பள்ளி மாணவர்களுக்கு சுடசுட காலை உணவு: மத்திய அரசு திட்டம்

by **இளமாறன்** Tue Dec 27, 2011 2:10 am

புதுடெல்லி, டிச. 26-

தமிழ்நாட்டில் அரசு பள்ளிகளில் படிக்கும் மாணவர்களுக்கு இலவச மதிய சத்துணவுத் திட்டம் வெற்றிகரமாக செயல்படுத்தப்பட்டு வருகிறது. மத்திய அரசும் மதிய உணவுத் திட்டத்தை அமல்படுத்தி வருகிறது.

தற்போது நாடெங்கும் அரசு பள்ளிகள் மற்றும் அரசு உதவி பெறும் பள்ளிகளில் படிக்கும் மாணவ-மாணவிகளுக்கு தினமும் காலை சுடச்சுட உணவு வழங்க மத்திய அரசு திட்டமிட்டுள்ளது. மத்திய உணவு அமைச்சகம் இதற்கான பரிந்துரையை செய்துள்ளது.

எட்டாம் வகுப்பு வரையுள்ள மாணவ-மாணவிகளுக்கு முதல் கட்டமாக, இந்த திட்டத்தின் கீழ் காலை உணவு வழங்க திட்டமிடப்பட்டுள்ளது. மாணவர்கள் பள்ளிக்கு வருவதை அதிகரிக்கவும், கல்வி கற்றலில் இடைநிற்றல் குறையை நிவர்த்தி செய்யவும் கலை உணவுத் திட்டம் உதவும் என்று மத்திய அரசு எதிர்பார்க்கிறது.

பாராளுமன்றத்தில் சமீபத்தில் கொண்டுவரப்பட்ட தேசிய உணவு பாதுகாப்பு மசோதாவில் காலை உணவு திட்டத்தை சேர்க்க திட்டமிட்டிருந்தனர். மாநில அரசுகளுடன் கலந்து ஆலோசிக்க வேண்டியதிருப்பதால், இத்திட்டம் பரிசீலனையில் உள்ளது.

இந்த திட்டத்தை அமல்படுத்தினால் ஒவ்வொரு ஆண்டும் 6.5 கோடி டன் உணவு தானியங்கள் காலை உணவுத் தயாரிப்புக்கு தேவைப்படும். இந்த தேவையை சமாளித்து விடலாம் என்று அறிவிக்கப்பட்டுள்ளது. எனவே மாணவர்களுக்கு சுடச்சுட காலை உணவு வழங்கும் திட்டத்தை மத்திய அரசு விரைவில் அறிவிக்கப்படும் என்று எதிர்பார்க்கப்படுகிறது.

மாலைமலர்

by சார்லஸ் mc Tue Dec 27, 2011 5:37 am

தேவையற்ற அநாவசிய வீண் தண்டச்செலவு.
ஓட்டு வங்கியை குறி வைத்து செயல்படுத்தும் திட்டம் போல தொிகிறது. இந்தியாவில் தன் குழந்தைக்கு மூன்று வேளை உணவுகூட தர இயலாத பெற்றோா் தற்போதைய நிலையில் யாரும் இல்லை.
இதைவிட குழந்தைகள் நலன் பேண, கல்வி முன்னேற்றத்திற்கு கல்வியாளா்களின் ஆலோசனை கேட்டு வேறு நல்ல புதிய திட்டங்கள் கொண்டு வரலாம்.

by மகா பிரபு Tue Dec 27, 2011 8:08 am

சரியான உணவு கிடைக்காத எத்தனையோ ஏழைகள் கிராமங்களில் உள்ளனர். அவர்களுக்கு இது பயனுள்ளதாக இருக்கும்.

by சார்லஸ் mc Tue Dec 27, 2011 8:13 am

அப்படியானால் கிராம பள்ளிகளுக்கு மட்டும் இத்திட்டத்தை கொண்டு வந்தால் நல்லது.

by மகா பிரபு Tue Dec 27, 2011 8:17 am

சார்லஸ் mc wrote:அப்படியானால் கிராம பள்ளிகளுக்கு மட்டும் இத்திட்டத்தை கொண்டு வந்தால் நல்லது.

நீங்கள் சொல்வதும் ஒருவகையில் சரிதான். ஆனால் வசதிபடைத்த பிள்ளைகள் யாரும் இந்த உணவை அருந்துவதுகிடையாது.

வீண் விரயம் அதிகமாகும் என்று கருதுகிறேன் சோகம்

by **Aathira** Tue Dec 27, 2011 10:09 am

மாநகராட்சி பள்ளிகளில் பத்தாம், பனிரெண்டாம் வகுப்பு மாணவர்களுக்கு சிறப்புப் பயிற்சி வகுப்பில் ல்சுண்டல் வழங்கும் திட்டம் மாநில அரசு கொண்டு வந்துள்ளதே...அது நல்ல திட்டமாகத் தெரிகிறது.. ஆனால்...

ஏற்கனவே ஆசிரியர்கள் நேரத்திற்கு வகுப்புக்கு வரமாட்டார்கள். ஒரு மணிநேர சிறப்பு வகுப்பில் கியூவில் நின்று சுண்டல் வாங்கித் தின்று விட்டு வகுப்புக்கு வந்து ஒரு ஐந்து நிமிடம் பாடம் படித்தால் சரி.. சிரி