வாடகை நண்பன்

செய்தாலி · செய்தாலி Thu Dec 29, 2011 2:06 pm

நகருக்கு
ஒதுக்குபுறத்தில் அலுவலகம்
அதன் சிறு தூரத்தில்
தங்கும் சிறு விடுதி

அன்று
முதல்நாள் பட்ட பகலிலும்
வியர்க்கும் அளவிற்கு பயமுறுத்தியது
மூனேமுக்கால் சுவருகளும் கதவும்

அன்றைய இரவில்
தனித்து உறங்க முயற்ச்சித்து
பயத்தில் அயர்ந்து தூங்கினேன்
நன்றாய் விடிந்த பிறகு

சில
நாட்களின் ஓட்டத்தில்
நல்ல நண்பர்களாய் இணைந்தோம்
தொடர்கிறது இன்றுவரையிலும்

உன்சுவற்றை
ஆணியால் துளை இட்டபோதும்
சமையல் தருணத்தின் வெப்பத்திலும்
எனக்காய் சகித்தாய் வேதனைகளை

நான்
சிந்திய புன்னகையும் கண்ணீரையும்
உன் சுவற்று இடுக்குகளில்
ஒழித்து வைத்து இருக்கிறாய்

என்
நன்மை தீமை செய்கைகளை
உன் சுவற்றுக்குள் மூடிவைத்தாய்
அதற்கு நீயே சாட்சியானாய்

விடுமுறைகளில்
விடியலில் வெளியே சென்றாலும்
இரவினில் தலையசைக்க
உன்மடியை நாடிவருகிறேன்

என்
உணர்வுகளை உணர்ந்த
பந்த உறவுகளின் வரிசையில்
நீயும் ஓர் உறவு

இது
காலத்தின் கட்டாயம்
ஆறாண்டு உறவை முறித்து
கண்ணீருடன் உன்னை பிரிகிறேன்

உன்
ஓசையற்ற மௌனப் புன்னகையில்
உன்னுடனான நினைவுகளுடன்
படி இறங்குகிறேன்

பாலாஜி · பாலாஜி Thu Dec 29, 2011 2:15 pm

மிக அருமையான கவிதை .. சூப்பருங்க

**உமா** · **உமா** Thu Dec 29, 2011 2:27 pm

ரசிக்கும் படியான வரிகள் செய்தாலி.
வித்யாசமான சிந்தனை. அருமையிருக்கு

செய்தாலி · செய்தாலி Thu Dec 29, 2011 4:16 pm

வை.பாலாஜி wrote:மிக அருமையான கவிதை ..

மிக்க நன்றி தோழரே

செய்தாலி · செய்தாலி Thu Dec 29, 2011 4:20 pm

உமா wrote:ரசிக்கும் படியான வரிகள் செய்தாலி.
வித்யாசமான சிந்தனை.

இங்கு அமீரகத்தில் ஆறு வருடங்களாக தனியிருந்த வீட்டைவிட்டு
நாளை பிரிந்து செல்கிறேன் மன வருத்தத்துடன் எழுதிய வரிகள்

அந்த வீட்டை பிரிய ரெம்ப கஷ்டமா இருக்கு

மிக்க நன்றி தோழி

உதயசுதா · உதயசுதா Thu Dec 29, 2011 4:20 pm

அருமையான வரிகள் செய்தாலி.வீட்டோட கொண்ட நட்புக்கு ஒரு இலக்கணமா இருக்கு உங்க கவிதை

ஏன் வேற வேலை எதுவும் மாறிட்டீங்களா என்ன?

**உமா** · **உமா** Thu Dec 29, 2011 4:22 pm

செய்தாலி wrote:
உமா wrote:ரசிக்கும் படியான வரிகள் செய்தாலி.
வித்யாசமான சிந்தனை.

இங்கு அமீரகத்தில் ஆறு வருடங்களாக தனியிருந்த வீட்டைவிட்டு
நாளை பிரிந்து செல்கிறேன் மன வருத்தத்துடன் எழுதிய வரிகள்

அந்த வீட்டை பிரிய ரெம்ப கஷ்டமா இருக்கு

மிக்க நன்றி தோழி

அனுபவ வரிகளா. அதனால் தான் அதிலே சற்று வலியை உணர முடிந்தது செய்தாலி அவர்களே. சோகம்

வருத்தம் வேண்டாம். எல்லா நல்ல படியே நடக்கும்.
அருமையிருக்கு

**ஜாஹீதாபானு** · **ஜாஹீதாபானு** Thu Dec 29, 2011 4:28 pm

நம் வீடும் நமக்கு நண்பன் தான் . நம்முடைய சுகம் துக்கம் அனைத்தையும் பார்க்கும் நல்ல நண்பனை பிரிவது கஸ்டம் தான்
கவிதை அருமை சூப்பருங்க

செய்தாலி · செய்தாலி Thu Dec 29, 2011 4:28 pm

உதயசுதா wrote:அருமையான வரிகள் செய்தாலி.நட்புக்கு ஒரு இலக்கணமா இருக்கு உங்க கவிதைகள்.

ஏன் வேற வேலை எதுவும் மாறிட்டீங்களா என்ன?

வேலையில் மாற்றம் இல்லை
நேரம் , போக்குவரத்து மற்றும் தூரம் என சில காரணங்களால்
அந்த வீட்டை பிரிய வேண்டிய அவசியம் ஏற்பட்டுவிட்டது அதுதான்

அதுபோல் நல்ல இடம் இனி அமையுமா என்ற ஒரு கவலைதான்

இனி புதிய ரூம் ,புதிய நண்பர்கள்

மிக்க நன்றி தோழி

செய்தாலி · செய்தாலி Thu Dec 29, 2011 4:32 pm

ஜாஹீதாபானு wrote:நம் வீடும் நமக்கு நண்பன் தான் . நம்முடைய சுகம் துக்கம் அனைத்தையும் பார்க்கும் நல்ல நண்பனை பிரிவது கஸ்டம் தான்
கவிதை அருமை

உண்மைதான் சகோ
நம் வீடு நம் நல்ல நண்பன்

Sponsored content · Sponsored content

வாடகை நண்பன்

வாடகை நண்பன்

Re: வாடகை நண்பன்

Re: வாடகை நண்பன்

Re: வாடகை நண்பன்

Re: வாடகை நண்பன்

Re: வாடகை நண்பன்

Re: வாடகை நண்பன்

Re: வாடகை நண்பன்

Re: வாடகை நண்பன்

Re: வாடகை நண்பன்

Re: வாடகை நண்பன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக