"இதுவும் கடந்து போகும்".

by **rameshnaga** Thu Dec 29, 2011 4:00 pm

First topic message reminder :

இன்றும்...
எழுதுவது குறித்தான
எனது கனவுகள்
நீர்த்துப் போய் விட்டன.

ஒரு குழந்தையின் ....
நிலவைப் பிடிக்கும் தாபமாய்
தவித்துத் தணிந்து
மீண்டும் ....
துளிர்த்துக் கருகுகிறது
என் கனவுகள்.

கருகும் என் கனவுகளைத்
தணிக்க வேண்டி...
எனது விரல்கள்....
திருடப் பட்டு விட்டதாய்
சமாதானம் கொள்கிறேன் நான்.

எதையும் ....
பகிர்ந்து கொள்ளாத இரவுகள்
இரக்கமற்றதாகி விட..
எழுத்துக்கள் தொலைந்து போய்விட்ட...
எனது காகிதங்களை

வெறித்து நோக்குகிறேன்...
நீரால் ஆன
எழுத்துக்களை நிரப்பிய படி.

by **rameshnaga** Mon Jan 23, 2012 6:33 pm

ரொம்பவும் நன்றி! ரா ரா ...

by சதாசிவம் Mon Jan 23, 2012 7:43 pm

rameshnaga wrote:ரொம்பவும் நன்றி ! சிவா சார். திடீரென எதுவுமே எழுதத் தோன்றாமல்
போய் விட்டது. வலிந்து எழுதுவது...உண்மையாக இருக்காது. அதனால்தான்
இத்தனை கால இடைவெளி. உங்களின்...அன்புக்கும், பாராட்டுக்கும் எனது
நன்றிகள்...சிவா சார்.

உங்கள் கவிதையும், இந்த பின்னூட்டமும் உண்மையான வார்த்தைகள். ஒரு கட்டத்தில் சலிப்போ, அல்லது நாம் படைப்பது ஒரே சாயலாக இருக்கிறோதோ என்ற எண்ணம் நமக்கு வந்து விடுகிறது.

உங்கள் கவிதை படித்த போது எனக்கு தோன்றியது..

சிந்தனை வற்றிப்போன
சிலிர்ப்பாள் சிதைந்தேன்
சின்ன சின்ன கவிதை படைத்து
சீனப் பெருச்சுவரும் அமைச்சாச்சு
சில்லு ஒன்றெடுத்து சீர் மிகு
சிறு கவி படைப்பதா பெரிது
சிரித்து சின்னக்காகிதம் எடுத்தால்
சீனப் பெருச்சுவரின் கற்கள் தான்
சிந்தனைக்கு வருகிறது..........

சதாசிவம் wrote:
rameshnaga wrote:ரொம்பவும் நன்றி ! சிவா சார். திடீரென எதுவுமே எழுதத் தோன்றாமல்
போய் விட்டது. வலிந்து எழுதுவது...உண்மையாக இருக்காது. அதனால்தான்
இத்தனை கால இடைவெளி. உங்களின்...அன்புக்கும், பாராட்டுக்கும் எனது
நன்றிகள்...சிவா சார்.

உங்கள் கவிதையும், இந்த பின்னூட்டமும் உண்மையான வார்த்தைகள். ஒரு கட்டத்தில் சலிப்போ, அல்லது நாம் படைப்பது ஒரே சாயலாக இருக்கிறோதோ என்ற எண்ணம் நமக்கு வந்து விடுகிறது.

உங்கள் கவிதை படித்த போது எனக்கு தோன்றியது..

சிந்தனை வற்றிப்போன
சிலிர்ப்பாள் சிதைந்தேன்
சின்ன சின்ன கவிதை படைத்து
சீனப் பெருச்சுவரும் அமைச்சாச்சு
சில்லு ஒன்றெடுத்து சீர் மிகு
சிறு கவி படைப்பதா பெரிது
சிரித்து சின்னக்காகிதம் எடுத்தால்
சீனப் பெருச்சுவரின் கற்கள் தான்
சிந்தனைக்கு வருகிறது..........