தமிழகம்-புதுச்சேரியில், தானே புயலுக்கு 33-பேர் உழிரிழப்பு

by joybala6 Sat Dec 31, 2011 8:06 am

தமிழகத்தில் பெரும் அச்சத்தை ஏற்படுத்திய தானே புயல் கடலூருக்கும், புதுச்சேரிக்கும் இடையே கரையை கடந்தது. இப்புயலால் 33-பேர் உயிரிழந்துள்ளனர்.

தமிழகத்தின் கடலோர மாவட்டங்களில் கடந்த சில நாட்களாக கடல் சீற்றம் காரணமாக பொது மக்கள் அச்சத்தில் இருந்தனர். வங்கக்கடலில் நிலைகொண்டிருந்த தானே புயல் காரணமாக ஏற்பட்ட கடல் சீற்றத்தால் கடலோர மக்கள் பாதுகாப்பான இடங்களுக்கு அனுப்பி வைக்கப்பட்டனர். மேலும் மீனவர்கள் கடலுக்குச் செல்ல தடை விதிக்கப்பட்டிருந்தது.

இந்நிலையில் புதுச்சேரிக்கும், கடலூருக்கும் இடையே புயல் கரையை கடந்ததால் கடலோர மாவட்டங்களில் கடும் சூறாவளி காற்றுடன் கன மழை பெய்தது. சுமார் 125-கிலோ மீட்டர் வேகத்துடன் கரையை கடந்த புயல் புதுச்சேரி வழயாக நிலப்பரப்புக்குள் புகுந்து திருவண்ணாமலை வழியாக செல்கிறது என்று சென்னை வானிலை நடுவம் தெரிவித்தது.

இந்த புயல் காரணமாக தமிழகத்தின் கடலோர மாவட்டங்களில் பள்ளிகளுக்கு விடுமுறை அளிக்கப்பட்டது. முன்னெச்சரிக்கையாக மின்சாரமும் நிறுத்தி வைக்கப்பட்டது. இப்புயலால் தமிழகத்தில் 26-பேரும், புதுச்சேரியில் 7-பேரும் உயிரிழந்துள்ளனர். மேலும் கடல் சீற்றம் அதிகரித்து சாலைகளில் வெள்ளம் வந்ததால், கடலோரச்சாலைகள் அனைத்தும் மூடப்பட்டன. சென்னை மெரீனாக் கடற்கரையில் கடல்சீற்றம் இன்னும் குறையாததால் அங்கு பொதுமக்கள் செல்ல தடைவிதிக்கப்பட்டுள்ளது. இருப்பினும் இன்றும் கடலோர மாவட்டங்களில் மழை நீடிக்கும் என வானிலை நடுவம் தெரிவித்துள்ளது.

by **சிவா** Sat Dec 31, 2011 8:30 am

செய்திப் பகிர்வுக்கு நன்றி பாலா!

தமிழகம்-புதுச்சேரியில், தானே புயலுக்கு 33-பேர் உழிரிழப்பு

தமிழகம்-புதுச்சேரியில், தானே புயலுக்கு 33-பேர் உழிரிழப்பு

Re: தமிழகம்-புதுச்சேரியில், தானே புயலுக்கு 33-பேர் உழிரிழப்பு