நியூசிலாந்திடம் வீழ்ந்தது இலங்கை

சாம்பியன்ஸ் டிராபி லீக் போட்டியில் நியூசிலாந்து அணி, இலங்கையை 38 ரன்கள் வித்தியாசத்தில் வீழ்த்தியது. இதையடுத்து நியூசிலாந்து அணி அரையிறுதி வாய்ப்பை தக்கவைத்துக் கொண்டது. இரண்டு தோல்விகளை சந்தித்துள்ள இலங்கை அணி தொடரில் இருந்து வெளியேறும் அபாயம் ஏற்பட்டுள்ளது.
தென் ஆப்ரிக்காவில் சாம்பியன்ஸ் டிராபி கிரிக்கெட் தொடர்(மினி உலக கோப்பை) நடக்கிறது. நேற்று ஜோகனஸ்பர்க்கில் நடந்த "பி' பிரிவு லீக் போட்டியில் நியூசிலாந்து, இலங்கை அணிகள் மோதின. டாஸ் வென்ற இலங்கை கேப்டன் சங்ககரா, பீல்டிங் தேர்வு செய்தார்.
ரைடர் அபாரம்:
நியூசிலாந்து அணிக்கு மெக்கலம்(46), ஜெசி ரைடர்(74) இணைந்து அசத்தல் துவக்கம் தந்தனர். அடுத்து வந்த கப்டில்(66) அரைசதம் கடந்து கலக்கினார். கடைசி கட்டத்தில் கேப்டன் வெட்டோரி(48), பிராங்ளின்(28) அதிரடியாக ஆட, நியூசிலாந்து அணி 50 ஓவரில் 7 விக்கெட்டுக்கு 315 ரன்கள் குவித்தது.
"டாப்-ஆர்டர்' சரிவு:
கடின இலக்கை விரட்டிய இலங்கை அணியின் விக்கெட்டுகள் மடமடவென சரிந்தன. அனுபவ ஜெயசூர்யா(24), தில்ஷன்(41), சங்ககரா(11), சமரவீரா(17) விரைவாக வெளியேறி ஏமாற்றினர். பின்னர் ஜெயவர்தனா, குலசேகரா இணைந்து போராடினர். ஜெயவர்தனா 77 ரன்களுக்கு வெட்டோரி சுழலில் போல்டானார். "டெயிலெண்டர்களும்' அதிக நேரம் தாக்குப்பிடிக்கவில்லை. இறுதியில் இலங்கை அணி 46. 4 ஓவரில் 277 ரன்களுக்கு ஆல் அவுட்டாகி தோல்வி அடைந்தது. குலசேகரா 57 ரன்களுடன் அவுட்டாகாமல் இருந்தார்.
ஆட்ட நாயகன் விருதை வெட்டோரி வென்றார்.
ஏற்கனவே இங்கிலாந்திடம் வீழ்ந்த இலங்கை அணி தற்போது இரண்டாவது தோல்வியை சந்தித்துள்ளதால், தொடரில் இருந்து வெளியேறும் நிலைமை ஏற்பட்டுள்ளது.

--ஸ்கோர் போர்டு--------

நியூசிலாந்து
மெக்கலம்(கே)தில்ஷன்(ப)மாத்யூஸ் 46 (72)
ரைடர்(கே)சங்ககரா(ப)குலசேகரா 74 (58)
கப்டில்(ப)மலிங்கா 66 (76)
டெய்லர்(கே)ஜெயவர்தனே(ப)ஜெயசூர்யா 4 (2)
எலியட் எல்.பி.டபிள்யு., (ப)மாத்யூஸ் 0 (3)
புரூம்(கே)ஜெயவர்தனா(ப)ஜெயசூர்யா 15 (21)
வெட்டோரி(கே)கபுகேதரா(ப)ஜெயசூர்யா 48 (44)
பிராங்களின் -அவுட் இல்லை- 28 (21)
மில்ஸ் -அவுட் இல்லை- 18 (6)
உதிரிகள் 16
மொத்தம் (50 ஓவரில் 7 விக்.,) 315
விக்கெட் வீழ்ச்சி: 1-125 (ரைடர்), 2-128 (மெக்கலம்), 3-133 (ரைடர்), 4-140 (எலியட்), 5-161 (புரூம்), 6-230 (வெட்டோரி),7-284 (கப்டில்).
பந்து வீச்சு: குலசேகரா 7-0-52-1, துஷாரா 7-0-50-0, மலிங்கா 10-0-85-1, மெண்டிஸ் 9-1-49-0, மாத்யூஸ் 6-0-33-2, ஜெயசூர்யா 10-0-39-3, கண்டம்பி 1-0-2-0.

இலங்கை
தில்ஷன்(கே)படேல்(ப)மில்ஸ் 41(31)
ஜெயசூர்யா(கே)மில்ஸ்(ப)டபி 24(18)
சங்ககரா(கே)டெய்லர்(ப)பிராங்களின் 11(13)
ஜெயவர்தனா(ப)வெட்டோரி 77(85)
சமரவீரா(கே)புரூம்(ப)வெட்டோரி 17(18)
கண்டம்பி-ரன் அவுட்(வெட்டோரி) 11(19)
மாத்யூஸ்(கே)கப்டில்(ப)பிராங்களின் 2(11)
குலசேகரா-அவுட் இல்லை- 57(56)
துஷாரா(கே)கப்டில்(ப)மில்ஸ் 11(14)
மலிங்கா(கே)டெய்லர்(ப)மில்ஸ் 15(10)
மெண்டிஸ்(கே)வெட்டோரி(ப)டபி 3(6)
உதிரிகள் 8
மொத்தம்(46.4 ஓவரில் ஆல் அவுட்) 277
விக்கெட் வீழ்ச்சி: 1-66(ஜெயசூர்யா), 2-67(தில்ஷன்), 3-85(சங்ககரா), 4-114(சமரவீரா), 5-137(கண்டம்பி), 6-141(மாத்யூஸ்), 7-219(ஜெயவர்தனா), 8-243(துஷாரா), 9-262(மலிங்கா), 10-277(மெண்டிஸ்).
பந்துவீச்சு: மில்ஸ் 10-0-69-3, பாண்ட் 9-0-82-0, டபி 8.4-1-39-2, பிராங்களின் 9-0-40-2, வெட்டோரி 10-0-45-2.