இன்றைய சிந்தனை - ஆனந்தத்தின் திறவுகோல்

ஈகரை தமிழ் களஞ்சியம் :: ஆன்மீகம் :: இந்து

Page 1 of 1 •

இன்றைய சிந்தனை - ஆனந்தத்தின் திறவுகோல்

#702660

jesudoss
தளபதி: பதிவுகள் : 1216
இணைந்தது : 10/01/2011

Post jesudoss Wed Dec 28, 2011 11:17 am

* மனிதர்களை நேசி. அவர்களுக்குத் தொண்டு செய். ஆனால், அவர்களின் பாராட்டுதலுக்கு ஆசைப்படாமல் இருப்பதில் கவனமாக இரு.

* நம்மை நெறிப்படுத்தும் மிகப்பெரிய வழிகாட்டி இறைவன் மட்டுமே. ஏனென்றால் நம்மை எப்போது அடிக்கவேண்டும். எப்போது அணைக்க வேண்டும் என்பது அவனுக்கு மட்டுமே தெரியும்.

* உலகில் வெறுமனே கடமை ஆற்றாமல் இருப்பதில் ஒரு பயனும் இல்லை. நல்ல லட்சியங்களுக்காக நாம் வாழவேண்டும். நற்பணிகளைச் செய்ய வேண்டும். அதற்காகத் தான் இறைவன் நம்மை அனுப்பி இருக்கிறான்.

* உன்னைத் தூய்மையாக்கும் பொறுப்பை கடவுளிடம் ஒப்படைத்து விடு. உன்னிடம் இருக்கும் தீயவற்றை அறவே அகற்றும் பொறுப்பு அவருடையது.

* கடவுளின் கண்களுக்கு அற்பமானது என்று எதுவுமில்லை. உன் கண்களுக்கும் அற்பமானது என்று எதுவும் இருக்க வேண்டாம்.

* ஒழுக்கமே ஆனந்தத்தின் திறவுகோல். கடவுளை அறிய அகந்தையை அறவே ஒழித்து ஒழுக்கமாக வாழ்ந்தால் கடவுளை முற்றிலுமாக அறியலாம்.

* தூய்மை இன்பம் எது தெரியுமா? இறைவனை அறிவதே ஆகும். மற்ற இன்பங்கள் நிலையானவை அல்ல.

* உத்தமச் செயல்களைச் செய்ய நினைத்தால் உடனடியாகச் செய்வது சிறந்தது. பிறருக்காக வாழும் பொதுநலப்பண்பு வாழ்பவன் கடவுளுக்கு நெருக்கமானவனாகிறான்.

அரவிந்தர்