எனக்கும் கவிதை எழுத முடியும்.

shineson · shineson Sun Jan 01, 2012 7:40 am

எனக்கும் கவிதை எழுத முடியும்.
சிலேட்டுகளுக்கிடையிலும், தொலைந்து போன குச்சிகளுக்கிடையிலும்,
ஆசிரியரிடமிருந்து பட்ட அடிகளுக்கிடையிலும்,
அம்மாவின் தொலைந்து போன அன்புக்கிடையிலும்,
தூரத்திலிருந்த அப்பாவின் ஆதங்கத்துக்கிடையிலும்,
என்னாலும் கவிதை எழுத முடியும்.

எனக்கும் கவிதை எழுத முடியும்.
எழுதி முடிக்காமல் விட்ட காதல் கடிதங்களாலும்,
பதிவயதுக் காதலிக்கு அனுப்பிய குறுஞ்செய்திகளாலும்,
எங்கோ பேருந்து நிலையத்தில் என் கண் பட்ட பாவையராலும்,
என்னாலும் கவிதை எழுத முடியும்.

எனக்கும் கவிதை எழுத முடியும்.
கல்யாணத்தில் தொலைந்து போன காதல்களுக்கிடையிலும்,
அன்பினால் என்னை ஆழ்த்தும் மழலைகளாலும்,
செலுத்தாமல் போன வங்கிக் கடன்களுக்கிடையிலும்,
முடிக்காமல் விட்ட அலுவலகப் பணிகளுக்கிடையிலும்,
என்னாலும் கவிதை எழுத முடியும்.

என்னாலும் கவிதை எழுத முடியும்.
பல்லில்லாத என் மனைவியின் புன்னகையாலும்,
பல் முளைக்காத என் பேரக்குழந்தையின் புன்னகையாலும்,
நடுங்கும் கைகளால் பேனா பிடித்து,
என்னாலும் கவிதை எழுத முடியும்.

**Dr.சுந்தரராஜ் தயாளன்** · 03/09/2011

அருமை...

நான் இப்போது உங்களின் முன்றாவது பாராவில் உள்ளேன். விரைவில் நான்காவது பாராவுக்கு செல்ல இருக்கிறேன். எங்கு இருந்தாலும் நான் கவிதை எழுதுவதை நிறுத்த மாட்டேன். புத்தாண்டு வாழ்த்துக்கள் :வணக்கம்:

இந்த பதிவைத் துவங்கியவர் நன்றி கூறியுள்ளார் Dr.சுந்தரராஜ் தயாளன்

shineson · shineson Sun Jan 01, 2012 8:04 am

பாராட்டுக்கு நன்றி..... நான் இன்னும் இரண்டாவது பாராவில் தான் இருக்கிறேன். மூன்றாவதற்கு போக இன்னும் சில ஆண்டுகள் இருக்கிறது.

Sponsored content · Sponsored content

எனக்கும் கவிதை எழுத முடியும்.

எனக்கும் கவிதை எழுத முடியும்.

Re: எனக்கும் கவிதை எழுத முடியும்.

Re: எனக்கும் கவிதை எழுத முடியும்.

Re: எனக்கும் கவிதை எழுத முடியும்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக