பிரியவோ உறவு ? வருந்தவோ உள்ளம் ? (கவிதை)

தெரியவில்லை அழகுமுல்லை பூக்களும்கண்முன் - நேர்
விரியவில்லை உரியதங்கு வேறிடமாயின்
திரிவதில்லை தென்றல் விட்டு தேனிதழ்வாசம் - கொண்டு
உரியமுல்லை மணமிதுவென் றெம்மிடம் கூறும்

உரியதுள்ள எதுவென்றுள்ள உண்மைகள்தானும் - நல்ல
திரியுமுள்ள எரியும்வல்ல தீபமென்றாகும்
பெரியதுள்ள குன்றில்வைக்க இருளதுபோகும் அந்த
எரியவைத்த தீபமென்று எம்முகம் காட்டும்

பெரியசொல்லை வரிகளுள்ள கவிதையில் தானும் - நல்ல
பிரியமுள்ள வகையில் சொல்லும் கவிதைகள் யாவும்
உரியவல்ல சுவரில் தீட்டும் ஓவியம் போலும் - கண்ணில்
தெரியும்வண்ணம் தீட்டி வைத்த அழகென ஆகும்

சொரிவதில்லை மதுவுமில்லை காகிதப் பூவும் ஆயின்
எறிவதில்லை வரிகள் கொண்ட பொழுதினில் தானும்
அரியதென்று மனதில் தோன்றும் அன்பினைத்தானும் கூறும்
பரிவுகொண்ட மடலும் வாசப் பூவெனக்காணும்

கரியுமில்லை களங்கமில்லை காண்மதிமீதில் என்ற
வரிகள் சொல்லி வைத்தபின்னும் வான்மதி தேயும்
பெரிய் வில்லை போலுமந்த வான்வெளிதோறும் மதி
திரிவதென்ன தனிமைகொண்டு உருகிடக்காணும்

சரிவதெல்லை சரியதில்லை என்கிறபோதும் ஒரு
சரிவினெல்லை காணல்என்றும் சரியில்லை ஆகும்
எரியும்கல்லை எறிவதில்லை என்கிறபோதும் - அதை
விரியும்கைகள் கொள்ளக் காணின் உடலதுநாணும்

விரியவில்லை சரியவில்லை வெண்ணொளி வானம் - அங்கு
தெரியுமெல்லை முடிவுமல்ல ஒன்றெனக்காணும்
புரியுமந்த உறவும் என்றும் பொய்யென ஆகும் - தூரம்
தெரியும் பாதை செல்லச்செல்லப் பிரிந்திடக் காணும்

நரியுமில்லைக் காகமில்லை நம்மதுவாழ்வும் - கொண்ட
குறியும் வீழத் தவறுசெய்யின் குற்றமும் கொள்ளும்
சரியுமில்லை தவறுமில்லை இடையினில்வாழும் வெறும்
கருவியில்லை காணுமுள்ளம், கரும்பினில் சாறும்

பிழிவதில்லை பெருமைகொண்டு உள்ளவர்யாவும் - அவர்
விழியினுள்ளே கருமைகொண்ட கண்மணிதானும்
பழியும்சொல்லி விடுவதில்லை பாலென விழியும் காணும்
தெளிவுகொள்ள உதவும் வில்லை கருமை யென்றாலும்

கரியுமல்லை கனியுமில்லை காலமென்றாகும் -நல்ல
கருப்புமில்லை இனிப்புமில்லை கண்டிடும் வாழ்வும்
பெரியதல்ல பிழைகள் என்றும் வாழ்வதில் நேரும் பின்னர்
தெரிய உள்ளம் வருந்துமாயின் திருந்திய தாகும்

உரியதுள்ள எதுவென்றுள்ள உண்மைகள்தானும் - நல்ல
திரியுமுள்ள எரியும்வல்ல தீபமென்றாகும்
பெரியதுள்ள குன்றில்வைக்க இருளதுபோகும் அந்த
எரியவைத்த தீபமென்று எம்முகம் காட்டும்

அருமையான கோர்வு

எனக்கு பொறாமையை உள்ளது தங்கள் கவிகளை படிக்கயிலே.
எப்படி உங்களால் மட்டும் இப்படியெல்லாம் வார்த்தைகளில் விளையாட முடிகிறது.

பாராட்டிய இளமாறன் , உமா தங்கள் இருவருக்கும் நன்றிகள்!

அன்போடு வழங்கிய தங்கள் பாராட்டை ஏற்று மகிழ்கிறேன்!! நன்றிகள்!!

அனைத்து வரிகளும் அருமை

அதீதமான உங்களின் தமிழ் புலமை,உண்மையாகவே உங்களின் வரிகளை புரிந்துகொள்ள என்னால் முடியவில்லை.நானும் இந்நாட்டில் தான்
பிறந்தேன் இருந்தும் புரிய மறுக்கிறது ஏன்????

ஜேன் செல்வகுமார் wrote:அதீதமான உங்களின் தமிழ் புலமை,உண்மையாகவே உங்களின் வரிகளை புரிந்துகொள்ள என்னால் முடியவில்லை.நானும் இந்நாட்டில் தான்
பிறந்தேன் இருந்தும் புரிய மறுக்கிறது ஏன்????

ஜேன் செல்வகுமார் wrote:அதீதமான உங்களின் தமிழ் புலமை,உண்மையாகவே உங்களின் வரிகளை புரிந்துகொள்ள என்னால் முடியவில்லை.நானும் இந்நாட்டில் தான்
பிறந்தேன் இருந்தும் புரிய மறுக்கிறது ஏன்????

இதுகொஞ்சம் புரியாத முறையில்தான் எழுதினேன். உண்மையில் நடந்த ஒரு சம்பவத்தினால் இந்தக்கவி எழுதினேன்.
ஒருசிறிய மனக்கசப்பு எனக்கும் நண்பரொருவருக்கும்.
அவரும் கவிதை எழுதுவார்!

மனகசப்பு மறந்துகொள்ள தொடங்கியபோது சிறுமன்னிப்பு கேட்பதுபோல் ஒரு கவிதை எழுதினேன் அவரதைப் பார்க்கவில்லையோ அல்லது அதையும் புரிந்துகொள்ள முடியவில்லையோ. என்னிடமிருந்து பதில் இல்லையென்று பாணியில் கவிதை தந்தார் அதற்குப் பதிலாக இதை எழுதினேன்.

மனதில் உள்ள உணர்வுகள் வெளிச்சம்போட்டுகாட்டியதாகவும்
அதன்பின்னும் ஏன் நிலவுபோல தேய்வதாகவும் மற்றும் கருத்துக்களை வைத்தேன். இப்படி சந்தர்ப்பம் கூறினால் புரிந்துகொள்ள முடிகிறதா?