மின்வெட்டு

by முஹைதீன் Thu Jan 05, 2012 5:50 pm

குளிர்சாதனப் பெட்டியைச்
சூடாக்கி;
உறங்கிக்கொண்டிருந்த
உணவுப் பண்டங்களை
கல்லறைக்கு அனுப்பி;
பெருமிதத்துடன்!

உழைப்பை உறிஞ்சும்
இயந்திரத்திற்கு
ஓய்வுக்கொடுத்து;
அம்மிக் கல்லுக்கும்;
சலவைக் கல்லுக்கும்;
விரட்டியடித்துப்
பெருமூச்சு விட்டப்படி!

தொடர் கதையான
சின்னத்திரைக்கு;
சிறியத் திரையிட்டு;
கும்மி இருட்டிலும்
குடும்பத்துடன்
பேச்சுவார்த்தை
நடத்தச் செய்தச்
சாகசத்துடன்!

ஒடிந்துப்போன
விசிறி வியாபாரிகளுக்கு;
புதியச் சிறகுக் கொடுத்தச்
சந்தோசத்துடன்!

--

-யாசர் அரஃபாத்

http://itzyasa.blogspot.com

by **ரா.ரா3275** Thu Jan 05, 2012 5:56 pm

யாசர் அராஃபத்...நன்றாக யோசிக்கிறார்...
நல்ல கவிதைகளை நல்ல தமிழில் எழுதுகிறார்...
வாழ்த்துகளைச் சொல்லுங்கள்...
வளருவார்...வளருவார்...
வாழ்த்துகளோடு வளருவார்...

பகிர்ந்துகொண்ட முகைதீனுக்கும் நன்றி...