மூங்கில் வேட்டையாடி புத்தாண்டில் கொடியேற்றி வழிபடும் வினோதம்

**krishnaamma** · **krishnaamma** Wed Dec 28, 2011 9:39 pm

தேனி அருகே சர்ச் ஒன்றில் காட்டில் மூங்கில் வேட்டையாடி, புத்தாண்டு பிரார்த்தனை நடத்தும் பழக்கம் உள்ளது. தேனி மாவட்டம் ஆண்டிப்பட்டி அருகே மணியக்காரன்பட்டியில் உள்ளது சி.எஸ்.ஐ., சர்ச். இங்கு ஒவ்வொரு புத்தாண்டிலும் கொடியேற்றம் நடத்தி, சிறப்பு பிரார்த்தனை செய்வது வழக்கம். இதற்காக, காட்டில் மூங்கில் வேட்டை நடத்தி, மரம் கொண்டு வரப்படும். இந்த ஆண்டிற்கான மூங்கில் வேட்டை, டிச., 24ல் தொடங்கியது. வனத்துறையினர் ஒப்புதலோடு குமுளி இரைச்சல் பாலம் பகுதியில் நடந்த வேட்டை, மூன்று நாட்கள் தொடர்ந்தது. நேற்று முன்தினம் கொடிமரத்திற்கு ஏற்ற 90 அடி உயரமுள்ள மூங்கிலை கண்டுபிடித்து வெட்டினர். கடந்த இரு நாட்களாக குமுளியிலிருந்து சுமந்தபடி, நடந்து வந்தவர்கள், நேற்று மதியம் தேனி வந்தனர். கிராம இளைஞரணி தலைவர் சாலமோன் கூறியதாவது: மூங்கில் வேட்டைக்காக குறிப்பிட்ட இளைஞர்களை தேர்வு செய்வோம்.தேவைக்குஉரிய மரம் கிடைக்க, பல நாட்கள் ஆகும். அதுவரை தேவையான உணவுகளை எடுத்துசெல்வர். இம்முறை மரம் கிடைக்க மூன்று நாட்கள் ஆனது. அங்கிருந்து தூக்கி வர வேண்டும் என்பது வழக்கம். கொண்டு வரும் மூங்கிலில் கொடியேற்றி, 300 அடி தூரத்திலிருந்து ஓடிவந்து நடுவோம். அதன்பின் பிரார்த்தனை நடக்கும், என்றார்.

சார்லஸ் mc · சார்லஸ் mc Wed Dec 28, 2011 10:40 pm

வேதத்தில் இல்லாததை செய்ய மனிதன் எப்பொழுதும் அதிக ஆா்வம் காட்டுவான். கேட்டால் மக்கள் மகிழ்ச்சிக்கு என்பா். காாியத்தின் கருத்து என்ன? வேதத்தின்படி வாழ, வரப்போகிற புது ஆண்டு ஆசீா்வாத ஆண்டாக இருக்க வேண்டும் என்பதற்காக தேவசமூகத்தில் அமா்ந்திருக்கிறது போய், இப்பொழுது எல்லாம் மக்களின் கொண்டாட்டத்திற்கு, மட்டுமே முக்கியத்துவம் கொடுக்கும் நிலை வந்தது வருத்தமே.
காட்டிற்கு சென்று 2,3 நாட்கள் மரம் வெட்ட சென்றவா்கள் கடவுளுடைய பாதத்தில் 2, 3 நாட்கள் உபவாசம் இருக்க சொன்னால் காத தூரம் ஓடுவா்.
கிறிஸ்து சொன்ன மாா்க்கம் போய் இப்பொழுது பண்டிகை, கொண்டாட்டம் என்று மற்ற மாா்க்க வழிமுறைகள் வந்திருப்பது கிறிஸ்தவத்திற்கு ஏற்பட்ட போிழப்பு.