திருக்கச்சி நம்பி

01-03-11
Print | E-mail : Email this Article


எம்.என். ஸ்ரீனிவாசன்


கவத் ராமானு ஜரே ஆசார்யனாக ஏற்க விரும்பினார் என்பது திருக்கச்சி நம்பிகளின் மகிமைக்குச் சான்று. நம்பிகள் ஸௌம்ய வருடம் (கி.பி. 1009) மாசி மாதம் மிருகசீரிட நட்சத் திரத்தில் பூவிருந்தவல்லியில் (வைஸ்ய குலத்தில்) அவதரித்தார். இவருக்கு பெற்றோர் பார்க்கவதாசர் என்று பெயரிட்டனர்.

தம் தகப்பனாரைத் தொடர்ந்து திருமழிசை ஆழ்வாருக்கு கைங்கர்யம் செய்து வந்த இவர், காஞ்சிப் பெருமாளான அத்திகிரி அருளாளனுக்கு விசிறி வீசும் கைங்கர்யத் தையும் செய்து வந்தார். அதனால் இவருக்கு திருக்கச்சி என்ற காஞ்சியின் பெயராலே திருக்கச்சி நம்பிகள், காஞ்சி பூரணர் என்ற பெயர்களும் அமைந்துவிட்டன.

அத்திகிரி அருளாளனான வரதராஜப் பெருமாள் தன் அர்ச்சா நிலையையும் கடந்து இவரிடம் உரையாடுவார். இத்தகைய தனிச்சிறப்பு பெற்ற இவ்வருளாளர் ஆளவந்தாரின் சீடராவார். அவர் மூலமாகத்தான் ஆளவந்தாரின் அருட்பார்வை பெற்று ராமானுஜருக்கு வைணவத்தின் வழிகாட்டி யாய்த் திகழும் பாக்கியம் ஏற்பட்டது.

காஞ்சிப் பேரருளாளன் மூலம் ஆறு வார்த்தைகளைப் பெற்று இவர் ராமானுஜருக்குத் தெரிவித்தபடியே, பெரியநம்பிகள் என்ற மஹனீயரைத் தன் ஆசார்யராக ஏற்றுக்கொண்டு தன் வாழ்க்கைப் பாதையை (ஆளவந்தாரின் காலத்திற்குப்பின்) மாற்றிக்கொண்டு, ஸ்ரீரங்கத்தில் தன் கைங்கர்யங்களை அர்ப்ப ணித்து வாழ்ந்து வந்தார் ராமானுஜர்.

திருக்கச்சி நம்பிகள் தனக்கு மோட்சம் சித்திக்க பாகவத கைங்கர் யங்களில் (திருமாலடியார் களுக்குத் தொண்டு புரிதல்) ஈடுபட வேண்டுமென்று, திருக்கோஷ்டியூர் நம்பி களுக்கு சில காலம் தொண்டு செய்து வந்தார்.

நம்பிகளுக்கு ஸ்ரீரங்கத் துப் பெருமாளுக்கும் திருமலையப்பனுக்கும் விசிறி கைங்கர்யம் செய்ய ஆவல் இருந்தது. அரங் கனோ தான் காவிரி நீர் சூழப்பட்டுள்ள திருவரங் கத்தில் வாசம் செய்வதால் குளிர்ந்த சூழ்நிலையில் உள்ளதாகக் கூறி திருப்பதி பெருமாளிடம் அனுப்பி வைத்தார். திருமலை வாசனோ தாம் எழில் சூழ்ந்த ஏழுமலைகளுக்கிடையில் வாசம் புரிவதால் விசிறி வீசும் கைங்கர்யம் தேவையில்லை என்றும்; சத்யவிரத க்ஷேத்திரமான காஞ்சியில், பிரம்மா செய்த யாக குண்டத்திலிருந்து வெளிப்பட்ட தேவராஜப் பெருமாள் அக்னி ஜ்வாலைகளின் அனலால் எரிச்சலுடன் இருப்பதாக வும்; எனவே அவருக்கே விசிறி வீசும் கைங்கர்யத்தைத் தொடர அருளாணை யிட்டபடி திருக்கச்சி நம்பிகள் காஞ்சிப் பேரருளாளனுக்கே தன் கைங்கர்யத் தைத் தொடர்ந்தார்.

காஞ்சியிலும் திருக்கச்சி நம்பிகளின் தனிச் சந்நிதியும் அவர் வசித்த திருமாளிகையும் உள்ளது.

அதேபோன்று நம்பிகளுக்காக திருவரங்கனும், திருவேங்கடவனும், காஞ்சிப் பேரருளாளனும் பூவிருந்த வல்லியிலேயே அவருக்கு ஒருசேர காட்சியளித்ததால், பூவிருந்தவல்லியில் மூவருக்கும் சந்நிதியும், நம்பிகளுக்குத் தனிச்சந்நிதியும், வரதராஜப் பெருமா ளின் நாயகி புஷ்பவல்லிக்கு தனிச் சந்நிதியும் அமைந்துள்ளன.

திருக்கச்சி நம்பிகள் தமது 55-ஆவது வயதில் பரமபதம் எய்தினார். பகவத் பாகவத அபிமானியாய் வாழ்ந்த இந்த ஆலவட்டம் வீசிய அருளாள ரின் 1003-ஆவது அவதார நாள் 13-3-2011-ல் அமைகிறது. இதையொட்டி பூவிருந்த வல்லி திருக்கோவிலில் பத்து நாட்கள் திருவிழா நடக்க உள்ளது. மற்றும் அனைத்து திருமால் திருக்கோவில் களிலும் ஒருநாள் வைபவம் நடக்கும். அன்பர்கள் மேற்படி வைபவங்களில் கலந்து கொண்டு இன்புறலாம்; இறையருள் பெறலாம்!

நன்றி http://www.nakkheeran.in/users/frmArticles.aspx?A=8621