குறி சொல்வதாக பெண்ணிடம் பலாத்காரம் சிவகங்கை அருகே போலி சாமியார் கைது

by **சிவா** Fri Dec 30, 2011 4:00 pm

காளையார்கோவில் : குறி சொல்வதாகக் கூறி, பெண்ணை பலாத்காரம் செய்த போலி சாமியாரை, காளையார்கோவிலில் போலீசார் கைது செய்தனர். சிவகங்கை மாவட்டம், இளையான்குடி அருகேயுள்ள திருவேங்கடத்தை சேர்ந்த கருப்பையா மகன் மாரிமுத்து,36. இவர், காளையார்கோவிலில் வசிக்கிறார். ஊத்துப்பட்டியில், கருப்புசாமி கோவில் கட்டி, குறி சொல்லி வந்தார்.

சிறுவூர் கிராமத்தைச் சேர்ந்தவர் முத்தையா,45; கட்டடத் தொழிலாளி. இவர், கடந்த ஒரு வாரமாக, சாமியார் வீட்டில் வேலை பார்த்து வந்தார். சாமியாரிடம், "என் மனைவிக்கு உடல்நிலை சரியில்லை; மருத்துவமனைக்கு செல்ல சம்பளம் தாருங்கள்' எனக் கேட்டுள்ளார்."உன் மனைவியை என்னிடம் அழைத்து வந்தால், குறி பார்த்து நோயை சரி செய்து விடுகிறேன்' என, சாமியார் கூறியுள்ளார்.

முத்தையாவும் இதை நம்பி, அவரின் மனைவி அழகம்மாளை,30, சாமியார் வீட்டிற்கு அழைத்து வந்துள்ளார். கடந்த, 27ம் தேதி இரவு, 9 மணிக்கு சாமியார், அழகம்மாளை தனி அறைக்குள் அழைத்து சென்று, பலாத்காரம் செய்து, கழுத்தில் கிடந்த மூன்றரை பவுன் தங்க செயினை பறித்துள்ளார். மனைவியின் சத்தம் கேட்டு, தட்டிக்கேட்ட முத்தையாவை, சாமியார் அரிவாளால் தாக்கியுள்ளார். இந்த சம்பவத்தை யாரிடமாவது சொன்னால், இருவரையும் கொலை செய்து விடுவதாக மிரட்டியுள்ளார். போலீசார் வழக்கு பதிந்து, அழகம்மாளை மருத்துவ பரிசோதனைக்கு அனுப்பி வைத்தனர்; போலி சாமியார் மாரிமுத்துவை கைது செய்தனர்.

தினமலர்

by **ஜாஹீதாபானு** Fri Dec 30, 2011 4:13 pm

கொடுமை கொடுமைனு கோயிலுக்கு போனா அங்க 2 கொடுமை தலை விரிச்சு ஆடுதாம் அப்படி தான் இருக்கு இந்த செய்தி என்ன கொடுமை சார் இது

by சார்லஸ் mc Fri Dec 30, 2011 6:01 pm

இவ்வளவு பட்டும் மக்கள் திருந்தின பாடில்லையே.

குறிகாரா்களை நம்புவதும், தோஷம் கழிக்கிறேன் என சொல்லும் போ்வழிகளை நம்பி ஏமாறுவதும், போலி சாமியாா்களை நம்பி கற்பை இழப்பதும்.... குறி சொல்வதாக பெண்ணிடம் பலாத்காரம் சிவகங்கை அருகே போலி சாமியார் கைது 56667

குறி சொல்வதாக பெண்ணிடம் பலாத்காரம் சிவகங்கை அருகே போலி சாமியார் கைது 56667

இன்னும் நாட்டில் எத்தனை செய்திகள், எத்தனை நிகழ்வுகள் நடந்த பின்னா் இப்படி பட்ட மக்கள் விழிப்படைவாா்களோ தொியவில்லை.

ஏமாளிகள் இருக்கும்வரை இப்படிப்பட்ட ஏமாற்றுக்காரா்கள் இருக்கத்தான் செய்வாா்கள் என்று இருந்திடாமல், மக்களும், அரசும் இணைந்து இப்படிப்பட்டவா்களுக்கு தகுந்த தண்டணை கொடுக்க வேண்டும்.
அரபு நாடுகளில் உள்ள தண்டனை இங்கு இருந்தால் இப்படிப்பட்டவா்கள் திருந்துவாா்களோ என்னவோ??!!