முகம் பொலிவுடன் இருக்க ஆரஞ்சு!

முகம் பொலிவுடன் இருக்க ஆரஞ்சு!



முகம் பொலிவுடன் இருக்க ஆரஞ்சுத் தோல் மிக நல்லது. காய்ந்த ஆரஞ்சுத் தோல் பொடி, சந்தனம் இவற்றை பன்னீரில் நன்றாக குழைத்து முகத்திற்குப் போட்டு இரண்டு மணி நேரம் கழித்து சோப்பு போடாமல் முகத்தை கு ளிர்ந்த நீரில் கழுவ வேண்டும்.
வெந்தயம், கடுகு சமஅளவு எடுத்து பொடி செய்யுங்கள்.
இதை தயிரில் கலந்து தலைக்கு நன்றாக மசாஜ் செய்து ப த்து நிமிடம் ஊறிக் குளிக்கவும். பொடுகுத் தொல்லை இருக்காது. பேன் தொல்லையும் இருக்காது.-கி. மஞ்சுளா, கரூர்.

எலுமிச்சைப் பழத்தில் சாறு பிழிந்த பின் தோலைத் தூக்கி எறியாமல் கைமுட்டி, கால் கணுக்கால் முட்டி, கழுத்துப் பகுதிகளில் தேய்த்துக் கொள்ளலாம். அரை மணி நேரம் கழித்துக் கழுவிடலாம். அடிக்கடி இப்படிச் செய்தால் கறுப்பு இருந்ததே தெரியாது.
- இந்திராணி பொன்னுசாமி, ஈகை.



சந்தனக் கட்டையை இழைத்து நீரில் கலந்து காய்ச்சி ஆறியதும் குடித்து வர, மார்புவலி, காய்ச்சல், மாந்தக்கட்டு ஆகியவை குணமாகும். சந்தன எண்ணெயுடன் தேங்காய் எண்ணெயைக் கலந்து படை, சொரி, சிரங்கு போன்ற தோல் நோய்களுக்குப் பூசி வர குணம் காணலாம். வெயில் காலத்தில் சந்தனத்தை அரைத்து உடல்பூராவும் பூசிவர வெப்பம் தணியும். தோல் பளபளப்பாகவும் மென்மையாகவும் அழகாகவும் இருக்கும். வியர்க்குரு பரு, தோல் நோய்கள் வராது. வேனல் கட்டிகளில் சந்தனம் பூசிவர குளுமையாக இருக்கும். சீக்கிரம் கட்டி உடையும். சந்தனத் தூளுடன் பன்னீர் கலந்து, சிறிதளவு கிளிஸரின் சேர்த்து முகத்தில் பூசி ஊறிய பின் குளிர்ந்த நீரால் முகம் கழுவி வர முகச் சுருக்கம் நீங்கி முகம் பொலிவுடன் காணப்படும். பருக்கள் வராது.
- எஸ்.விஜயா சீனிவாசன், திருச்சி.

காய்ச்சாத சுத்தமான பசும்பாலில் பஞ்சினை ஒற்றி கண்களில் வைத்து அரைமணி நேரம் கண்களை மூடிக் கொள்ளுங்கள். பிறகு வேறு ஒரு மெல்லிய துணியால் துடையுங்கள். பிறகு குளிர்ந்த நீரால் கண்களைக் கழுவினால் கருவளையம் போய்விடும். கம்ப்யூட்டரில் வேலை செய்பவர்கள் கட்டாயம் செய்ய வேண்டும்.
- கி. மஞ்சுளா, கரூர்.


கறிவேப்பிலை 2கப், மருதாணி இலைகள் ஒரு கப் எடுத்து நன்கு அலசி மிக்ஸியில் தண்ணீர் விடாமல் விழுதாக அரைத்து, ஒரு தட்டில் வாழை இலை அல்லது தையல் இலையில், அரைத்த விழுதை சிறு வில்லைகளாக தட்டி நிழல் உலர்த்தலாக உலர வைக்கவும். ஒரு கண்ணாடி பாட்டில் அல்லது பீங்கான் ஜாடியில் வில்லைகளைப் போட்டு அரை கிலோ தேங்காய் எண்ணெய் ஊற்றி வைக்கவும். இரண்டு நாட்கள் கழித்து உபயோகிக்க ஆரம்பிக்க லாம். தினமும் தலைக்குத் தடவி வர, இளநரை வராது. முடியும் நன்கு வளரும்.

http://www.thedipaar.com/news/news.php?id=38804#