தங்கத் தரணியாளும் தன்மைத் தமிழ்

by சதாசிவம் Mon Jan 02, 2012 10:43 am

தங்கத் தரணியாளும் தன்மைத் தமிழ்
கங்கு கனல் பேசும் உண்மைத் தமிழ்
திங்கள் ஒளி குறைக்கும் வெண்மைத் தமிழ்
பங்கம் இல்லாப் பான்மைத் தமிழ்

கொங்கைப் பால் வார்க்கும் தாய்த் தமிழ்
சிங்கக் குரல் கொடுத்தும், சீறாத் தமிழ்
சிங்கார நடை பயக்கும் சிறப்புத் தமிழ்
சிருங்கார ரசம் கொஞ்சும் சீர்மிகுத் தமிழ்

வங்கக் கடல் கடக்கும் வற்றாத் தமிழ்
சங்கத் தமிழ் சிறக்கும் குற்றாத் தமிழ்
சங்க, பதும நிதி அளிக்கும் தட்டாத் தமிழ்
மங்காத புகழ் நிறைக்கும் மாசிலாத் தமிழ்

சங்கு ஒலி ஒலிக்கும் சந்தத் தமிழ்
பொங்கும் ஒளி ஒளிக்கும் பொலிவுத் தமிழ்
பங்கய மனம் மணக்கும் சந்தனத் தமிழ்
உங்கள் மொழி வளர்த்த சந்தானத் தமிழ்

கங்கையாய் கறைகளை கழுவும் தமிழ்
மங்கையாய் மனதைத் தழுவும் தமிழ்
மங்கு பேதமை மாறப் போதித்த தமிழ்
எங்கள் குலம் தழைக்கச் சாதித்த தமிழ்

by **பிஜிராமன்** Mon Jan 02, 2012 10:52 am

உங்கள் தமிழ்க்கண்டு உள்ளம் மகிழ்ந்தது
தங்கத் தமிழை தரமான சொல்லால்உள்
பொங்கிடக் கூறிநீர் போற்றியது கண்டிட்ட
எங்கள்உள் ளத்தில் குளிர்

மிக மிக அருமையான கவிதை ஐயா..........மிக்க நன்றிகள்......... புன்னகை

தமிழே உன்னை தான் எத்தனை முறை புகழ்ந்தாலும், தெவிட்டுவது இல்லை......

ஆகா ...என்ன அருமை...சாசிவம் அவர்களே...திரும்பத்திரும்ப படிக்க வைத்து விட்டீர்கள்....நன்றி. மகிழ்ச்சி

by சதாசிவம் Mon Jan 02, 2012 11:02 am

நன்றி ராமன்
நன்றி தயாளன் ஐயா

by மகா பிரபு Mon Jan 02, 2012 11:05 am

by சதாசிவம் Tue Jan 03, 2012 10:18 am

மகா பிரபு wrote:

நன்றி பிரபு

by **ஹிஷாலீ** Tue Jan 03, 2012 10:27 am

இக்க கவிதையை போட்டிக்கு அனுபிருந்தால் முதல் பரிசு கிடைத்திருக்குமே.
சூப்பர்.அருமை

by சதாசிவம் Tue Jan 03, 2012 10:47 am

ஹிஷாலீ wrote:இக்க கவிதையை போட்டிக்கு அனுபிருந்தால் முதல் பரிசு கிடைத்திருக்குமே.
சூப்பர்.அருமை

நன்றி ஷிஷாலி,
கவிதை போட்டிக்கு யோசித்து கொண்டிருக்கும் போது, இந்த கவிதை தோன்றியது. கொடுக்கப்பட்ட தலைப்பில் இது பொருந்தி வரவில்லை. ஆதலால் இங்கு பதிவு செய்தேன்.

போட்டியில் வெற்றி பெற வாழ்த்துகள்

by **ஹிஷாலீ** Tue Jan 03, 2012 10:50 am

சதாசிவம் wrote:
ஹிஷாலீ wrote:இக்க கவிதையை போட்டிக்கு அனுபிருந்தால் முதல் பரிசு கிடைத்திருக்குமே.
சூப்பர்.அருமை

நன்றி ஷிஷாலி,
கவிதை போட்டிக்கு யோசித்து கொண்டிருக்கும் போது, இந்த கவிதை தோன்றியது. கொடுக்கப்பட்ட தலைப்பில் இது பொருந்தி வரவில்லை. ஆதலால் இங்கு பதிவு செய்தேன்.

போட்டியில் வெற்றி பெற வாழ்த்துகள்

அந்த நம்பிக்கை எனக்கு இல்லை.
இருந்தும் மிக்க நன்றி சார்.