சென்னை தீவுத்திடலில் அரசு சுற்றுலா பொருட்காட்சி

சென்னை, ஜன.3-

சென்னை தீவுத்திடலில் அரசு சுற்றுலா பொருட்காட்சி ஆண்டுதோறும் டிசம்பர் மாதம் இறுதியில் தொடங்கி பிப்ரவரி மாதம் வரை 60 நாட்கள் நடைபெறுவது வழக்கம்.

இந்த ஆண்டு மழை மற்றும் தானே புயல் பாதிப்பு காரணமாக பொருட்காட்சி அரங்குகள் அமைக்கும் பணிகளில் சுணக்கம் ஏற்பட்டது. ஆனாலும் பணிகள் வேகமாக முடிக்கப்பெற்று அரசு பொருட்காட்சி இன்று மாலை தொடங்குகிறது. இதற்கான தொடக்க விழா மாலை 5 மணிக்கு நடைபெறுகிறது.

சுற்றுலாத்துறை அமைச்சர் கோகுல இந்திரா பொருட்காட்சியை தொடங்கி வைக்கிறார். சுற்றுலாத்துறை முதன்மை செயலாளர் ஜெயக்கொடி, தமிழ்நாடு சுற்றுலா வளர்ச்சிக்கழக மேலாண்மை இயக்குனர் சந்தோஷ்ராஜ் மிஸ்ரா மற்றும் அதிகாரிகள் கலந்து கொள்கிறார்கள். பொருட்காட்சியின் முகப்பு தோற்றம மாமல்லபுரம் சிற்பம், கங்கை கொண்ட சோழபுரம் கோவில், கைலாசநாதர் கோவில் ஆகியவற்றின் நிலையான தோற்றத்தை பிரதிபலிக்கும் வகைகளில் அமைக்கப்பட்டுள்ளது.

பொருட்காட்சியில் மத்திய, மாநில அரசு துறைகள், நிறுவனங்களின் 40 அரங்குகளும், தனியார் கடைகள் 120-ம் இடம் பெறுகின்றன. சிறுவர்களை மகிழ்விக்க 40 பொழுதுபோக்கு அம்சங்கள், வீட்டு உபயோக பொருட்கள், ரெடிமேடு துணிக்கடைகள், அழகு சாதன பொருட்கள் உள்ளிட்ட அனைத்து பொருட்களின் சிறு கடை களும் பங்கேற்கின்றன. தினமும் இரவு 7 மணி முதல் கலைநிகழ்ச்சிகள் நடக் கின்றன. மேலும் தமிழ்நாடு ஓட்டல் சார்பாக பல்வேறு விதமான உணவு வகைகள் தயாரித்து வழங்கப்படுகின்றன.

தமிழகத்தில் உள்ள சுற்றுலா தலங்களின் சிறப்புகளை வலியுறுத்தும் வகையில் தமிழ்நாடு சுற்றுலா வளர்ச்சி கழகம் அரங்கு அமைத்துள் ளது. பொருட்காட்சி பிற்பகல் 3 மணி முதல் இரவு 10 மணி வரை நடைபெறும். பெரியவர்களுக்கு ரூ.15, சிறியவர்களுக்கு ரூ.10 என கடந்த ஆண்டு நிர்ணயிக்கப்பட்ட நுழைவு கட்டணமே வசூலிக்கப்படுகிறது.

ஞாயிற்றுக்கிழமை மற்றும் அரசு விடுமுறை நாட்களில் காலை 11 மணி முதல் பொருட்காட்சி செயல்படும்.

மாலைமலர்