வீட்டில் உபயோகப்படுத்தும் கேஸ் சிலிண்டருக்கும் காலாவதி நாள் உண்டு! உஷா....ர்.

by அப்துல் Fri Dec 30, 2011 11:40 am

சதாரணமாக நம் வீட்டில் உபயோகப்படுத்தும் சிலிண்டர்களை நாம் என்றும் கவனித்து வாங்குவது கிடையாது. நமதூரின் நிலை என்னவென்றால் கேஸ் முடிவதற்கு முன்பே புதிய சிலிண்டருக்கு விண்ணப்பித்து பல நாட்களுக்கு பிறகு வருவதால், வந்தால்போதும் என்ற நிலைதான் உள்ளது. அதனால் நாம் எதையும் பார்ப்பது கிடையாது. சிலிண்டருக்கு காலாவதி தேதி உள்ளது என்பது நம்மில் பலருக்கும் தெரியாத ஒன்று.

இப்படி காலாவதியான சிலிண்டர்களை நாம் உபயோகப்படுத்தினால் விபத்துக்கள் ஏற்பட அதிக வாய்ப்பு உள்ளது. எனவே இனிவரும் காலங்களில் சிலிண்டரை வாங்கும் முன் அதன் மூன்று பகுதிகளில் (மேல் பகுதி, கீழ் பகுதி, சுற்றுப் பகுதி) ஏதாவது ஒரு பகுதயில் A, B, C, D என்று இவற்றில் ஒன்றுடன் எண்னும் குறிப்பிடப்பட்டிருக்கும். உதாரணமாக : D06 என்று குறிப்பிட்டு இருக்கும்.

A - என்பது வருடத்தின் முதல் மூன்று மாதத்தையும்.
B - என்பது வருடத்தின் இரண்டாவது மூன்று மாதத்தையும்.
C - என்பது வருடத்தின் மூன்றாவது மூன்று மாதங்களை குறிக்கும்.
D - என்பது வருடத்தின் இறுதி மூன்று மாதங்களை குறிக்கும்.

இதனுடன் குறிப்பிடப்பட்டுள்ள எண் வருடத்தை குறிக்கும் உதாரணமாக 06 என்பது 2006-ஐ குறிக்கும். இதுபோல் B09 என்று குறிப்பிடப்பட்டு இருந்தால் அது 2009-ம் வருடத்தின் ஏப்ரல், மே அல்லது ஜூன் ஆகிய மாதங்களில் உபயோகிக்க தகுதியானது என்று பொருள். எனவே பொதுமக்கள் இவ்விசயத்தில் கவனமாக இருப்பதுடன் மற்றவர்களுக்கும் இச்செய்தியினை அறியத்தரும்படி கேட்டுக் கொள்ளப்படுகிறீர்கள்.

இதனை சிலிண்டரின் கைபிடியின் கிழே நாம் காணலாம்.