என் தமிழ் மொழிமேல் உனக்கேன் இந்த கொலவெறிடா! (வீடியோ)

by **kirikasan** Tue Jan 03, 2012 6:17 am

யாழ்ப்பாணத்திலிருந்து "என் தமிழ் மொழிமேல் உனக்கேன் இந்த கொலவெறிடா

கொலை வெறிப்பாடல் வெளிவந்ததை தொடர்ந்து உலகெங்கிலும் உள்ள பல்வேறு கலைஞர்களும், ரசிகர்களும் பல்வேறுபட்ட பாடலின் பதிப்புக்களை வெளியிட்டவண்ணம் உள்ளனர்.

அதன் புதிய வடிவமாக தற்போது யாழ்ப்பாணத்திலிருந்து வெளியிடப்பட்டுள்ள "என் தமிழ் மொழிமேல் உனக்கேன் இந்த கொலவெறிடா" இவ் இசைக் காணொளியில் யாழ்ப்பாணத்தை மையப்படுத்தி நகரின் தோற்றத்தினை காண்பிக்கும் காட்சிகள் இணைக்கப்பட்டுள்ளதுடன் யாழில் முதன் முதலாக அதி உயர் வடிவத்தில் (1080p HD)தயாரிக்கப்பட்டுள்ளது.

கொலவெறிப்பாடலின் வரிகளை முற்றிலுமாக மாற்றியமைத்து இசைக்கு மேலும் மெருகூட்டிய பாடலின் பரிணாமம் பலரையும் வெகுவாக கவர்ந்துள்ளது.

இளம் இசையமைப்பாளர் எஸ்.ஜே.ஸ்ரலின் அவர்கள் பாடல் வரிகளை எழுதி, பாடலையும் பாடியுள்ளார். அண்மையில் இவர் இசையமைத்த 'தண்ணீர்' குறும்படம் 2011ற்கான சிறந்த குறும்பட இசை விருதை வெண்றமை குறிப்பித்தக்கது.

இப்பாடல் காணொளியை 'யாழ் மியூசிக்' நிறுவனம் தயாரித்துள்ளதுடன் அண்மையில் ஸ்தாபிக்கப்பட்ட இவ் இசை நிறுவனம் தொடர்ந்தும் எம்மவர் படைப்புக்களையும், கலைஞர்களையும் அடையாளப்படுத்தும் படைப்புக்களை தாயாரித்து வருகின்றது.

நன்றி :- manithan.com

மிகவும் நன்று...பாடலின் ஒவ்வொரு அடிகளும், தமிழ்நாட்டுத் தமிழனை ச் செருப்பில் அடிப்பதாகவே நான் உணருகிறேன். பதிவுக்கு நன்றி கிரிகாசன். வெட்கித் தலை குனிய வேண்டிய சிறந்த காணொளி. சோகம்

by Guest Tue Jan 03, 2012 9:40 am

நல்ல பதிவு ... தமிழகத்தை விட தமிழீழத்தில் தமிழ் மீது பற்று கொண்டவர்கள் அதிகம் என்பதை சொல்ல தேவை இல்லை ... யாழ் நகரமே தமிழின் சூப்பருங்க

உயிர் துடிப்பு

by ANTHAPPAARVAI Tue Jan 03, 2012 9:58 am

வரிகள் நன்றாக இருக்கிறது. ஆனால் இதை வேறு "டியூனில்" பாடியிருந்தால் கண்டிப்பாக இவர்களின் "தமிழ்" உணர்வைப் பாராட்டலாம். அதேபோல இதில் இருக்கும் "டா" வையும் தவிர்த்திருக்கலாம்.

மனிதன் தனது இயல்பான வாழ்க்கையிலிருந்து விலகி ஒரு மாறுதல் தேடி ரசிப்பதற்காகவே சினிமாவை உருவாக்கினான். ஆனால் அங்கேயும் இயல்பு வாழ்க்கை... தமிழ் ... மொழி... என்று காட்டிக்கொண்டிருந்தால் அதன் நோக்கம் சிதைந்து விடும். (அப்படித்தான் சினிமாவை சிதைத்துக் கொண்டிருக்கிறார்கள் சில சினிமாக்காரர்களும், ரசிகர்களும்)

கலைக்கு மொழி எல்லாம் தேவை இல்லை. ரசனை மட்டுமே... ரசனை மட்டுமே போதுமானது. அதனால் தான் கொலை வெறிப் பாடல் அதிகமானோரை சென்றடைந்திருக்கிறது.

இந்தத் தமிழ் உணர்வுப் பாடலை வேறு இசையில்... சுத்தத் தமிழில் பாடிப் பாருங்கள் எத்தனை தூரம் சென்றடைகிறதென்று நானும் பார்க்கிறேன்!! உங்கள் புகழ் தேடிக்கொள்ள எங்கள் காதில் தமிழ்ப் பூவை சேருக வேண்டாம். எங்களுக்கும் தமிழ் தெரியும்!!

by Guest Tue Jan 03, 2012 10:12 am

(அப்படித்தான் சினிமாவை சிதைத்துக் கொண்டிருக்கிறார்கள் சில சினிமாக்காரர்களும், ரசிகர்களும்)

ஆக உங்களை வாழ வைக்கும் தமிழ் ரசிகன் உங்களை பொறுத்தவரை இழிச்சவாயன் ...சினிமா காரர் என்பதை அழுத்தமாக நீரூபித்து விட்டீர்கள் .

by ANTHAPPAARVAI Tue Jan 03, 2012 10:17 am

புரட்சி wrote:

(அப்படித்தான் சினிமாவை சிதைத்துக் கொண்டிருக்கிறார்கள் சில சினிமாக்காரர்களும், ரசிகர்களும்)

ஆக உங்களை வாழ வைக்கும் தமிழ் ரசிகன் உங்களை பொறுத்தவரை இழிச்சவாயன் ...சினிமா காரர் என்பதை அழுத்தமாக நீரூபித்து விட்டீர்கள் .

தவறாகப் புரிந்து கொண்டிருக்கிறீர்கள் என்றே நினைக்கிறேன் நண்பா! நான் "சில" பேரைத் தான் குறிப்பிட்டிருக்கிறேன்.