தான் திருடிய செல்போனில் தன்னை படம் எடுத்து மாட்டிக் கொண்டவன்

**சிவா** · **சிவா** Fri Dec 30, 2011 1:12 pm

அயர்லாந்து நாட்டின் தலைநகர் டப்ளின். இங்குள்ள பிளன்சர்ட்ஸ்டவுன் பகுதியில் நிறுத்தப்பட்டிருந்த ஒரு காரில் இருந்து செல்போன் ஒன்றையும், முதுகில் சுமந்து செல்லும் பை ஒன்றையும் ஒருவன் திருடினான். அந்த செல்போன் நன்றாக செயல்படுகிறதா என்று சோதித்து பார்க்க விரும்பிய அவன், அதன் கேமராவில் தன்னைத்தானே படம் எடுத்தான்.

பின்னர் அருகில் இருந்த ஒரு வீட்டுக்குள் புகுந்து திருடிக் கொண்டு இருந்தான். உடனே வீட்டின் சொந்தக்காரர் விழித்துக் கொண்டு, திருடன், திருடன் என்று சத்தம் போட்டுக் கொண்டே அவனை பிடிக்க முயன்றார். இதனால் அங்கிருந்து அவன் ஓட்டம் பிடித்தபோது அந்த கேமரா செல்போன் வீட்டின் வெளியே அவனுக்கு தெரியாமல் விழுந்து விட்டது. அதை எடுத்து வீட்டின் உரிமையாளர் போலீசில் கொடுத்தார். அந்த கேமராவில் பதிவாகி இருந்த படத்தை வைத்து, ஒரு மாதம் துப்பு துலக்கி 36 வயதான திருடன் ஜாசன் கிளன்னான் என்பவனை போலீசார் கைது செய்தனர்.