டிரைவர் இல்லாத தீயணைப்பு வண்டிகள் வாய்ப்பிருந்தும் வர மறுக்கும் பின்னணி:375 இடங்கள் காலி

மதுரை:தர ஊதிய பிரச்னையால், தீயணைப்பு வண்டிகளில் டிரைவராக பணிபுரிய வீரர்கள் தயங்குகின்றனர். தமிழகம் முழுவதும் 375 காலியிடங்கள் உள்ளதால், ஆள் பற்றாக்குறை ஏற்பட்டு, தற்போதுள்ள டிரைவர்கள் மனஅழுத்தத்திற்கு ஆளாகியுள்ளனர்.இத்துறையில் வீரராக சேருபவர்கள், மூன்று ஆண்டுகளில் டிரைவராக பதவி உயர்வு பெற முடியும். இதை நழுவவிட்டவர்களுக்கு, ஐந்தாண்டுகளில் முன்னணி வீரர் பதவி உயர்வு வழங்கப்படும்.
ஒரு நபர் சம்பள கமிஷன் பரிந்துரையின் பேரில், டிரைவர்களுக்கு தர ஊதியம் 4,200 ருபாய் என நிர்ணயிக்கப்பட்டது. 30 தீயணைப்பு கோட்டங்களில், 15 கோட்ட டிரைவர்களுக்கு இந்த ஊதியம் வழங்கப்படுகிறது. மதுரை உட்பட பிற கோட்டங்களுக்கு இன்னும் வழங்கப்படவில்லை.

டிரைவர்கள் கூறியதாவது :டிரைவரானால் கடைசி வரை அந்த பதவியில் இருந்தே ஓய்வு பெற வேண்டியுள்ளது. பதவி உயர்வும் பெற வாய்ப்பில்லாததால், எங்களுக்கு தர ஊதியம் 4,200 ருபாய் என நிர்ணயிக்கப்பட்டது. அதே சமயம், முன்னணி வீரராக பதவி உயர்வு பெற்றால், 10 ஆண்டுகளில் நிலைய அலுவலராக பதவி உயர்வு பெற்று, 4,200 ருபாய் தர ஊதியத்தை பெறமுடியும். இதனாலேயே வீரர்கள் பலர், டிரைவராக வர மறுத்து, ஐந்தாண்டுகளில் முன்னணி வீரராக பதவி உயர்வு பெற ஆர்வம் காட்டுகின்றனர்.
தமிழகத்தில் 1,073 டிரைவர் பணியிடங்களில் 375 இடங்கள் காலியாக உள்ளன.

ஒரு வண்டிக்கு இரு டிரைவர்கள் இருக்க வேண்டும். பற்றாக்குறையால் ஒரு டிரைவரை வைத்தே "ஓட்ட' வேண்டியுள்ளதால், அவர்கள் மனஅழுத்தத்திற்கு ஆளாகியுள்ளனர்.டிரைவர் பணி என்பது முக்கியமானது. நிலையத்திலிருந்து சம்பவ இடத்திற்கு சென்று, தண்ணீரை பீய்ச்சும் வரை அனைத்து வேலைகளையும் அவர்தான் செய்ய வேண்டும். முக்கியத்துவம் வாய்ந்த டிரைவர் பணியிடங்களுக்கு, வீரர்கள் ஆர்வமுடன் வர, தர ஊதியம் 4,200 ருபாய் வழங்க அரசு நடவடிக்கை எடுக்க வேண்டும்.இவ்வாறு டிரைவர்கள் கூறினர்.

தினமலர்

எது எதற்கோ செலவு செய்யும் அரசு , இது போன்ற முக்கியமான துறைகளுக்கும் தரமான சம்பள கொள்கைகளை பின்பற்ற வேண்டும்.

இத் துறையில் உள்ள குறைபாடுகளை காணும் உயா் அதிகாாிகள், அரசுக்கு ஏதும் தொிவிப்பது இல்லையா?
இந்த ஒரு துறையில் மட்டும்தான் இப்படியா? இல்லை எல்லா துறைகளின் லட்சணமும் அப்படித்தானா? மாவட்ட நிா்வாகம் இதிலெல்லாம் தலையிடுவதில்லையா?
ஜெ.அரசு அனைத்து துறைகளையும் அலசி அனைத்து குறைகளையும் போக்க ஒரு போா்க்கால நடவடிக்கை எடுப்பது தமிழகத்திற்கு நல்லது என நினைக்கிறேன்.
கடந்தகால அலட்சியங்கள் புறக்கணிக்கப்பட்டு புது மறுமலா்ச்சியை ஏற்படுத்த அரசு முனைய வேண்டும்.

எல்லா துறைகளிலும் இப்படிதான் உள்ளது , கேட்டால் ஃபைனான்ஸ் டிபார்ட்மெண்ட் ஒப்புதல் கிடைக்கவில்லை , அரசு கொள்கைமுடிவு எடுக்கவில்லை , நிதி பற்றாக்குறை, பெரு நகரங்களின் தேவைக்கு பணியாளர்கள் திருபிவிடபட்டனர், இல்லைஎன்றால் பணி நியமனம் செய்பவர்களுக்கு கட்டுபடியாகவில்லை , உத்தரவு கிடைததும் ஆட்கள் நியமனம் செயபௌவர்கள் என ஏதேதோ காரணங்களை அடுக்கிக்கொண்டே மக்களின் உயிமெது விளையாடுவார்கள் என்ன செய்வது எல்லாம் நாம் தலைஎழுத்து

இதற்கு அலட்சியம் தான் காரணம்