச்சை, புற்றுநோய் கதிரியக்க சிகிச்சை, நாளமில்லா சுரப்பி சிகிச்சை, கை மற்றும் உடல் பாகங்கள் சீரமைப்பு அறுவை சிகிச்சை ஆகிய 8 சிறப்பு மருத்துவத்துறை பிரிவுகள் இருக்கும்.

இதற்கான அனைத்து வசதிகளும் புதிய ஆஸ்பத்திரியில் செய்யப்படும். இதனால் ஏழை, எளியவர்களும் இந்த 8 பிரிவுகளிலும் உயர் சிகிச்சை பெற முடியும். 47,491.48 சதுர மீட்டர் பரப்பளவில் இந்த உயர் சிறப்பு மருத்துவமனை அமைக்க முடிவு செய்யப்பட்டுள்ளது. ஒரு சிறப்பு பிரிவு துறை ஒவ்வொன்றுக்கும் தலா 30 படுக்கை வசதி, அவசர சிகிச்சை பிரிவுக்கு 60 படுக்கை வசதி என மொத்தம் 300 படுக்கைகள் அமைக்க முடிவு செய்யப்பட்டுள்ளது.

புதிய தலைமை செயலக கட்டிடத்தை மருத்துவமனையாக மாற்றுவதற்கான பணிகள் விரைவில் தொடங்கும் என்று எதிர்பார்க்கப்படுகிறது. முதல் கட்ட பணிக்காக ரூ.40 கோடி ஒதுக்கப்படலாம் என்று தெரிகிறது. புதிய சட்டசபை கட்டிட கூட்ட அரங்கு நவீன கருத்தரங்கு கூடமாக மாற்றப்படுகிறது. இதில் அதிநவீன மருத்துவ கருவிகள் அமைக்கப்படுகின்றன. மேல்சபை கூட்ட அரங்கு “மினி” கருத்தரங்கு கூடம் ஆகிறது.

முதல் 3 மாடிகளில் பல்வேறு துறைகளுக்கான மருத்துவ பிரிவுகள் மற்றும், புறநோயாளிகளை டாக்டர் கள் பரிசோதிப்பதற்கான அறைகள் அமைக்கப்படும் என்று தெரிகிறது. 4-வது மாடியில் ஆபரேஷன் தியேட்டர்களும், 6-வது மாடியில் மற்ற துறைகளும் இடம் பெறும் என்று தெரிகிறது. “பி” பிளாக்கில் 74 ஆயிரம் சதுர அடி பரப்பளவில் மருத்துவக்கல்லூரி அமைக்க திட்டமிடப்பட்டுள்ளது.

மாலைமலர்

புதிய தலைமை செயலகத்தில் 300 படுக்கைகளுடன் நவீன மருத்துவமனை

புதிய தலைமை செயலகத்தில் 300 படுக்கைகளுடன் நவீன மருத்துவமனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக