ராணுவ ஆட்சி பீதி: பாகிஸ்தானில் முன் கூட்டியே தேர்தல் நடத்த பிரதமர் திட்டம்

**இளமாறன்** · **இளமாறன்** Tue Dec 27, 2011 2:13 am

இஸ்லாமாபாத், டிச.26-

பாகிஸ்தான் நாட்டில் ஆட்சியாளர்களுக்கும், ராணுவத்தினருக்கும் இடையே மோதல் ஏற்பட்டுள்ளது. எனவே ராணுவ தளபதிகள் புரட்சி செய்து ஆட்சியை கைப்பற்றக்கூடும் என்ற பரபரப்பு ஏற்பட்டுள்ளது.

ராணுவப் புரட்சி ஏற்படும் பட்சத்தில், அதைத் தடுத்து உதவ வேண்டும் என்று அமெரிக்காவுக்கு பாகிஸ்தான் ஆட்சியாளர்கள் கடிதம் எழுதியுள்ளதாக தகவல் வெளியானது.

இதுபற்றி விசாரணை நடத்த வேண்டும் என்று சுப்ரீம் கோர்ட்டில் ராணுவம் மனு செய்துள்ளது. இதற்கு ஆட்சியாளர்கள் கடும் எதிர்ப்பு தெரிவித்துள்ளனர். ராணுவம் இப்படி தன்னிச்சையாக செயல்படக்கூடாது. ஆட்சிக்கு கட்டுப்பட வேண்டும் என்று ஜனாதிபதி சர்தாரியும், பிரதமர் யூசுப் ராசா கிலானியும் கூறியுள்ளனர்.

இதற்கிடையே நேற்று சர்தாரியும், கிலானியும் கொடுத்த விருந்தை ராணுவ தளபதி கயானி புறக்கணித்தார். இது பாகிஸ்தானில் பரபரப்பை ஏற்படுத்தி உள்ளது.

இந்த நிலையில் ராணுவத்தின் கை ஓங்குவதைத் தடுக்க, பாகிஸ்தானில் முன்கூட்டியே தேர்தலை நடத்த பிரதமர் கிலானி திட்டமிட்டுள்ளது தெரியவந்துள்ளது. வரும் மார்ச் மாதம் பாகிஸ்தானில் செனட் தேர்தல் நடைபெற உள்ளது. அதன் பிறகு உடனடியாக தேர்தல் நடத்தப்படும் என்று கூறப்படுகிறது. இதற்கான அறிவிப்பு எந்த நேரத்திலும் வெளியிடப்படலாம் என்று தெரிகிறது.

தற்போதைய ஆட்சியாளர்களின் பதவிக்காலம் வருகிற 2013-ம் ஆண்டு வரை உள்ளது. என்றாலும் முன்கூட்டியே தேர்தல் வரலாம் என்று தகவல்கள் வெளியாகி உள்ளதால் எதிர்க்கட்சிகளும் தேர்தலை சந்திக்க தயாராகி வருகின்றன.

மாலைமலர்

சார்லஸ் mc · சார்லஸ் mc Tue Dec 27, 2011 5:52 am

பாகிஸ்தானில் ராணுவப் புரட்சி என்பது வியப்பு அல்ல. அது அவா்களது இயல்பு. கொஞ்ச நாளாக மறைந்திருந்தது. இப்போது மீண்டும் தலை தூக்கியுள்ளது. இந்தியாவிற்கு கெடுதல் நினைக்கிற வரை, பாகிஸ்தானில் நிலையான அமைதியான ஆட்சிக்கு வழியில்லை. இந்தியாின் மனவேதனை - பாகிஸ்தானிற்கு ஒரு சாபம்.

ராணுவ ஆட்சி பீதி: பாகிஸ்தானில் முன் கூட்டியே தேர்தல் நடத்த பிரதமர் திட்டம்

ராணுவ ஆட்சி பீதி: பாகிஸ்தானில் முன் கூட்டியே தேர்தல் நடத்த பிரதமர் திட்டம்

Re: ராணுவ ஆட்சி பீதி: பாகிஸ்தானில் முன் கூட்டியே தேர்தல் நடத்த பிரதமர் திட்டம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக