சொல்லுங்களேன்...

by **ரா.ரா3275** Tue Jan 03, 2012 11:27 am

First topic message reminder :

"நீ
கவிதை எழுதுவதை
நிறுத்திவிட்டாயாமே?"
-இப்போதெல்லாம் நண்பர்கள்
இப்படித்தான்
நலம் விசாரிக்கின்றனர்

'என்னமோ தெரியவில்லை
அந்த அளவுகோலை
என்னால் எட்டமுடியவில்லை
அதனால்தான்...'
-நானும் நாகரிகமாய்
நழுவி விடுகிறேன்...

அம்மா...
நீ கூட ஒருமுறை கேட்டாய்:
"கவிதைக்கேதுடா
வெர்னியர் காலிப்பர்?"

உண்மைதான்!
ஒப்புக்கொள்கிறேன்

இருந்தும்
எல்லோருக்கும் உன் மூலம்
ஒரு கேள்வி:

'ஏன்மா...
எழுதினால்தான் கவிதையா?'

அப்படியெனில்
இதுவரை எழுதப்படாத...

*நெஞ்சுக்குழிக்குள்ளேயே
நிதம் மலரும் நீ

*என்னதான் வெறுத்தாலும்
என்னையும் விரும்பும் அய்யா

*அக்காவின்
பெண்ணழைப்பு இரவன்று
அழுத கண்ணீர்

*பிடித்தும்-பழகாமலே
சிலரைத் தள்ளி நின்று
ரசிக்கும் பாசம்

*பள்ளி நாட்களில்
பொய்ச்சண்டைப் போட்ட
பழைய பால்ய 'எதிரிகள்'(?!)

*மூன்றாம் வயதிலேயே
முகம் காட்டிய காமம்

*எல்லோரும் ரசிக்கத்தக்க
அர்த்தம் அடர்ந்த
எனது அந்தரங்கங்கள்

*இயல்பாகவே எனக்கிருப்பதாய்
நீ சொல்லும்
அந்த மெல்லிய மனசு

*உனக்கும் எனக்கும் பிடித்த
நம் வீட்டுப்
-பசுமாட்டுப் பட்டி (*பட்டி-தொழுவம்)
-முன்வாசல் குடிநீர்க் குழாய்
-எப்போதும் சுத்தமானக் கழிப்பறை

என இதுபோன்று
இன்னபிற...

இவற்றையெல்லாம் என்னவென்று
சொல்வதம்மா?

by மகா பிரபு Fri Mar 02, 2012 11:13 am

நல்ல விஷயம் மணி. அதிகமான புத்தகங்கள் வாசிக்கும் போது தான் எழுத்தும், பேச்சு திறனும் வளரும். சூப்பருங்க

by **ரா.ரா3275** Fri Mar 02, 2012 11:15 am

மகா பிரபு wrote:நல்ல விஷயம் மணி. அதிகமான புத்தகங்கள் வாசிக்கும் போது தான் எழுத்தும், பேச்சு திறனும் வளரும்.

by அன்பு தளபதி Fri Mar 02, 2012 11:15 am

உண்மை பிரபு புத்தகங்கள் தான் நாம் நல்ல நண்பர்கள் ,இணையத்தில் நிறைய கிடைக்கிறது ராரா குறிப்பாக ஆங்கில ஜென் வகை புத்தகங்களை வாசியுங்கள்

by யினியவன் Fri Mar 02, 2012 11:18 am

ரா.ரா3275 wrote:உண்மைதான்...இப்போதெல்லாம் என் வாசிப்பு கல்லூரி காலத்தில் இருந்ததைப் போன்று இல்லை...
அதனால்தான் கவிதைப் பக்கம் தலை வைக்கப் பெரும் பயம்...
பதிவிடுவது பெரும்பாலும் எப்போதோ எழுதியவையே...

படிப்பைத் தவிர்க்க கவிதைப் பக்கம் பாஞ்சோம் அப்ப
வாழ்க்கையை வாழ எந்தப் பக்கம் பாயறதுன்னு முழிக்கோம் இப்ப.

by **ரா.ரா3275** Fri Mar 02, 2012 11:20 am

கொலவெறி wrote:
படிப்பைத் தவிர்க்க கவிதைப் பக்கம் பாஞ்சோம் அப்ப
வாழ்க்கையை வாழ எந்தப் பக்கம் பாயறதுன்னு முழிக்கோம் இப்ப.

சூப்பர் நண்பரே...

by **ரா.ரா3275** Fri Mar 02, 2012 11:21 am

கொலவெறி wrote:
ரா.ரா3275 wrote:உண்மைதான்...இப்போதெல்லாம் என் வாசிப்பு கல்லூரி காலத்தில் இருந்ததைப் போன்று இல்லை...
அதனால்தான் கவிதைப் பக்கம் தலை வைக்கப் பெரும் பயம்...
பதிவிடுவது பெரும்பாலும் எப்போதோ எழுதியவையே...
படிப்பைத் தவிர்க்க கவிதைப் பக்கம் பாஞ்சோம் அப்ப
வாழ்க்கையை வாழ எந்தப் பக்கம் பாயறதுன்னு முழிக்கோம் இப்ப.

விருப்பப் பொத்தானை அழுத்தினேன்...