'பாமகவுக்கே ஓட்டு போடுவோம்'- குல தெய்வத்திடம் சத்தியம் வாங்க ராமதாஸ் உத்தரவு

சென்னை: கட்சியில் சேரும் புதிய உறுப்பினர்களிடம், பாமகவுக்கே ஓட்டுப் போடுவேன் என்று அவர்களது தாய், குழந்தை அல்லது குல தெய்வத்திடம் சத்தியம் வாங்க வேண்டும் என்று அக் கட்சியின் நிறுவனர் டாக்டர் ராமதாஸ் கூறியுள்ளார்.

திருவள்ளூர் மாவட்ட பா.ம.க பொதுக்குழுக் கூட்டதில் பேசிய அவர்,

:பாமக ஆரம்பித்ததே தமிழகத்தை ஆளவேண்டும் என்ற நோக்கத்தில்தான். ஆரம்பத்தில் சரியான பாதையில் சென்ற நாம் பின்னர் திசைமாறி விட்டோம். கொள்கையை விட்டு விட்டோம்.

பாமக ஆரம்பித்த ஐந்து மாதத்தில் நடந்த சட்டசபை தேர்தலில் தனித்து நின்று 7 சதவீத ஓட்டுகள் பெற்றோம். தற்போது நடந்த தேர்தலில் கூட்டணி வைத்து வெறும், 2.15 லட்சம் ஓட்டுகள் மட்டுமே பெற்றுள்ளோம். கூட்டணி வைத்ததால் வந்த பின்னடைவு தான் இது.

1996க்கு பிறகு கூட்டணியில் சென்று விட்டோம். தற்போது, 3 எம்.எல்.ஏக்கள் மட்டுமே உள்ளனர். ஒரு எம்.பி. கூட கிடையாது. கடந்த எம்.பி. தேர்தலில் தனித்து போட்டியிட முடிவெடுத்திருந்தால், தற்போது சட்டமன்ற தேர்தலில் ஆளும் கட்சியாகவோ, எதிர்க்கட்சியாகவோ வந்திருக்கலாம் என்று ஓய்வு பெற்ற ஐஏஎஸ் அதிகாரிகள் எங்களிடம் கூறுகிறார்கள்.

நாம் அடிக்கடி கூட்டணி மாறுகிறோம் என்று பொதுமக்கள் கிண்டல் செய்தனர். இரண்டு திராவிட கட்சிகளும் நம்மை இழுத்தடித்தனர். எனவே, இனிமேல் திராவிட கட்சிகளோடு கூட்டு இல்லை என்று முடிவெடுக்கப்பட்டது.

கடந்த 45 ஆண்டுகளாக ஆட்சி செய்து வரும் திராவிடக் கட்சிகள், இலவசங்களை கொடுத்து மக்களை சோம்பேறிகளாக்கினர். மதுபானம், சினிமா போன்றவற்றை கொடுத்து இளைஞர்களை சீரழித்தனர்.

மக்களின் வாழக்கை இன்னும் முன்னேற்றம் அடையவில்லை. தமிழகத்தில் மூன்றரை கோடி பேர் வறுமையில் உள்ளனர். இந்த நிலை மாற தமிழகத்தில் உழைக்கும் கட்சி பாமக தான்.

எனவே, ஒரு எம்.எல்.ஏ. தொகுதிக்கு 50 ஆயிரம் உறுப்பினர்களையும், ஒரு ஒன்றியத்துக்கு 13 ஆயிரம், நகரத்துக்கு 10 ஆயிரம் உறுப்பினர்களை சேர்க்க வேண்டும். முழுக்க முழுக்க வன்னியர் ஓட்டு வங்கியாக உருவாக்க வேண்டும்.

பாமகவுக்கு வாக்களிப்போம் என தாய் அல்லது குழந்தை அல்லது குல தெய்வம் மீது சத்தியம் வாங்கி புதிய உறுப்பினர்களை சேர்க்க வேண்டும் என்றார்.


தட்ஸ் தமிழ்

பாமகவுக்கு வாக்களிப்போம் என தாய் அல்லது குழந்தை அல்லது குல தெய்வம் மீது சத்தியம் வாங்கி புதிய உறுப்பினர்களை சேர்க்க வேண்டும் என்றார்.

அவங்க கட்சி ஆளுகளே அவங்களுக்கு ஓட்டு போட மாட்டாங்களா என்ன

ஒரு முறை இவர்களுக்கு வாய்ப்பளித்துத்தான் பாருங்களேன்.
கொஞ்சமாவது மாற்றம் ஏற்படலாம் என நான் கருதுகிறேன்.
இவர்களது மக்கள் தொலைக்கட்சி ஓர் எடுத்துககாட்சி என நான் கருதுகிறேன்.
நல்ல தமிழை வளர்க்கிறார்கள், மதுவை ஒழிக்க போராடுகிறார்கள், சுகாதாரத்தை வழியுறுத்துகிறார்கள். இப்படி பல நல்ல கருத்துகளை கடைபிடிக்கச்சொல்லிவரும் இவர்களுக்கு ஒரு முறை வாய்ப்பளிக்கலாம்.

ஆமாம் மாணிக்கம் நடேசன் !..நமக்கெல்லாம் நம்பிக்கைதானே ! வாழ்க்கை !

மாணிக்கம் நடேசன் wrote:ஒரு முறை இவர்களுக்கு வாய்ப்பளித்துத்தான் பாருங்களேன்.
கொஞ்சமாவது மாற்றம் ஏற்படலாம் என நான் கருதுகிறேன்.
இவர்களது மக்கள் தொலைக்கட்சி ஓர் எடுத்துககாட்சி என நான் கருதுகிறேன்.
நல்ல தமிழை வளர்க்கிறார்கள், மதுவை ஒழிக்க போராடுகிறார்கள், சுகாதாரத்தை வழியுறுத்துகிறார்கள். இப்படி பல நல்ல கருத்துகளை கடைபிடிக்கச்சொல்லிவரும் இவர்களுக்கு ஒரு முறை வாய்ப்பளிக்கலாம்.

எல்லாம் வெறும் நாடகம்...மா.ந அவர்களே