வரைபடத்தோடு வாருங்கள்

by **ரா.ரா3275** Sun Dec 25, 2011 7:04 pm

புயல் அடங்கும்
மழை அடங்கும்
இடி அடங்கும்
இசை அடங்கும்

உயிர் அடங்கும்
உடல் அடங்கும்
உண்மை அடங்குமா?...

மவுனித்தது உன்
துப்பாக்கி மட்டுமே...
துணிவன்று!

துரோகம் தின்று கொழுத்து
இன்று வேண்டுமெனில்
எங்கும் திரியலாம்...
எவனெவனோ தரும் எச்சில்
பிச்சை நரகலை நக்கி
நடனமாடலாம்...
‘நீ இல்லை’ என்று
சொல்லிச் சொல்லியே
நிதம் நிதம் சாத்தான்கள்
நீச வேதம் ஓதலாம்...

‘நீ எங்கே?’ என்று
கேட்கும்
“அட்டைக் கத்திகளுக்கு”
ஆதாரங்கள் காட்டி
வாயடைப்பது எங்கள்
வேலையன்று...

நீ தனியாக இருக்கிறாயா?
அணியாக இருக்கிறாயா?

உண்மையில் தெரியாது எங்களுக்கு

ஆனால்...
‘அசைக்க முடியாத’
அன்னைத் தமிழீழத்தின் தயாரிப்பில்
இருக்கிறாய்...
அது தெரியும் எங்களுக்கு!

எதிரிகளும் துரோகிகளும்
எங்கு போய்விடுவார்கள்?...
இவர்கள் சிரிப்பு போலீசுகள்

எப்படியும் நீங்கள் திருப்பி
அடிப்பீர்கள்
என்பதற்காகவே
இன்னும் இன்னும் தின்று
கொழுக்கிறார்கள்...

இருந்தும் இந்த அட்டைக்கத்திகளை
நீங்கள்
அடிக்கத் தேவையில்லை
அசைந்தாலே போதும்...
அத்தனையும் ‘அடக்க’மாகிவிடும்...

அடடே...
அண்ணா மறந்துவிட்டோம்...
பிறந்தநாள் வாழ்த்துகள்!

வரும்போது வரைபடத்தோடு
வாருங்கள்...
எத்தனை தொகுதிகள் என்று
பிரித்து
அத்தனை பேருக்கும்
வாக்காளர் அட்டைகள்
வழங்க வேண்டும்!

by **ரா.ரா3275** Tue Mar 13, 2012 12:25 am

வருவான் தலைவன்... குதூகலம்

by யினியவன் Tue Mar 13, 2012 12:37 am

வருவான் தலைவன் வரை படத்தோடு
தருவான் தமிழ் ஈழமென முழக்கமிட்ட ராரா
தங்களின் வரிகள் பலிக்கட்டும் தனி ஈழம் மலரட்டும்.

உணர்ச்சிமிக்க - நம்பிக்கையின் உச்சத்தில் உரைக்கப்பட்டது
உருப்பெற்று - அதனை கண்டு மகிழ காத்திருக்கிறேன் உங்களுடன்.

by **ரா.ரா3275** Tue Mar 13, 2012 12:43 am

கொலவெறி wrote:வருவான் தலைவன் வரை படத்தோடு
தருவான் தமிழ் ஈழமென முழக்கமிட்ட ராரா
தங்களின் வரிகள் பலிக்கட்டும் தனி ஈழம் மலரட்டும்.

உணர்ச்சிமிக்க - நம்பிக்கையின் உச்சத்தில் உரைக்கப்பட்டது
உருப்பெற்று - அதனை கண்டு மகிழ காத்திருக்கிறேன் உங்களுடன்.

நன்றிகள் நண்பரே...நடக்கத்தான் போகிறது...