முருகா முருகா !!!

by **பிஜிராமன்** Tue Jan 03, 2012 10:14 am

First topic message reminder :

முருகா முருகா ஓம் முருகா - உன்
அருளினைப் பெற வரோம் முருகா

அமிர்தம் தடவிய அற்புதக் கனிநீ
அறுவடை செய்த அன்றைய நெல்நீ
அழகிய சொற்கள் அருளும் குருநீ
அழிவினில் காக்கும் அன்புடை இறைநீ

ஆர்வங் கொண்டவன் ஆட்சி புரிபவன்
ஆபரணம் பூண்டான் ஆகாயம் போன்றான்
ஆட்டம் இடுபவன் ஆட்டி வைப்பவன்
ஆறுதல் கூறியே ஆசுவாசம் செய்பவன்

இனிய குணத்தான் ஈர்க்கும் முகத்தான்
இன்பன் கொடுப்பான் இல்லறம் காப்பான்
இழிநிலை அழிப்பான் ஈந்திடும் கரத்தான்
இதமாய் சிரிப்பான் இந்நிலை அருள்வான்

ஈச்சம்பழத் தோனேயுனை ஈன்றவன் ஈச்சுவரன்
ஈங்கமணத் தோனேயுனை ஈன்றவள் ஈச்சுவரி
ஈதலுன் தொழிலாம் ஈகையுன் குணமாம்
ஈரேழு லோகமும்உன் ஈர்ப்பால் இயங்குதே

உன்நாமம் உச்சரிக்க உள்ளங் குளிரிந்திடும்
உந்திச் சென்றிட உன்சக்தி உதவிடும்
உச்சந் தலையேறி உட்காருங் கனத்தையும்
உருவி எறிந்திடும் உன்னதக் கடவுள்நீ

ஊஞ்சல் ஆடிடும் உள்ளத்தை ஒழிப்பாய்
ஊரார் நலம்பெற உற்றதைச் செய்வாய்
ஊக்கம் தந்துநீ உற்சாகம் காண்பாய்
ஊரார் மனம்நீங்கா உறைவிடம் கொண்டாய்

முருகா முருகா இரண்டுக்கு செல்ல
குறிப்பு:

ஈச்சம் பழம் : பேரீச்சம் பழம்
ஈங்கம்: சந்தன மரம்

by **பிஜிராமன்** Tue Jan 03, 2012 3:24 pm

kitcha wrote:இந்த பாடலின் தொடக்கம் தான் அந்த இரண்டாவதா.
மிக அருமையாக உள்ளது ராமன்(சாமி)

ஆம் கிச்சா இதன் தொடர்ச்சி தான் அந்த முருகா முருகா இரண்டு......அ முதல் ஔ வரை எழுதினேன்........

மிக்க நன்றிகள் கிச்சா சாமி புன்னகை

by **உமா** Tue Jan 03, 2012 3:25 pm

பிஜிராமன் wrote:
மிக்க நன்றிகள் அக்கா............இதை என் மன நிறைவிற்காக எழுதினேன் அக்கா.......மத்தபடி முருகனை நினைத்தாலே போதும்.........அருள் கிட்டும்....

முருகனை துதித்திட துதித்திட துன்பம் களையும்
முருகனை நினைத்திட நினைத்திட நிம்மதி கிடைக்கும்

துதிப்பேன்...
ஆனால் அதிக அளவு இல்லை.
ஆனால் உன்னை பார்க்கும்போது சற்று ஆச்சர்யமாக தான் உள்ளது தம்பி. அன்பு மலர்

by **பிஜிராமன்** Tue Jan 03, 2012 3:29 pm

எனக்கு அந்த அளவு பக்தி இல்லை.
ஆனால் உன்னை பார்க்கும்போது சற்று ஆச்சர்யமாக தான் உள்ளது தம்பி.

அக்கா நானும் அப்படி தான்...........நா அடிக்கடி போயிட்டு கடவுளா டிஸ்டர்ப் பண்ணிட்டெல்லாம் இருக்க மாட்டேன்......ஒரு நண்பரை போல தான் நான் பாவிப்பேன்........போனா யென் பா நல்லாருக்கியா.....சௌக்கியமா என்பதோடு நிறுதிப்பேன்......

பக்தினா உருகி உருகி கும்பிடுவது அல்ல.....அக்கா உண்மையாய் இருப்பது தான் உண்மையான பக்தி.........சரியா அக்கா

by **உமா** Tue Jan 03, 2012 3:31 pm

பிஜிராமன் wrote:
அக்கா நானும் அப்படி தான்...........நா அடிக்கடி போயிட்டு கடவுளா டிஸ்டர்ப் பண்ணிட்டெல்லாம் இருக்க மாட்டேன்......ஒரு நண்பரை போல தான் நான் பாவிப்பேன்........போனா யென் பா நல்லாருக்கியா.....சௌக்கியமா என்பதோடு நிறுதிப்பேன்......

பக்தினா உருகி உருகி கும்பிடுவது அல்ல.....அக்கா உண்மையாய் இருப்பது தான் உண்மையான பக்தி.........சரியா அக்கா

முற்றிலும் உண்மை.
நினைத்தாலே போதும்..உருகி வழிபட வேண்டாமே.
அருமையிருக்கு