முருகா முருகா இரண்டு !!!

**பிஜிராமன்** · **பிஜிராமன்** Tue 3 Jan 2012 - 15:57

முருகா முருகா ஓம் முருகா - உன்
அருளினைப் பெற வரோம் முருகா

எழுந்ததும் உன்னையே எண்ணியே எழுந்தால்
எதிர்வரும் தீமையை எரித்திடும் நின்னருள்
எக்களித்து வாழ்ந்திடவே எங்களுடன் இருந்து
எதிர்வரும் காலத்தை எதிர்கொள்ள நன்கருள்

ஏகமும் எளில்பெற ஏகாதிபதியாய் நீயிருப்பாய்
ஏசிடுவோரும் நலம்பெற ஏணியாய் நீயிருப்பாய்
ஏந்தெழில் கொண்டோனே ஏமாப்பாய் நீயிருப்பாய்
ஏமாற்றம் என்றவொன்றை எங்களுக்கு நீகாட்டாய்

ஐங்கரனை அண்ணனாய் அடைதவன் நீயப்பா
ஐம்பூதம் இவையடக்கி ஆள்பவனும் நீயப்பா
ஐம்புலனை உனைத்தொழுது அடக்குவோம் பாரப்பா
ஐயமே இல்லையினி ஐயனேநீ உடனிருப்பா

ஒண்மை தனைக்கொண்டு ஒப்பற்றவனாய் நீயிருக்காய்
ஒயிலான மயில்வண்டியில் ஒய்யாரமாய் நீயிருக்காய்
ஒப்பனை இல்லாமலே ஒள்ளொளி கொண்டிருக்காய்
ஒளிவீசும் நின்கருணை ஒளிதந்து அருள்புரிவாய்

ஓங்கார ராகத்தை ஓயாதுநான் ஓதிடவும்
ஓவியம் போன்றவுனை ஓயாது காணவும்
ஓயாது நின்புகழை ஓதிட்டே இருக்கவும்
ஓங்கரான நாதனேநீ ஓயாது உதவனும்

ஔடதம் போல்எங்கள் ஆரோக்கியம் காத்து
ஔதசியத்தின் வெண்மையான அன்பைக் கொண்டு
ஔரதன் போலெம்மை ஆராதிக்கும் உன்னை
ஔதா மேலேற்றி அலங்கரிப்போம் தினமே

முருகா முருகா ஒன்றுக்கு இங்கே செல்லவும்

குறிப்பு

ஒண்மை: இயற்கை அழகு
ஔடதம் : மருந்து
ஔதசியம்: பால்
ஔரதன் : மகன்
ஔதா : யானைமேல் உள்ள பீடம்

kitcha · kitcha Tue 3 Jan 2012 - 16:01

முருகனைப் பற்றி உருக வைக்கும் வரிகள்.எனக்கு பிடித்த கடவுள்.நன்றி ராமன் கவிதைக்கு அருமையிருக்கு

**பிஜிராமன்** · **பிஜிராமன்** Tue 3 Jan 2012 - 16:04

kitcha wrote:முருகனைப் பற்றி உருக வைக்கும் வரிகள்.எனக்கு பிடித்த கடவுள்.நன்றி ராமன் கவிதைக்கு

மிக்க நன்றிகள் கிச்சா......நான் முருகருக்கு மாலை அணிந்துள்ளதால்.......இதை விட்டால் முறுகரை பற்றி எழுத நல்ல சமயம் கிடைக்காது என்று எழுதினேன்........ புன்னகை

kitcha · kitcha Tue 3 Jan 2012 - 16:10

பிஜிராமன் wrote:
மிக்க நன்றிகள் கிச்சா......நான் முருகருக்கு மாலை அணிந்துள்ளதால்.......இதை விட்டால் முறுகரை பற்றி எழுத நல்ல சமயம் கிடைக்காது என்று எழுதினேன்........

மாலை அணிந்து எந்த கோவிலுக்கு செல்வீர்கள்

**பிஜிராமன்** · **பிஜிராமன்** Tue 3 Jan 2012 - 16:11

மாலை அணிந்து எந்த கோவிலுக்கு செல்வீர்கள்

பழனிக்கு கிச்சா.....பாதையாதிரையாக செல்ல விருக்கின்றோம்....

**உமா** · **உமா** Tue 3 Jan 2012 - 16:14

எப்படி இப்படி. அழுகை

kitcha · kitcha Tue 3 Jan 2012 - 16:17

பிஜிராமன் wrote:

மாலை அணிந்து எந்த கோவிலுக்கு செல்வீர்கள்

பழனிக்கு கிச்சா.....பாதையாதிரையாக செல்ல விருக்கின்றோம்....

நான் கூட இந்த முறை லீவில் ஊருக்கு வரும்போது திருச்செந்தூர் மற்றும் நேரம் இருந்தால் திருவண்ணாமலை செல்ல எண்ணி உள்ளேன்.நாம் நினைத்தால் மட்டும் போதாது அந்தக் கடவுளும் நினைக்க வேண்டும் அவரை தரிசிக்க என்று என் நண்பன் சொல்லுவான். பார்க்கலாம் கடவுள் என்ன நினைக்கிறார் என்று

**பிஜிராமன்** · **பிஜிராமன்** Tue 3 Jan 2012 - 16:19

உமா wrote:எப்படி இப்படி.

இதுக்கு போயி சின்னப் புள்ள தனமா அழுகுரதா..........சரி சரி பழனிக்கு போயி பஞ்சாமிரதம் வாங்கிட்டு வரேன்....அழப்பிடாது.சமாத்தா.......இருக்கணும்......

**பிஜிராமன்** · **பிஜிராமன்** Tue 3 Jan 2012 - 16:20

நான் கூட இந்த முறை லீவில் ஊருக்கு வரும்போது திருச்செந்தூர் மற்றும் நேரம் இருந்தால் திருவண்ணாமலை செல்ல எண்ணி உள்ளேன்.நாம் நினைத்தால் மட்டும் போதாது அந்தக் கடவுளும் நினைக்க வேண்டும் அவரை தரிசிக்க என்று என் நண்பன் சொல்லுவான். பார்க்கலாம் கடவுள் என்ன நினைக்கிறார் என்று

நிச்சயமாக நினைப்பார்,........நீங்கள் போயி தரிசிப்பீர்கள்.........கோவிலுக்கு செல்வது....உண்மையிலேயே சிறப்பான விஷயம்........

**உமா** · **உமா** Tue 3 Jan 2012 - 16:22

உன்னால எப்படி இப்படியெல்லாம் யோசிக்க முடியுது தம்பி.
எனக்கு ரொம்ப பெருமையா இருக்கு உன்னை நினைத்தால்
இந்த காலத்தில் பக்திக்கு முக்கியத்துவம் கொடுக்கும் இளைஞர்களை காண்பதே அரிது...இதில் மாலை அணிவித்து , அந்த முருகனுக்காக பாடலும் எழுதுகிறாய்.......

இந்த பதிவைத் துவங்கியவர் நன்றி கூறியுள்ளார் உமா

Sponsored content · Sponsored content

முருகா முருகா இரண்டு !!!

முருகா முருகா இரண்டு !!!

Re: முருகா முருகா இரண்டு !!!

Re: முருகா முருகா இரண்டு !!!

Re: முருகா முருகா இரண்டு !!!

Re: முருகா முருகா இரண்டு !!!

Re: முருகா முருகா இரண்டு !!!

Re: முருகா முருகா இரண்டு !!!

Re: முருகா முருகா இரண்டு !!!

Re: முருகா முருகா இரண்டு !!!

Re: முருகா முருகா இரண்டு !!!

Re: முருகா முருகா இரண்டு !!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக